MARKUS 7:4 - Tanou Moonsoi Timugon

⁴ Atan balion nilo intor ra pasar, kalo igondo' ilo pangakan ru kalo baguin poyo galing. Masuang poyo kaulayan binaya' nilo intor ra kinamatuaan nilo koson ra mampaliung ra sangkir, pinggan am kakamot tambaga'.

MARKUS 7:4 ပူးပေါင်းရင်းမြစ်များ

MAZMUR 26:6

Iou Tuhan, mambagu' aku ra kalindu' tatandu' ra aku kolondo' sala, am lumiput aku ra altar Muno koson sumamba Rirun.

JISAYA 1:16

Kapasawo' min inan mino. Langgai' min ngaangai' kalaatan ondo' binaal min ra saang Kuno. Pai' kano boo pambaal ra malaat,

JIRIMIA 35:5

Sinulungan ku bansa' ru Rikab no ra wain ralalom ru sangkir am mangkuk. Indagu aku risilo, “Inum kau ra wain!”

JIRIMIA 4:14

Okou Jirusalim, kapasawo' guang muno intor ra ngaangai' kalaatan maa' raginio bayagon kou. Saboi sanggilan kou mangkara' ra malaat?

MATIUS 23:25

“Aibui boo ramuyun, mangingila' ra Ukum ri Musa am ulun ru Parisi! Maabau-abau kau! Mampaliung kau ra liwar ru sangkir am kakanan min suku' mapasau, kaa' ralalom no majamol, mototop ra baal malaat ra akau mampagaau ra kuliamos am mangingkaut.

MATIUS 23:26

Akau poyo ulun ru Parisi, bolou kau nai! Bagui' pagulu atan ondo' ralalom ru sangkir no, am liwar no pana masauk mapasau.

MATIUS 27:24

Kalimani' ri Pilatus ra kolondo' onong io mingkotog mambaal raginio am ra ulun masuang maaru' lumunsai, alapo' no timug am bagui' no kalindu' nano am indagu, “Kolondo' tayar ku ra pinatayan Nano, akau ayuk ra kandoi.”

MARKUS 7:8

Inimpayan min pangilaan ri Aki Kapuuno' am gagayaan min boo toojo kaulayan ru ulun.”

JUANIS 2:6

Mokoondo' ra giu' i onom ngampuun sampa' pambulian ra timug pambaguan sumugut ra kaulayan ru ugama Jaudi. Moonong sampuun masuangan balu' ngoopor kapoam maatus ruo ngoopor ngalito.

JUANIS 3:25

Intor raginio, kukula' ngaulun maamaya' ri Juanis nagagansang ra sangulun ru Jaudi ra kaulayan mambagu' sumugut ra ugama Jaudi.

IBRANI 9:10

Sabap ra atan ondo' sinugut nilo intor ra akanon, inumon am nansalinut pambaguan ginio kaulayan ayuk. Ngaangai' ti sumugut ayuk ra kaulayan ru ulun am paugaron ra buoi ti saboi ngaangai' no talimbaguin ri Aki Kapuuno'.

JAKUBUS 4:8

Inggaari' noyo i Aki Kapuuno', am i Aki Kapuuno' pana minggaar ramuyun. Ulun kau ra makatula, langgai' min noyo baal ra malaat. Ulun kau ra maginduo guang, kapasawo' noyo guang mino!

1 JUANIS 1:7

Kaa' amon ru maayag takau ralalom ru binusasal ru sinda, koson ri Aki Kapuuno' soroi ralalom ru binusasal no, moonsoi kaayagan takau ra rondo' am bokon. Am sabap ra raraa' ri Jisus, Anak Nano, pinasasar, mampakapasau Io ritakau intor ra ngaangai' tula.