MATIUS 1:23 - Tanou Moonsoi Timugon

²³ “Maapang ralaa ti am maganak io ra sangulun anak ungkuyon am inggalanin anak ti ri Imanuil.” (Sumugut ra ragu ru ulun ru Ibrani, Imanuil arati' no, “I Aki Kapuuno' mabaya' ritakau.”)

MATIUS 1:23 ပူးပေါင်းရင်းမြစ်များ

MAZMUR 46:11

Minindagu Io, “Langgai' noyo pangayawan, uligi' min noyo ra Aku ti i Aki Kapuuno', ondo' matulai intor ra ngaangai' bansa' am ra titikop ru tana' ti.”

MAZMUR 46:7

Ngaangai' bansa' mangalaa', ngaangai' pamarintaan monontol; bulintok ri Aki Kapuuno' maningkalur, tana' ti pana magagai.

JISAYA 12:2

Aki Kapuuno' Mamamayag raki'; mangintopot aku Riso am kalo malaa' aku. Tuhan manaak ra kuasa' am kaikangan raki'; Io no Mamamayag raki'.

JISAYA 7:14

Raino, Tuhan galama' manaak rirun ra tatandu': sangulun ralaa ondo' maapang maganak ra sangulun anak ungkuyon ondo' inggalanin ri ‘Imanuil’.

MATIUS 1:24

Sukal i Jusup am bayaa' no susuban ru malaikat ra inupi nali am ongoyo' no uoto' i Maria.

MATIUS 28:20

Ilaa' ilo ti mampagagaya' ra atan ondo' panusuban Kuli. Karaa' noyo, soroi Aku mabaya' ramuyun saboi ra orou pupus ru tana' ti.”

LUKAS 20:44

Amon ru sabiton Io ri Daut ra ‘Tuhan’, ati kulaan Mamamayag ondo' sinusub ri Aki Kapuuno' masauk ra papag ri Daut?”

JUANIS 1:14

Ragu no nasauk ra ulun am minayan Io ritakau. Nakito takau noyo ra Io matulai toojo, sabap ra Io no rorondo' Anak Langkuir ri Ama'. Ralalom inggalan Nano i Aki Kapuuno' galama' am togom Nano pinakito ritakau.

RINALATAN 18:9

Sarandaman ragili, ralalom pagilangan minindagu Tuhan ri Paulus, kono, “Pai' kalaa'! Pai' langgai' pangilaan muno,

ROMA 8:31

Sabap raginio, atan boo paraguon takau? Amon ru i Aki Kapuuno' bala takau, osoi kia makagula' ritakau? Maaru' kolondo'!

ROMA 9:5

Ilo ti papag ru kinamatuaan takali ra nauligan, am intor ra papag ri Kristus ra ulun no, inanak Io sangulun Israil. Gama' ru i Aki Kapuuno' ondo' manguasa' ra ngaangai', omporon ra sabuoi-buoi no. Amin.

2 KORINTUS 5:19

Gitio noyo tanou posoboyon mai; ralalom ri Kristus i Aki Kapuuno' nopobonsoi ra ngaangai' ulun Riso am kalo boo karaan No tula nilai. Am tanou raginio pinakandayan Nano ramon.

1 TIMOTIUS 3:16

Kolondo' sangulun pana makapagali' ra mumpara' boo bonsoi ru pangilaan motopot ondo' kalo igondo' pinabala' i, ioginio: Minintalang i Jisus Kristus am nasauk ra ulun, iniou Io ru Ambiluo ri Aki Kapuuno', nakito Io ru malaikat-malaikat. Pinatanou Io ra ngaangai' bansa', inintopot Io ru ulun ra ngaangai' libung ru tana' ti, am kinayang Io minuli' ra katulayan ru suruga'.

2 TIMOTIUS 4:17

Kaa' Tuhan noyo ondo' nangampin raki' am nampaikang raki' saboi naalap ku mampabala' ra ngaangai' ru Tanou Moonsoi no, suku' maining boo ru ulun sala' ka Jaudi. Ginio ra pinalabus aku niayuk intor ra potoyon raan.

2 TIMOTIUS 4:22

Gama' ru Tuhan mabaya' rirun. Gama' ru i Aki Kapuuno' mambarakat ramuyun ngaangai'.