MARKUS 8:6 - Tanou Moonsoi Timugon

⁶ Susubo' No ulun masuang no mantuturung ra tana'. Alapo' No boo ruti' tulu' ngampila' no paringkuanang Io ri Aki Kapuuno', pipilango' No am patayari' ra maamaya' Nano ra ulun masuang no. Binaal ru maamaya'-maamaya' Nano kon raginio.

MARKUS 8:6 ပူးပေါင်းရင်းမြစ်များ

KOLOSI 3:17

Ngaangai' ondo' baalon am raguon min sauko' no ralalom inggalan ru Tuhan Jisus ayuk. Paringkuanang kano ri Aki Kapuuno', Ama' takau ra atan ondo' binaal ri Jisus Kristus ramuyun.

ROMA 14:6

Osoi ayuk mampakaatang ra orou inaru' no, baalon no ginio koson mangurumat ra Tuhan. Osoi ayuk makaakan ra atan-atan ayuk, baalon no ginio koson mangurumat ra Tuhan, sabap ra maringkuanang io ri Aki Kapuuno' ra nangani' ra akanon. Osoi ayuk kalo mangakan ra kual, mangurumat io niayuk ra Tuhan am maringkuanang io ri Aki Kapuuno'.

JUANIS 6:23

Mokoondo' kukula' parau ra bokon intor ra pekan Tibirias minatong am raral mamaar ra intok ru Tuhan minindagu ra paringkuanangan ra ruti' ondo' inakan ru ulun masuang i.

JUANIS 2:5

Indagu ina' Nano ra kambo-kambo no, kono, “Gagayaa' min atan ayuk panusuban Nano ramuyun.”

LUKAS 24:30

Panturung Io gulung risilo, alapo' No ruti' i am paringkuanang Io ri Aki Kapuuno', am pipilango' No, am tatayaro' No risilo.

LUKAS 12:37

Mumpara' boo bonsoi ru ulipon-ulipon ondo' nangkuliman am nakatampos paat ra tuan nilai matong! Balain takamin, rumalin boo tuan no, susubon no ulipon-ulipon nano manturung am sulungin no ilo.

MATIUS 26:26

Tatanga' ilo nangakan, alapo' ri Jisus sampila' ruti' am pakiasi' ra paringkuanangan, am pipilango' No ruti' i. Tatayaro' No ra maamaya'-maamaya' Nano am indagu, “Alapo' am akano', gitio noyo inan Kutu.”

MARKUS 8:5

Pangkuot i Jisus risilo, “Kula' ngampila' ruti' soroi ramuyun?” Taam ilo, “Tulu' ngampila'.”

MARKUS 8:7

Mokoondo' ilo niayuk kukula' ngaunor papait malumot. Kopongo i Jisus nongompor ri Aki Kapuuno', susubo' No maamaya' Nali mantayar niayuk ra ruti' i.

MARKUS 8:20

“Am poyo paat ra Aku namimilang ra tulu' ngampila' ruti' paakanin ra apat ngaribu ngaulun i, kula' ngambakul suwo ru akanon linulur mini?” Taam ilo, “Tulu' ngambakul.”