MARKUS 5:7 - Tanou Moonsoi Timugon

⁷ am golok io, “Atan raguon Mu raki' inda' Jisus, Anak ri Aki Kapuuno' Ondo' Masawat Kaga'? Ralalom inggalan ri Aki Kapuuno', pai' aku imboloo'!” (

MARKUS 5:7 ပူးပေါင်းရင်းမြစ်များ

MATIUS 8:29

Golok ilo, “Atan pamakuan Mu ramon, Oi Anak ri Aki Kapuuno'? Mangukum Kono kia ramon ra kalo poyo nasuku' orou inaru' no?”

RINALATAN 16:17

Minaya' io ri Paulus am akai am nompogolok io, kono, “Ulun ragitilo noyo ulipon ri Aki Kapuuno' Ondo' Masawat Kaga'! Minatong ilo ragiti mambala' ramuyun ra ati kulaan akau bayagon ri Aki Kapuuno'!”

JUDAS 1:6

Karaa' min niayuk ati kulaan sauk ru malaikat-malaikat ondo' nanguang ra kinaikang ru kuasa' ondo' tinaakan noyo risilo, saboi nangiruan boo ra inayanan nilo. Rinantai ilo ri Aki Kapuuno' ra mantilayun giu' ra intok molondom ra ragana' ru tana' ti. Giu' noyo nangaputan risilo suku' ra Pangukuman Maayo ra tauli no.

MATIUS 26:63

Nongkoror ayuk i Jisus. Igondo' poyo Tingganai Maayo Imam Jaudi ti mangkuot Riso, “Ralalom inggalan ri Aki Kapuuno' ondo' naayag, balai' akai, Okou kia Mamamayag ondo' sinusub ri Aki Kapuuno', ioginio Anak ri Aki Kapuuno'?”

PINAINTALANG 12:12

Sabap raginio, pakaansuk noyo suruga' am ngaangai' ondo' minayan no. Kaa' aibui boo ra tana' ti am raat, sabap ra Tingganai ru riwato no timinuun ra giu' am sumangit io toojo, sabap ra nakatutun io ra kaluagan nano kalo mabuoi.”

RINALATAN 19:13

Mokoondo' poyo kukula' ngaulun ru Jaudi ondo' mangkiralan ra ati ayuk intok koson mampagiru' ra riwato intor ra ulun sinubol. Ilo pana nangkinam mampagiru' ra riwato ralalom inggalan ri Jisus, konilo ra riwato, “Ralalom inggalan ri Jisus ondo' pabalaan ri Paulus no, pagiruon tokou!”

LUKAS 8:28

Pakakito io ri Jisus golok io, am igulatur io ra saang Nano am indagu ra mosongou, “Jisus, Anak ri Aki Kapuuno' Ondo' Masawat Kaga'! Atan kitaakon Muno raki'? Pai' aku imboloo'!”

MARKUS 3:11

Pakakito Riso ulun-ulun sinubol ru riwato no, pakakubu ilo ra saang Nano am golok ilo, “Okou ti noyo Anak ri Aki Kapuuno'.”

MATIUS 4:3

Pulusat Tingganai ru riwato no am indagu, “Amon ru Anak Kou ri Aki Kapuuno', susubo' batu-batu ti masauk ra ruti'!”

1 JUANIS 3:8

Kaa' osoi ayuk marayus mambaal ra tula, io no anak ru Tingganai ru riwato. Sabap ra naintaran noyo ra talimpuun i, Tingganai ru riwato no makatula. Ginio ra Anak ri Aki Kapuuno' riminatong, mongoi pamuso ra kandoi ru Tingganai ru riwato no.

2 PITRUS 2:4

Malaikat-malaikat ondo' nambaal ra tula no pana kalo pinoloso ri Aki Kapuuno', kaa' inukuman No, am pinatiran ra naraka. Binangkil ilo ra intok molondom suku' Orou Pangakiman.

MARKUS 1:24

Kono, “Atan kia kitaakon Muno ramon, O Jisus, ulun ru Nasarit? Masaga' Kou kia mamuso ramon? Nakapandai aku osoi Kou: Okou noyo ulun sinusub ondo' binantu' ri Aki Kapuuno'!”

MATIUS 16:16

Taam i Simon Pitrus, “Okou no Mamamayag ondo' sinusub i, Anak ri Aki Kapuuno' Ondo' Maayag.”

GOSIA 14:8

Sumaguli' ilo Raki' am maayag ralalom ru panindungan Kuno. Mataki' ilo gumaai am lumanja' lumangkaya' koson ra gandum timinuu' giu' ra umo ondo' malabung, am koson ra umo ru anggur ondo' masuang ampos nano. Mauligan ilo kaga' koson ra wain intor ra Libanon.

1 RAJA'-RAJA' 22:16

Kaa' indagu Raja' Agab, “Amon ru mindagu kou raki' ralalom inggalan ru Tuhan, indagu no ra motopot. Ingkula' aku musiti' mapakara' rirun ra baal ragitio?”

KASAUKAN 3:15

Okou am ruandu' raginio mansisang, papag nano am papag muno magail mantutula'. Papag nano mamabak ra ulu muno am okou maninduk ra tunob nilono.”

IBRANI 7:1

Ra galing i, i Milkisidik ti raja' ru bandar Salim am poyo sangulun imam ri Aki Kapuuno' Ondo' Masawat Kaga'. Pakauli' noyo i Abragam intor ra pangayawan ra io nangala ra apat ngaulun raja', inuma' am barakato' io ri Milkisidik ti.

IBRANI 2:14

Sabap ra ilo ondo' sabiton ra pabukat, ioginio ulun, ilo mapandai matoi, ginio ra i Jisus pana nasauk ra ulun toojo mogondo' risilo. Binaal No ginio, maa' raginio mansail ra pinatayan Nano mamuso Io ra kuasa' ru Tingganai ru riwato ondo' makapampatoi ra ulun.

RINALATAN 8:36

Paat ra ilo nanunggul ra pangkiralanan nilai, pakasuku' ilo ra intok makatimug. Indagu pagawai no, “Ilai', giti makatimug. Atan poyo manginga' raki' ra aku riwon?” [

JUANIS 20:31

Kaa' ngaangai' ti tinulisan noyo, maa' raginio mangintopot kau ri Jisus noyo Mamamayag ondo' sinusub ri Aki Kapuuno' i, ioginio Anak ri Aki Kapuuno'. Sabap ra pangintapatan mino Riso, mokoowot kau ra kaayagan motopot.

LUKAS 6:35

Kaa' akau, tagami' noyo pantula' mino am koonsoi kau risilo. Pairaa' min ayuk am pai' kau kalansan maalap saguli'. Amon ru koson raginio, maayo ampos mino am akau masauk ra anak ri Aki Kapuuno' Ondo' Masawat Kaga'. Sabap ra moonsoi Io toojo ra ulun ondo' kalo mapandai maringkuanang am ra ulun ondo' malaat niayuk.

LUKAS 4:34

“Anii Jisus, ulun ru Nasarit, atan kia kitaakon Muno ramon? Mongoi Kou kia pamuso ramon? Makaulig aku Rirun, Okou no Matulai ondo' sinusub ri Aki Kapuuno'!”

LUKAS 1:32

Masauk Io ra sangulun ondo' maatang kaga' am Io ti sabiton Anak ru Tuhan Ondo' Masawat Kaga'. Saukon Io ri Aki Kapuuno' ra sangulun raja', koson ra kinamatuaan Nali, i raja' Daut.

MARKUS 14:61

Nongkoror ayuk i Jisus am kalo tinaam No. Kuati' poyo ru Tingganai Maayo Imam Jaudi i, “Okou kia Mamamayag ondo' sinusub i, Anak ri Aki Kapuuno' Ondo' Matulai Kaga' i?”

ROMA 16:20

Am i Aki Kapuuno', intaran ru ngaangai' kaansayan, mamuso ra kuasa' ru Tingganai ru riwato saboi kumuku' io ramuyun. Gama' ru Tuhan takau i Jisus Kristus mambarakat ramuyun.

MARKUS 5:6

Pakakito io ri Jisus intor ra maalur, pasimbul io rapog am igulatur ra talupak ri Jisus no,

MARKUS 5:8

Ulun ti minindagu koson raginio sabap ra i Jisus nambala' riso, “Ingkual riwato! Ingkual intor ra ulun ti!”)

JAKUBUS 2:19

Mangintopot kou no alia ra rondo' ayuk i Aki Kapuuno'. Motopot! Riwato-riwato pana mangintopot ragitio am malaa' ilo Riso, suku' ra monontol.