MARKUS 7:34 - Tanou Moonsoi Timugon

³⁴ Kopongo raginio pantingaa' am pampalaa i Jisus am indagu ra ulun no, “Effata!” Ondo' arati' no “Kaukab no!”

MARKUS 7:34 ပူးပေါင်းရင်းမြစ်များ

JUANIS 11:41

Insiro' nilo boo batu i. Pantingaa' boo i Jisus ra limbowon am indagu, “Ama', paringkuanangan Ku Rirun, sabap ra rinongog Mu noyo pakiasian Kuno.

MARKUS 6:41

Kaalap No limo ngampila' ruti' am ruo ngaunor papait no, pantingaa' Io ra rasawat am paringkuanang Io ri Aki Kapuuno'. Pipilango' No boo ruti' no am pataaki' No ra maamaya' Nano koson posonongon nilo ra ulun masuang. Koson niayuk ra ruo ngaunor papait no taatayaro' No ra ngaangai' ulun i.

MARKUS 5:41

Guuto' No boo longon ru anak no, indagu Io, “Talita Kum!” Ondo' arati' nano, “Anak, mindagu Aku rirun, sukal no!”

RINALATAN 9:34

Indagu i Pitrus riso, “Inias, i Jisus Kristus mamabas rirun. Sukal no am ruluno' kaalangan muno.” Paat ragili niayuk siminukal i Inias.

JUANIS 11:33

Paat ri Jisus nakakito riso nantangi', am niayuk ulun-ulun ru Jaudi ondo' nababaya' riso i nantatangi', mangiluk toojo guang Nali am makaasi' Io.

MARKUS 15:34

Nakapaat ra jam katalu ra iomamai', i Jisus giminolok ra mosongou kaga', “Iloi, Iloi, lama sabaktani?” ondo' arati' no, “I Aki Kapuuno' Kuno, i Aki Kapuuno' Kuno, kua iruani' Mu Aku?”

MARKUS 8:12

Pampalaa i Jisus am indagu, “Kua pakitaak kau ra kaimuagan? Mindagu Aku ramuyun, sotopot no akau ti kalo pakitonon Ku ra kaimuagan.”

RINALATAN 9:40

Susubo' ilo ri Pitrus mingkual, igulatur io boo am pakiasi'. Kopongo ragili inggaari' no baangkai ri Dorkas ti am indagu, “Tabita, sukal no!” Singkarato' no mato nali, am paat ra io nakakito ri Pitrus, panturung io boo.

JUANIS 11:43

Pakaindagu raginii, golok boo i Jisus ra mosongou, “Lajarus, ingkual!”

IBRANI 4:15

Sabap ra Tingganai Maayo Imam takano sala' ka sangulun ondo' kalo nakaliman ra paliso takau, kaa' sotopot no kininaman Io ralalom ngaangai' baal koson ritakau, kaa' kalo makatula Io.

JUANIS 17:1

Kopongo i Jisus minindagu raginio, pantingaa' Io ra limbowon am indagu, “Ama', raino nasuku' noyo paat ra ondo' inaru' no. Katulayo' Anak Mutu, maa' raginio Anak mampatulai Rirun.

JUANIS 11:38

Mulu' poyo ngiluk ru guang ri Jisus, am ongoi Io boo ra kalabangan. Lobong i rondo' luang batu ondo' inangaban ra batu maayo.

JUANIS 11:35

Pantangi' boo i Jisus.

LUKAS 19:41

Maar makasuku' ra bandar no, tantangin ri Jisus am tangii' No,

LUKAS 18:42

Indagu i Jisus riso, “Pakakito no! Pangintapatan muno namabas rirun.”

LUKAS 7:14

Inggaari' boo ri Jisus am kopoo' No bandasan napaalangan ra baangkai i am uog boo ulun-ulun namandas no. Indagu i Jisus, “Tuu'-bagu, sukal no!”

MARKUS 1:41

Makaasi' i Jisus ra ulun no. Pokopoo' No kalindu' Nano ra ulun no liliwa' No mindagu, “Maansayan Aku, kababas no!”

JISAYA 53:3

Asabin am minggalur takau riso, ulun ondo' nototop ra imbolo' am maubas magiba' ra karualan. Kolondo' sangulun pana masaga' magilong riso, am kalo lioon takau io.

KAINGKUALAN 2:23

Bilor kabilor raiti patoi raja' ru Misir, kaa' ulun ru Israil lakat poyo maguros sabap ra inulipon am golok ilo makiindangan. Golok nilo nakasaboi ri Aki Kapuuno'.

MARKUS 7:35

Paat ragili niayuk ulun no mokorongog am kalo boo mokotog rila' nano am makasail io boo toojo mindagu.