MATIUS 1:21 - Tanou Moonsoi Timugon

²¹ Ginio ra maganak i Maria ti sangulun anak ungkuyon am inggalanin mu Io no i Jisus, sabap Io ti mamayag ra ulun Nano intor ra tula nilono.”

MATIUS 1:21 ပူးပေါင်းရင်းမြစ်များ

KASAUKAN 17:19

Kaa' indagu i Aki Kapuuno', “Kalo, andu' muno i Sara maganak ra sangulun anak ungkuyon am inggalanin mu ri Isak. Suguton Ku bantu' Kuno ra anak no am papag nano ra sabubuoi no. Nabantuan Kuno mantilayun.

KASAUKAN 17:21

Kaa' suguton Ku bantu' Kuno ri Isak anak ungkuyon muno ondo' anakon ri Sara ra sambilaran olo'-olo' koson paat ragitio.”

KASAUKAN 18:10

Indagu sangulun intor risilo, “Siam ngansila' intor raino ti rumuli' aku. Paat raginio, andu' muno i Sara makaanak sangulun ungkuyon.” Paat raginio, mangintalingo i Sara ra kulobon ru kim no, giu' ra talikuron nilai.

JIRIMIA 23:6

Paat ra io masauk ra raja', ulun ru Jiuda maayag, am ulun ru Israil maayag ra moonsoi. Raja' no sabiton ra ‘Tuhan Mamamayag Ritakau’.

JIRIMIA 33:16

Mamagun ru Jiuda am Jirusalim bayagon, am maayag ilo ra mamimio. Bandar no inggalanin ra ‘Tuhan Mamamayag Ritakau’.

DANIL 9:24

“Intulu' tulu' ngoopor ngambilor iono buoi ondo' inaru' ri Aki Kapuuno' koson mampalabus ra bansa' muno am bandar muno ondo' matulai no intor ra tula am kalaatan. Tula ampunon am katimpakan ondo' mantilayun potolorogon, maa' raginio pinaintalang am ragu inala' no totopot masauk, am maa' raginio Baloi ru Tuhan ondo' matulai patimpokon saguli'.

JAKARIA 9:9

Pakaansuk kano, akau mamagun ru Sion! Pagitapap kano, akau mamagun ru Jirusalim! Ilai', raja' min matong! Matong io ra katulayan am kamanangan, kaa' ra minggana' guang, matong io nangura' ra kaladai, am nangura' ra anak kaladai ondo' mamulok.

MATIUS 1:25

Kaa' kalo liminampit i Jusup ri Maria saboi io nakapaganak. Inggalani' ri Jusup anak no i Jisus.

LUKAS 1:13

Kaa' indagu malaikat no, “Pai' kalaa', Jakaria! Norongog noyo ri Aki Kapuuno' pinakiasian muli. I Ilisabit, andu' muno maganak ra sangulun anak ra ungkuyon. Inggalani' io ri Juanis.

LUKAS 1:31

Maapang kou am maganak kou ra sangulun anak ungkuyon. Inggalani' anak no i Jisus.

LUKAS 2:11

Orou raiti' sangulun Mamamayag inanak noyo ramuyun giu' ra pekan ru raja' Daut. Io no i Kristus, ioginio Tuhan.

LUKAS 2:21

Balu' ngoorou noyo buoi lalagang i, sunati' nilo am inggalani' nilo Io ri Jisus. Gitio pinainggalan ru malaikat i Riso ra Io kalo poyo tininai' ru ina' Nali.

JUANIS 1:29

Io suabon ragili, nakito ri Juanis i Jisus minatong riso, am indagu io, “Ilai' min, gitio noyo Anak Domba ri Aki Kapuuno' ondo' mamuso ra tula ru ulun ru tana' ti!

JUANIS 4:42

Indagu ilo ra ruandu' i, “Raino mangintopot akai, kaa' sala' ka sabap ra bala' muli ayuk, kaa' akai galama' noyo nangkirongog Riso. Am mangintopot akai ra Io no totopot Mamamayag ra ulun ru tana' ti.”

RINALATAN 13:23

I Jisus ti noyo papag ri Daut am sinauk Io ri Aki Kapuuno' ra Mamamayag ra ulun ru Israil sumugut ra bantu' Nali.

RINALATAN 3:26

Ginio sabap ri Aki Kapuuno' nampili' am nanusub ra Ulipon Nano matong ramuyun galing koson mambarakat Io no ramuyun. Binaal No ginio koson akau ngaangai' tumalikur intor kiralan ru bayag min ra malaat.”

RINALATAN 4:12

Ralalom inggalan ri Jisus ulun bayagon, sabap ra giti ra tana' ti kolondo' ulun ra bokon makaalap ra kuasa' intor ri Aki Kapuuno' koson mamayag ritakau.”

RINALATAN 5:31

Pinainsawat Io ri Aki Kapuuno' ra tampilon pamiris Nano, ioginio intok makakuasa', koson masauk ra Tingganai am Mamamayag, maa' raginio bansa' ru Israil ti makatalikur intor ra tula nilo am maampun ilo.

TITUS 2:14

Pinataak No painawo Nano, maa' raginio makapamayag Io ritakau am mampainggalur ritakau intor ra nansalinut kalaatan am makapagibit ritakau masauk ra ulun Nano ondo' mirot poyo mambaal ra kandoi moonsoi.

IBRANI 7:25

Intor raginio makapamayag Io ra mantilayun ra ulun ondo' matong ri Aki Kapuuno' mumbaya' Riso, sabap ra maayag Io ra mantilayun koson makitaak ri Aki Kapuuno' mangindangan risilo.

1 JUANIS 1:7

Kaa' amon ru maayag takau ralalom ru binusasal ru sinda, koson ri Aki Kapuuno' soroi ralalom ru binusasal no, moonsoi kaayagan takau ra rondo' am bokon. Am sabap ra raraa' ri Jisus, Anak Nano, pinasasar, mampakapasau Io ritakau intor ra ngaangai' tula.

1 JUANIS 3:5

Nakapandai kano ra rinatangan ri Jisus Kristus ra tana' ti koson mamuso ra tula ru ulun. Am i Jisus galama' kolondo' tula.

PINAINTALANG 7:14

Taam ku riso, “Tuan, kalo nakapandai aku. Okou no nakapandai.” Indagu io raki', “Ilo ti noyo ondo' nakalabus intor ra kaimbalaan makalalaa' i. Pinupuan nilo noyo sukub nilono saboi mapulak sabap ra raraa' ru Anak Domba pinasasar risilo.

TINGGANAI RU BANSA' 13:3

Paat ra sangarawan, minintalang malaikat ru Tuhan ra andu' ri Manoa am indagu, “Buoi ti kolondo' anak muno, kaa' kalo boo mabuoi maapang kou am maganak ra sangulun anak ungkuyon.

1 SAMUIL 1:20

Maapang i Ana am naganak ra sangulun anak ungkuyon. Ininggalanan ri Ana anak nano ri Samuil, sabap ra kono, “Nakitaak aku noyo intor ra Tuhan.”