MATIUS 10:1 - Tanou Moonsoi Timugon

¹ Piawo' ri Jisus mopor am ruo ngaulun maamaya' Nano, am anii' No boo ilo ra kuasa' mampagiru' ra riwato am mamabas ra nansalinut maruol.

MATIUS 10:1 ပူးပေါင်းရင်းမြစ်များ

LUKAS 10:19

Rongogo' min! Inanian takamin ra kuasa' manginjang ra kukuo makabisa' am lingait am niayuk kuasa' makaanggal ra ikang ru pantula' mino. Kolondo' mampakaruol ramuyun.

LUKAS 24:49

Aku galama' mangator ramuyun ondo' binantu' ri Ama' i. Kaa' musiti' kau maginaa galing ra bandar ragitio saboi mokoowot kau ra kuasa' ti intor ri Aki Kapuuno', bagu mongoi kau pampatanou.”

RINALATAN 1:8

Kaa' akau makaalap ra kuasa' paat ra Ambiluo ri Aki Kapuuno' no matong ramuyun. Masauk kau boo ra sasi' Kuno giu' ra Jirusalim, ngaangai' ra Judia, am Samaria, am saboi ra ati ayuk intok ra tana' ti.”

JUANIS 3:27

Kaa' taam i Juanis, “Kolondo' atan ayuk pana maapu ru sasangulun amon ru kalo i Aki Kapuuno' mangani'.

LUKAS 6:13

Mamaar matawang, piawo' No maamaya' Nano, am pampili' Io suang mopor am ruo ngaulun intor risilo. Inggalani' No ilo ra rasul. Ilo no am

LUKAS 21:15

sabap ra Aku galama' mangani' ramuyun ra kapintaran tumaam, saboi kolondo' sangulun pana pantula' mino makaanggal kapoam makaansang ramuyun.

RINALATAN 19:15

Kaa' taam boo riwato no risilo, “Nakaulig aku ri Jisus am nakapandai aku niayuk ri Paulus, kaa' osoi guat akau ti?”

JUANIS 17:2

Iniou Mu noyo Anak manguasa' ra ngaangai' ulun, maa' raginio makapangani' Anak Mutu ra kaayagan motopot am mantilayun ra ngaangai' ulun ondo' pinataak Mutu Riso.

JUANIS 6:70

Indagu boo i Jisus risilo, “Kabalu' pana Aku noyo nampili' ramuyun mopor am ruo ngaulun ringai', kaa' sangulun intor ramuyun no riwato.”

JUANIS 3:35

Ama' no motogom ra Anak Nano, am nangani' ra ngaangai' kuasa' Nano Riso.

PINAINTALANG 12:1

Giu' boo ra limbowon no makito ra rondo' tatandu' makaimuag. Sangulun ruandu' nambayang ra mato ru orou am koson kimininjang io ra bulan. Nanasampak io ra karaun ondo' binaal ra mopor am ruo butitin.

MATIUS 26:47

Liliwa' i Jisus lakat ayuk poyo mindagu, ratong i Judas nabaya' ra ulun masuang ondo' nagibit ra ilang am lalamba'. Sinusub ilo ru tingganai-tingganai imam Jaudi am tingganai-tingganai ru ulun ru Jaudi.

MATIUS 26:20

Paat ra molondom i Jisus am mopor am ruo maamaya' Nano nanturung nangakan.

MATIUS 19:28

Indagu i Jisus risilo, “Pangintopot ayuk. Giu' ra Tana' Bagu, Anak ru Ulun mamarinta am manturung ra takhta Nano. Paat raginio akau mopor am ruo maamaya' niayuk manturung ra takhta am mangakim ra mopor am ruo bansa' ru Israil!

MATIUS 6:13

Palabuso' akai no intor ra pangkinaman am ampini' no akai intor ra kuasa' ru kalaatan. [Sabap ra Okou no Raja' ondo' matulai am makakuasa' sabuoi-buoi no. Amin.]’

MATIUS 4:23

Sinuku' ri Jisus titikop libung ru Galilia. Nangila' Io ralalom ru baloi sambayangan am nampatanou Io niayuk ra Tanou Moonsoi ra mamarinta i Aki Kapuuno'. Namabas Io ra ngaangai' maruol ru ulun masuang.

MATIUS 9:35

Minongoi i Jisus ra ngaangai' pekan am pamagunan. Nangila' Io giu' ra baloi sambayangan am nampatanou ra Tanou Moonsoi ra i Aki Kapuuno' mamarinta. Namabas Io ra ulun-ulun intor ra nansalinut maruol nilono.

MATIUS 9:38

Pakiasi' kano ra tatangan ru kumoson no maa' raginio manusub io ra ulun mangkumos ra tinanom nano.”