MARKUS 2:16 - Tanou Moonsoi Timugon

¹⁶ Paat ra mangingila' ra Ukum ri Musa intor ra tayar ru Parisi nakakito ri Jisus giminulung ra ulun mampalulur ra cukai am ulun-ulun ondo' karaan ra malaat, pangkuot ilo ra maamaya'-maamaya' Nano, “Kua gulung Io ra mampalulur ra cukai am ulun-ulun ondo' karaan ra malaat?”

MARKUS 2:16 ပူးပေါင်းရင်းမြစ်များ

LUKAS 19:10

Anak ru Ulun no minatong maguyum am mamayag ra ulun nakalayau.”

LUKAS 18:11

Ulun ru Parisi no minigor am nakiasi' io, kono, ‘Aki Kapuuno', paringkuanangan ku Rirun, sabap ra kalo makalit aku kapoam magabau, kapoam lumapau, koson ra ulun bokon. Paringkuanangan ku sabap ra aku sala' ka koson ra mampalulur ra cukai no.

1 KORINTUS 2:15

Ulun ondo' nokoowot ra Ambiluo ri Aki Kapuuno' makaimumui ra ngaangai' no, kaa' kolondo' sangulun pana makaimumui ra ulun no.

RINALATAN 23:9

Golok boo ilo boo ra mapuor toojo. Kukula' ngaulun ru Parisi ondo' nasauk ra mangingila' ra Ukum ri Musa timinaam am minansang toojo, konilo, “Kolondo' rondo' pana sala ru ulun ti! Motopot lair ra mokoondo' ambiluo kapoam malaikat minindagu riso!”

LUKAS 19:7

Ngaangai' ulun pana sabubutok boo mangalimut magilong ragitio. Konilo, “Ulun ti mapit poyo boo ra baloi ru ulun makatula.”

JISAYA 65:5

Kopongo raginio mindagu ilo, ‘Inggalur no ramon. Pai' kambong ramon sabap ra akai ti mapasau kaga' ramuyun!’ Masisang Aku ra ulun makapaliso koson raginio. Sangit Kuno risilo koson ra apui ondo' kalo igondo' kalasa'.

IBRANI 12:3

Guango' min noyo ati koson Io inimbolo' am kasisangin ru ulun makatula, maa' raginio kalo lumawo kau saboi mangkaus.

MARKUS 2:7

“Kua indagu Io koson raginio? I Aki Kapuuno' ayuk galama' makakuasa' mangampun ra tula! Magasab Io ri Aki Kapuuno'!”

MATIUS 18:17

Amon ru kalo niayuk mangkirongog io ti, pabalaa' baal raginio ra pasimpungan ulun makapangintapatan. Pupus ti, amon ru kalo niayuk mangkirongog io ra ragu ragitio, karaa' noyo io ti koson ra kalo nakaulig ri Aki Kapuuno' kapoam sangulun mampalulur ra cukai.”

MATIUS 9:11

Kukula' ngaulun ru Parisi nakakito ra baal raginio. Kuati' nilo maamaya'-maamaya' ri Jisus, “Kua ra mangingila' mino mangkan magugulung ra mampalulur ra cukai am ulun ondo' karaan ra malaat?”

MATIUS 5:46

Atan barakat maalap min intor ri Aki Kapuuno' amon ru motogom kau ayuk ra ulun ondo' motogom ramuyun? Sala' ka kia ulun mampalulur ra cukai pana mambaal koson raginio niayuk!

MARKUS 2:15

I Jisus am maamaya'-maamaya' Nano pana nangakan giu' ra baloi ri Liwi, masuang mampalulur ra cukai am ulun ondo' karaan ra malaat giminulung. Masuang niayuk intor risilo minaya' ri Jisus.

LUKAS 5:30

Kukula' ngaulun ru Parisi am mangingila' ra Ukum ri Musa kalo naansayan ilo raginio. Konilo ra maamaya' ri Jisus, “Kua gulung kau pangakan am panginum ra ulun mampalulur ra cukai am poyo ulun ondo' karaan ra malaat?”