MARKUS 3:7 - Tanou Moonsoi Timugon

⁷ I Jisus am maamaya'-maamaya' Nano mininggalur ongoi ra mamaar ra Tasik Galilia, am masuang ulun intor ra libung ru Galilia sumunu' Riso. Masuang niayuk intor ra Judia,

MARKUS 3:7 ပူးပေါင်းရင်းမြစ်များ

MATIUS 10:23

Paat ra akau imboloon ra rondo' pekan, pagiru' no ra pekan ra bokon. Mindagu Aku ramuyun: Ra kalo poyo masuku' min ngaangai' pekan ru Israil, Anak ru Ulun rumatong noyo.

MATIUS 12:15

Paat ri Jisus nakatutun ra panguyatan mamatoi Riso, ugar Io intor ra intok raginio; am masuang ulun ondo' minaya' Riso. Namabas Io ra ngaangai' ulun ondo' marualan,

MATIUS 12:16

am nanusub risilo kalo mambala' ra tanou no ra ulun bokon.

MATIUS 4:25

Masuang toojo ulun minaya' Riso, ilo intor ra libung ru Galilia, libung ru Mopor Pekan, bandar Jirusalim, Judia am poyo intor ra libung ru sandaup Jordan.

MARKUS 1:39

Ugar Io boo ra tikop-tikop ru Galilia. Pambala' Io ra Tanou Moonsoi ralalom ru baloi sambayangan am mampagiru' Io ra riwato.

MARKUS 1:45

Kaa' ulun no minugar am mantutunung ra ati-ati ayuk ra io ti binabas noyo. Saboi i Jisus kalo boo makaumpos mintalang ra ati ayuk pekan. Nongkoror Io ayuk ra intok masiluk am ulun intor ra ati-ati minatong Riso.

MARKUS 3:20

Uli' i Jisus ra baloi. Ratong boo ulun masuang liminimpu Riso, saboi kalo makapangakan Io am maamaya'-maamaya' Nano.

MARKUS 4:1

Paat ra rondo' orou, tumalimpuun i Jisus mangila' giu' ra kiing ru Tasik Galilia. Ratong boo ulun masuang kakaga' liminimpu Riso, saboi mainsi' Io ra kiing ru timug no. Sakoi Io boo ayuk ra rondo' parau am loyog ra malalandom no am panturung. Ulun masuang no soroi ra lantur no.

LUKAS 23:5

Kaa' gumogot ilo poyo, konilo, “Intor ra pangilaan Nano manusuk Io ra mamagun ru Judia manggal ra parinta. Timinalimpuun Io ra libung Galilia am nakasuku' noyo ragiti raino.”

LUKAS 6:12

Paat ragili i Jisus nagaloi ra rondo' bulur koson makiasi'. Nasuaban Io nakiasi' ri Aki Kapuuno' ra giu' i.

LUKAS 6:17

Paat ra mambusul i Jisus am rasul Nano intor ra bulur no am uog ilo ra rondo' limayak. Giu' i mokoondo' poyo masuang maamaya' Nano ra bokon. Masuang poyo ulun nakaratong intor ra titikop Judia, Jirusalim am bandar Tirus am Sidon, ondo' karuruo ti mamaar ra raat.

JUANIS 7:41

Kon poyo ru bokon i, “Io ti noyo Mamamayag ondo' sinusub ri Aki Kapuuno'.” Kaa' mokoondo' poyo minindagu ra, “Mamamayag ondo' sinusub ri Aki Kapuuno' sala' ka intor ra Galilia!

JUANIS 7:52

Taam ilo, “Kua saungo' mu Io, okou pana intor ra Galilia kia? Aratio' Buuk Kitab no am mapandayan mu ra kolondo' sangulun pana nabi matong intor ra Galilia.” [

RINALATAN 17:10

Rondom ra gili niayuk, ulun Kristian ra giu' i nanusub ri Paulus am i Silas mongoi ra Biria. Pakasuku' ra giu' i, ongoi ilo ra baloi sambayangan.

RINALATAN 17:14

Ulun Kristian ra giu' no mataki' nangator boo i Paulus mongoi ra nagas ru raat. Kaa' i Silas am i Timotius soroi ra bandar i.

JOSUA 20:7

Ginio ra giu' ra tampilon kalasaan ru Sungoi Jordan nampili' ilo ra bandar ragitio koson ra bandar pakisindungan: bandar Kidis giu' ra Galilia, giu' ra kabuluran ru Naptali; bandar Sikgim giu' ra kabuluran Ipraim; am bandar Gibron giu' ra kabuluran Jiuda.

JOSUA 21:32

Nangapu ilo ra talu bandar intor ra wilayah Naptali: bandar Kidis giu' ra Galilia nabaya' ra padang sakot no (rondo' ra bandar pakisindungan), Garmot-Dor am Kartan nabaya' ra padang sakot no.