MATIUS 10:16 - Tanou Moonsoi Timugon

¹⁶ “Karaa' min! Susubon takamin koson ra domba giu' ra tatanga' ru taani. Akau musiti' no mapintar koson ra kukuo am moonsoi guang koson ra susuit asang.

MATIUS 10:16 ပူးပေါင်းရင်းမြစ်များ

LUKAS 10:3

Ugar kano! Susubon takamin koson ra anak domba ra tatanga' ru taani.

PILIPI 2:15

Intor raginio nampakito kau ra akau ti anak ri Aki Kapuuno' ondo' kolondo' sala kapoam tula am moonsoi kaayagan min ra tatanga' ru ulun-ulun malaat am makatula no. Am paat ra akau maayag koson raginio, mogondo' kau ra butitin suminda ra rondom ti,

1 KORINTUS 14:20

Pabukat kau ngaangai', pai' kau pangkara' koson ra lalaing, kaa' musiti' kau makapaliso koson ra ulun nasukor, ondo' ayuk am ralalom baal kalaatan, tilu kano ra lalagang.

KOLOSI 4:5

Kapintar kano paat ra akau lumatok ra ulun ondo' kalo mangintopot no. Kaluagan raginio alapon min mampakito risilo ra akau maamaya' ri Kristus.

LUKAS 21:15

sabap ra Aku galama' mangani' ramuyun ra kapintaran tumaam, saboi kolondo' sangulun pana pantula' mino makaanggal kapoam makaansang ramuyun.

RINALATAN 20:29

Napandayan ku noyo ra pakaugar aku, mokoondo' ulun koson ra taani masangit mongoi simpung ramuyun am ulun ondo' inalungan mino gaawon intor ramuyun.

2 KORINTUS 11:3

Maimamang aku ramuyun ra maampon kinulau lair pampagagayaan min ri Kristus, mogondo' ri Awa, ondo' ra galing i rinuung ru kukuo ra maabau-abau i.

1 TISALONIKA 5:22

Inggalur kano ra atan ayuk baal malaat.

2 KORINTUS 11:14

Ginio kalo makaimuag! Tingganai ru riwato pana makasalu ra malaikat ri Aki Kapuuno' ondo' makasinda.

KASAUKAN 3:1

Kukuo rondo' bibiag ondo' mapintar kaga' intor ra ngaangai' bibiag ondo' binaal ru Tuhan i Aki Kapuuno'. Pangkuot kukuo no ra ruandu' no, “Motopot kia minindagu i Aki Kapuuno' ra kalo maakan min kinawa' intor ra ngaangai' puun ondo' soroi ra taman ti?”

1 TISALONIKA 2:10

Akau no sasi' mai, am koson niayuk i Aki Kapuuno', ra mapasau, mabanis am matanda' paliso mai ramuyun ondo' nangintopot noyo ri Kristus.

KOLOSI 1:9

Ginio nai ra intor poyo ra akai nakaining raginio, masalok akai boo mangkara' ramuyun ralalom pakiasian mai. Makiasi' akai ri Aki Kapuuno' ra makatutun kau ra atan sotopot no kasagaan Nano, ioginio aniin kau ru Ambiluo ri Aki Kapuuno' ra kapintaran am kapandayan.

2 KORINTUS 1:12

Maringkuanang akai toojo sabap ra bolos ru guang mai maminson ramon ra kiralan ru kaayagan mai ra tana' ti, mulu' poyo pabukatan mai ti ramuyun, masalok mabanis am matanda'. Ginio mabaal mai ralalom ru kuasa' ri Aki Kapuuno' am asi' Nano galama', am sala' ka mansail ra kapintaran ru ulun.

2 KORINTUS 8:20

Pinaaya' mai io, maa' raginio kolondo' sangulun kon pana makapanguu' ramon ra ati kulaan akai mampaugar ra kinasuang ru ruit ti.

KASAUKAN 3:13

Pangkuot Tuhan i Aki Kapuuno' ra ruandu' no, “Kua guat baalo' mu ginii?” Taam io, “Rinuung aku ru kukuo saboi inakan ku kawa' no.”

JIRIMIA 40:16

Kaa' taam i Gidalia, “Pai' baalo' ginuang muno! Ragu-ragu muno intor ri Ismail no kalo motopot!”

GOSIA 7:11

Ulun ru Israil koson ra susuit asang ondo' sasambungon. Kasaa' no makiindangan ilo ra Misir, malupus raginio Asyur!

MATIUS 24:25

Rongogo' min! Nakaindagu Aku noyo ramuyun paat ra kalo poyo nasuku' baal ti.

MATIUS 24:45

“Osoi kia ulipon ondo' gumagaya' am mapintar? Io noyo ulun ondo' paningganayon ru tuan nano am manusub mapaakan ra ulipon-ulipon ra bokon paat ra inaru' i.

MATIUS 25:2

Limo ngaulun ti sasambungon, kaa' limo ti matanda'.

MATIUS 25:4

Kaa' limo ngaulun ralaa ra matanda' ti nagibit ra pilasut am umau masuang.

MATIUS 25:9

‘Kalo!’ kon ru ralaa-ralaa matanda' no, ‘Sabap ra kalo makaukop ra itakau ngai'. Ongoi kano bali giu' ra kadai.’

NIGIMIA 4:13

Ginio ra inukapan ku mamagun ra ilang, tutura' am panah. Pinaayan ku ilo maya' ra bansa' ru sigagama' giu' ra talikuron ru timbok, iono giu' ra intok-intok ondo' kalo poyo pinuna'.