MARKUS 2:5 - Tanou Moonsoi Timugon

⁵ Paat ri Jisus magilong ra nangintopot ilo toojo, indagu Io ra ulun marualan no, “Anak Kuno, tula muno inampun noyo!”

MARKUS 2:5 ပူးပေါင်းရင်းမြစ်များ

MATIUS 9:2

Giu' no kukula' ngaulun namandas ra sangulun ondo' kalo makalulu'. Ilai' ri Jisus ra maikang pangintapatan nilono, Io pana mindagu ra ulun ondo' kalo makalulu' no, “Kaikango' noyo guang muno, alii ra anak Kuno! Inampun noyo tula muno.”

JAKUBUS 5:15

Am pakiasian ondo' mabaya' ra pangintapatan, maalap kapali' maruol ru ulun no; babason ulun no ru Tuhan, am amon ru makatula lair, ampunon io.

MATIUS 9:22

Pangkaili i Jisus am kakito No ruandu' i. Indagu Io riso, “Kaikango' noyo guang muno, anak Kuno! Sabap ra okou nangintopot nababas kou noyo!” Paat niayuk ragili nababas ruandu' i.

IPISUS 2:8

Sabap ra asi' ri Aki Kapuuno' noyo itakau binayag, ioginio sabap ra pangintapatan takau. Am kaayagan no sala' ka intor ra baal moonsoi takau, kaa' ginio taak intor ri Aki Kapuuno'.

RINALATAN 5:31

Pinainsawat Io ri Aki Kapuuno' ra tampilon pamiris Nano, ioginio intok makakuasa', koson masauk ra Tingganai am Mamamayag, maa' raginio bansa' ru Israil ti makatalikur intor ra tula nilo am maampun ilo.

JUANIS 5:14

Kalo nabuoi ragili, tinuum io ri Jisus giu' ra Baloi Tuhan am ragui' no ulun i, “Napali' kou noyo raino. Pai' noyo boo inganganai' tula mutu, maa' raginio kalo matiu' kou ra baal makalalaa' poyo.”

LUKAS 5:20

Pakakito i Jisus ra maikang pangintapatan nilai, indagu Io ra ulun no, “Rangan, tula muno inampun noyo.”

KOLOSI 3:13

Pai' kano kataki' sumangit ra rondo' am bokon am ampuno' noyo amon ru mokoondo' sumonsol ra ulun bokon. Mogondo' ra Tuhan nangampun noyo ramuyun, moonsoi ru akau pana mangampun ra rondo' am bokon.

2 KORINTUS 2:10

Amon ru mangampun kau ra osoi ayuk makatula, aku pana mangampun riso. Sabap ra amon ru mokoondo' musiti' ku ampunon, ginio ampunon ku ra saang ri Kristus koson ra kaatangan min.

1 KORINTUS 11:30

Ginio sabap ra masuang boo intor ramuyun marualan am malawo, am mokoondo' niayuk kukula' ngaulun minatoi.

RINALATAN 14:9

Io ti nanturung liliwa' nangkirongog ri Paulus. Kakito ri Paulus ra ulun ti maalap kababas sabap ra mangintopot io. Ginio ra tantangin no ulun i

RINALATAN 11:23

Paat ra io nakasaboi ra giu' i, nakakito io ra ati kulaan i Aki Kapuuno' nambarakat ra ulun ra giu' no am naansukan io. Panusub io risilo gumagaya' toojo ra Tuhan.

JUANIS 2:25

Kalo pana paintutunon Io ra osoi ayuk pana, sabap ra Io galama' nakatutun noyo ra ngaangai' guangon ru ulun.

LUKAS 8:48

Indagu i Jisus ra ruandu' no, “Napali' kou sabap ra nangintopot kou Raki'. Ugar no mabaya' ra kaansayan.”

MARKUS 5:34

Indagu i Jisus ra ruandu' no, “Anak Kuno, pangintapatan muno Raki' namabas noyo rirun. Tumoojo kou, sabap ra napali' kou noyo.”

JISAYA 53:11

Mopongo maimbolo', maansukan io saguli'; makapandai io ra kaimbalaan nano mokoonong toojo. Ulipon Kuno, ondo' gumagaya' am ondo' iowon Kuno, Magiba' ra ukuman ru ulun masuang; am sabap io, Aku mangampun risilo.

JISAYA 38:17

Kaimbalaan kuno pana masauk ra kalinuos ayuk. Okou namayag raki' intor ra nansalinut makalalaa'; inampun Mu ngai' tula kuno.

MAZMUR 103:3

Inampun No ngaangai' tula kuno, am namabas ra nansalinut maruol kuno;

KASAUKAN 22:12

Indagu malaikat no, “Pai' mu sinduali' kapoam jamari' anak no. Raino nakapandai Aku ra mangurumat am gumagaya' kou Raki', sabap ra kalo inanggal mu koson mapataak ra anak langkuir muno Raki'.”

MATIUS 9:5

Ati matasu' raguon, ‘Tula muno inampun noyo,’ kapoam ‘Sukal am ugar no’?

MARKUS 2:6

Kaa' mokoondo' niayuk kukula' ngaulun mangingila' ra Ukum ri Musa nantuturung ra giu' i, mampaguang ilo;