MATIUS 1:1 - Tanou Moonsoi Timugon

¹ Gitio noyo suang ru papag ri Jisus Kristus. I Jisus no papag ru raja' Daut, am i Daut papag ri Abragam. Intor ri Abragam suku' ri Daut gitio noyo inggalan ru kinamatuaan ri Jisus:

MATIUS 1:1 ပူးပေါင်းရင်းမြစ်များ

KASAUKAN 12:3

Barakaton Ku ilo ondo' mambarakat rirun, kaa' ulason Ku ilo ondo' magulas rirun. Sabap ra okou no, barakaton Ku ngaangai' bansa' ra tana' ti.”

KASAUKAN 2:4

Koon raginio noyo baal ru napasaukan ra limbowon am tana' ti. Paat ra Tuhan i Aki Kapuuno' nambaal ra limbowon am tana' ti,

KASAUKAN 22:18

Ngaangai' bansa' ra tana' ti makibarakat ilo Raki' koson niayuk ra Aku nambarakat ra papag muno, sabap ra ginagaya' mu susuban Kuli.”

KASAUKAN 5:1

Gitio noyo papag ri Adam. (Paat ri Aki Kapuuno' napasauk ra ulun, sinauk No ilo koson Riso galama'.

MAZMUR 132:11

Tuhan nambaal ra bantu' am pator ri Daut; suguton No bantu' Nano. Kon No, “Sangulun ra anak muno saukon Ku ra raja', koson mamarinta am sumuali rirun.

MAZMUR 89:3

Nakapandai aku ra togom Muno mantilayun, am gagaya' Muno mapiot koson ra limbowon.

MAZMUR 89:36

Ralalom inggalan Ku ra matulai, igondo' aku ayuk mambaal ra bantu' ra sabuoi-buoi no, kalo magabau Aku ri Daut.

JISAYA 11:1

Papag ri Raja' Daut koson ra puun ondo' tinagar. Kaa' koson ra talantar bagu tumuu' ra tuor ru puun tataun, koson niayuk ra sangulun raja' bagu ondo' sumalula' intor ra papag ri Raja' Daut.

JISAYA 53:8

Rinakop io am inakim, am binuntayang am inukuman ra matoi. Kolondo' mampalio riso; io minatoi sabap ra tula ru bansa' takau.

JIRIMIA 23:5

Indagu Tuhan, “Masaboi paat no ra mampalantik Aku ra sangulun raja' ondo' matimpok intor ra papag ri Daut. Mamarinta raja' no ra matanda', am mambaal ra atan ondo' matimpok am motopot giu' ra titikop pagun.

JIRIMIA 33:26

Koson ra baal raginio kalo masulang, koson niayuk ra nabantuan Kuno ra papag ri Jakub am ulipon Kuno i Daut, kalo masulang. Pilion Kuno sangulun intor ra papag ri Daut koson mamarinta ra papag ri Abragam, i Isak am i Jakub. Makaasi' Aku ra ulun Kuno am mapasauk risilo ra langkaya' saguli'.”

AMOS 9:11

Indagu Tuhan, “Masaboi paat no ra Aku mapatapuli' ra pamarintaan ri Daut. Raino pamarintaan raginio nasauk koson ra baloi ondo' natuyas. Punaan Ku timbok nano am baalon sagulio' saboi masauk koson ra galing i.

JAKARIA 12:8

Paat raginio sindungin Ku ilo ondo' minayan giu' ra Jirusalim, am niayuk ulun ondo' malawo kaga' pana masauk ra maikang koson ri Daut. Tingganayon ilo ru papag ri Daut koson tingganayon ru malaikat ru Tuhan am koson tingganayon ri Aki Kapuuno' galama'.

MATIUS 1:18

Gitio noyo tunung ru naganakan ri Jisus Kristus. Ina' nano i Maria nakapantamung ilo no ri Jusup. Kaa' kalo poyo nasimpung ilo, i Maria ti maapang intor ra kuasa' ru Ambiluo ri Aki Kapuuno'.

MATIUS 1:2

I Abragam ama' ri Isak; i Isak ama' ri Jakub; i Jakub ama' ri Jiuda am pinongkotob nano;

MATIUS 15:22

Mokoondo' sangulun ruandu' intor ra bansa' ru Kanaan minayan ra intok raginio. Minatong ruandu' no ri Jisus am indagu, “Tuan, Anak ru raja' Daut, pakaasi' no raki'! Anak ruandu' kuno sinubol ru riwato am makalalaa' baal nano.”

MATIUS 3:16

Kariu' i Jisus, asak Io intor ra sungoi no. Paat ragili kaukab limbowon am kakito ri Jisus Ambiluo ri Aki Kapuuno' timinuun Riso koson ra susuit asang.

MATIUS 9:27

Iruani' ri Jisus intok raginio. Tatanga' ra Io nangkiralan, mokoondo' ruo ngaulun bolou siminunu' Riso. Golok ilo, “Anak ru raja' Daut, pakaasi' no ramon.”

LUKAS 1:33

Mantilayun Io mamarinta ra papag ri Jakub am pamarintaan Nano kolondo' pupus.”

JUANIS 7:42

Tinulisan noyo ra Buuk Kitab ra: ‘Mamamayag ondo' sinusub ri Aki Kapuuno' intor ra papag ri Daut, am intor Io ra pamagunan Bitligim, intok ri Daut ragili.’ ”

RINALATAN 2:30

I Aki Kapuuno' nambantu' noyo ri Daut nabaya' ra ibot ra sangulun intor ra papag ri Daut saukon ra raja' koson ri Daut galama'. Nakapandai i Daut raginio sabap ra io sangulun nabi niayuk,

ROMA 1:3

Tanou Moonsoi no mantunung ra baal ru Anak ri Aki Kapuuno', ioginio Tuhan takau i Jisus Kristus. Maya' ra papag Nano ra tana' ti, Io no sangulun anak ru raja' Daut;

ROMA 4:13

I Aki Kapuuno' nambantu' ri Abragam am ra papag nali, ra tana' ti ilo no tatangan. Ginio binantu' Nano sala' ka sabap ra giminagaya' i Abragam ra Ukum ri Musa, kaa' sabap ra nangintopot am inapu io ri Aki Kapuuno' koson ra sangulun ondo' mobonsoi saguli' Riso.

ROMA 9:5

Ilo ti papag ru kinamatuaan takali ra nauligan, am intor ra papag ri Kristus ra ulun no, inanak Io sangulun Israil. Gama' ru i Aki Kapuuno' ondo' manguasa' ra ngaangai', omporon ra sabuoi-buoi no. Amin.

GALATIA 3:16

I Aki Kapuuno' nambaal ra nabantuan Nano ri Abragam am sangulun poyo intor ra papag nano. Kolondo' tinulisan ra Buuk Kitab, “Am papag muno”, arati' no ulun masuang. Kaa' ondo' tinulisan no am, “Sangulun intor ra papag muno”, ondo' arati' nano sangulun ayuk, io no i Kristus.

1 TIMOTIUS 2:5

Sabap ra rorondo' ayuk i Aki Kapuuno' am rondo' niayuk ondo' mompobonsoi ritakau ri Aki Kapuuno', iono i Jisus Kristus, ondo' nasauk ra ulun.

2 TIMOTIUS 2:8

Karaa' noyo i Jisus Kristus, anak ru raja' Daut ondo' binayag noyo saguli' intor ra kapatayan. Ginio inila' ku ra Tanou Moonsoi ondo' pinasaboi kuli.

PINAINTALANG 22:16

“Aku, i Jisus, nakapanusub Aku no ra malaikat Kuno mongoi pampabala' ramuyun ra baal ragitio ra pasimpungan ulun Kristian no. Aku ti papag ru raja' Daut; Aku no butitin sirangon ondo' mapaang no.”