MARKUS 4:8 - Tanou Moonsoi Timugon

⁸ Kaa' mokoondo' naratu' ra tana' malabung. Malabung tuu' nano am nangkawa' io. Sampug ti mokoondo' nangkawa' talu ngoopor ruli', mokoondo' onom ngoopor ruli' am poyo maatus ruli'.”

MARKUS 4:8 ပူးပေါင်းရင်းမြစ်များ

KASAUKAN 26:12

Pagitanom i Isak ra sampug ra pagun raginio am bilor raginio niayuk nangkumos io ra maatus kinauli' no intor ra tinanom nano, sabap ra binarakat io ru Tuhan.

JISAYA 58:1

Mindagu Tuhan, “Kosongowo' noyo golok muno! Balai' noyo ulun Kuno ra tula-tula nilono.

JIRIMIA 23:29

Ragu Kuno koson ra apui, am koson ra amar ondo' mokopomopol ra batu.

MATIUS 13:23

Sampug ondo' nakatias ra tana' malabung no koson ra ulun ondo' mangkirongog ra tanou no am makarati' ilo. Mangkakawa' ilo, mokoondo' mangkawa' ra maatus ruli' no, mokoondo' onom ngoopor am bokon no talu ngoopor.”

MATIUS 13:8

Kaa' mokoondo' niayuk naratu' ra tana' malabung am nangkawa'. Mokoondo' maatus kawa' nano, mokoondo' onom ngoopor, am mokoondo' niayuk talu ngoopor.”

MARKUS 4:20

Kaa' mokoondo' poyo ulun koson ra sampug nakatias ra tana' malabung. Mangkirongog am mangapu ilo ra Tanou ti suku' nangkawa'. Mokoondo' nangkawa' talu ngoopor ruli', mokoondo' onom ngoopor ruli' am poyo maatus ruli'.”

MARKUS 4:7

Mokoondo' poyo naratu' ra tanga' ru bulungkut makaruui no, ondo' timinuu' am pinisi' io saboi kalo nangkawa'.

MARKUS 4:9

Indagu boo i Jisus, “Amon ru makatalingo kau, pangkirongog toojo!”

LUKAS 8:15

Ondo' naratu' ra tana' malabung i, io no ulun ondo' mangkirongog ra bala' no am porondonon nilo ra guang ra matanda'. Mongorot ilo saboi manangkawa'.”

LUKAS 8:8

Kaa' sampug ondo' naratu' ra tana' malabung, timinuu' am nanangkawa' ra maatus poyo ruli'.” Pupusi' boo ri Jisus ra bolos mosongou, “Rongogo' am karaa' min toojo!”

JUANIS 15:5

Aku noyo puun ru anggur am akau noyo pango. Osoi ayuk rumondon Raki', am Aku rumondon riso, makapangkawa' io ra maawas; kaa' amon ru kalo mangindangan Aku ramuyun, kalo makapambaal kau ra atan ayuk pana.

JUANIS 7:17

Osoi ayuk masaga' mambaal ra kasagaan ri Aki Kapuuno', makatutun io ati intor ru pangilaan Kutu; intor kia ri Aki Kapuuno' kapoam intor Raki' galama' ayuk.

RINALATAN 17:11

Giu' ra Biria, ulun ru Jaudi moonsoi guang intor ra ulun ru Jaudi giu' ra Tisalonika. Naansayan ilo mangkirongog ra tanou intor ri Jisus. Moonong orou mambasa' ilo ra Buuk Kitab koson magilong ra motopot kia pangilaan ri Paulus ti.

IPISUS 2:21

Io no mampasauk ra ngaangai' ulun no koson ra rondo' baloi am ginio masauk ra sambayangan ondo' matulai ra Tuhan.

PILIPI 1:11

Intor raginio, kaayagan mino mauli' ra baal topot-topot moonsoi ondo' kondoyon ri Jisus Kristus, am bagu raginio katulayon am omporon boo i Aki Kapuuno'.

KOLOSI 1:6

Tanou Moonsoi ti nagibit ra barakat am nakatabual ra ati ayuk intok ra tana' ti, koson niayuk ra tatanga' min. Kataawan poyo ri Aki Kapuuno', ondo' naining min ra kasaa' i, maintutunan min ra atan ginio sotopot no.