MATIUS 1:11 - Tanou Moonsoi Timugon

¹¹ i Josia ama' ri Jikonya am pinongkotob nano poyo ondo' inulipon am inibit giu' ra pagun ru Babil.

MATIUS 1:11 ပူးပေါင်းရင်းမြစ်များ

2 RAJA'-RAJA' 23:31

Umur ru Raja' Joagas ruo ngoopor am talu ngambilor paat ra io nasauk ra raja' giu' ra Jiuda. Raja' Joagas namarinta giu' ra Jirusalim buoi talu ngansila'. Ina' nano ininggalanan ri Gamutal anak ri Jirimia intor ra bandar Libna.

2 RAJA'-RAJA' 24:14

Mamagun ru Jirusalim inaut ru Raja' Nibukadnijar, nakaaya' anak-anak ru raja' am tingganai-tingganai ru mamagun koson ra ulun rinakop pinoongoi ra pamatiran – 10,000 ngaulun ringai'. Inaut niayuk ru Raja' Nibukadnijar ngaangai' ulun manukang ra maturasik am manukang ra basi', kaa' nanatang ra mamagun ondo' musikin kaga' giu' ra Jiuda.

2 RAJA'-RAJA' 25:11

Kopongo raginio nagibit Nibujaradan ra mamagun ondo' lakat poyo minayan ra bandar no ra Babilonia, iono ulun manukang ra mapandai kaga' ondo' lakat poyo natatang am ulun ondo' minaya' ra ulun ru Babilonia.

2 TUNUNG RU BANSA' ISRAIL 36:10

Paat ra mambusak bilor raginio, Raja' Nibukadnijar namparakop ra Raja' Joyakin am nagibit riso ra Babilonia. Raja' Nibukadnijar niayuk nagibit ra rapu' intor ra Baloi ru Tuhan. Kopongo raginio Raja' Nibukadnijar nampili' ri Jidikia, kamaman ru Raja' Joyakin, nasauk ra raja' ru Jiuda am Jirusalim.

2 TUNUNG RU BANSA' ISRAIL 36:20

Inibit ru Raja' Babilonia ngaangai' ulun ondo' lakat poyo naayag giu' ra bandar no ra Babilonia. Jinajalan ilo nasauk ra inulipon ra raja' am papag nano saboi ra talimpuun ru pamarintaan ru Pirsia.

JISAYA 13:1

Gitio noyo tanou ri Aki Kapuuno' koson ra Babil ondo' inapu ri Jisaya anak ri Amos.

JIRIMIA 39:9

Pupus no, i Nibujaradan, panglima saujor no, nagibit ra mamagun ondo' lakat poyo giu' ra bandar minongoi ra Babilonia koson ra ulun rinakop. Nagibit io niayuk ra ngaangai' ulun ondo' minaya' riso, minongoi ra Babilonia.

DANIL 1:2

Nangiou Tuhan ra Raja' Nibukadnijar namparakop ra Raja' Joyakim am nampagaau santayaran intor ra kuliamos mongologo giu' ra Baloi ru Tuhan. Nagibit Raja' Nibukadnijar nababaya' riso kukula' ngaulun rinakop am pinaayan ilo giu' ra kuil ru dewa-dewa nano giu' ra Babil. Nambuli io ra kuliamos mongologo no giu' ra ralalom ru intok-intok pambulian ru kuil.

MATIUS 1:12

Kopongo ra ilo inulipon ra pagun ru Babil suku' ri Jisus inanak, gitio noyo inggalan ru kinamatuaan no: I Jikonya ama' ri Sialtiil; i Sialtiil ama' ri Jirubabil;

MATIUS 1:17

Intor ri Abragam suku' ri Daut mokoondo' mopor am apat papag ri Jisus. Mokoondo' poyo mopor am apat papag intor ri Daut suku' ra ilo inulipon ra pagun ru Babil, am mokoondo' poyo mopor am apat papag intor ragili suku' i Kristus inanak.