MARKUS 12:3 - Tanou Moonsoi Timugon

³ Kaa' rokopo' ru ulun-ulun naniwa' ulipon i am lambaa' nilo, am susubo' nilo io muli' am kalo pinagibit ra atan-atan.

MARKUS 12:3 ပူးပေါင်းရင်းမြစ်များ

1 TISALONIKA 2:15

Ilo noyo namatoi ra Tuhan Jisus am nabi-nabi am niayuk nangimbolo' ramon. Kalo gumagaya' ilo ri Aki Kapuuno' am makimantula' ilo ra ngaangai' ulun.

RINALATAN 7:52

Mokoondo' kia sangulun nabi pana ondo' kalo inimbolo' ru kinamatuaan min? Am pinatoi nilo poyo ulun sinusub ri Aki Kapuuno' ondo' ragili nambala' ra ratangan ru Ulipon Nano ra motopot i. Io no ondo' pinataak min ra pantula' Nano am pinatoi min.

JIRIMIA 29:26

“Nampalantik Tuhan rirun masauk ra imam koson malit ri Joyada, am raino okou no pagawai masawat kaga' giu' ra Baloi ru Tuhan. Okou no pinalansan koson magalung ra moonong ulun mantuyang ondo' mangiou ra io noyo nabi, bangkilon ra rantai basi' ra liog nano.

NIGIMIA 9:26

Kaa' ulun Muno giminuor am kalo giminagaya' Rirun; tinalikuran nilo Taurat Muno. Pinatoi nilo nabi-nabi ondo' nampakara' risilo, am ondo' nanusub risilo sumaguli' Rirun. Ruruli' ilo magasab Rirun,

2 TUNUNG RU BANSA' ISRAIL 36:16

Kaa' kinuli-kuli nilo ulun-ulun sinusub ri Aki Kapuuno' no, kalo nampalio ra ragu Nano, am nakakurit ra nabi-nabi Nano. Pupus no, siminangit kaga' Tuhan risilo saboi kolondo' boo ralan mingkual koson mapalabus ra ulun Nano intor ra ukuman Nano.

JIRIMIA 44:16

“Marara' akai mangkirongog ra ragu ondo' raguon muno ra ralalom inggalan ru Tuhan.

JIRIMIA 20:2

nanusub io koson aku ti lambaan am rantayon giu' ra Kulobon Garabang Binjamin, garabang tampilon rasawat giu' ra Baloi ru Tuhan.

JIRIMIA 2:30

Banangan Ku ayuk mangukum ramuyun, sabap ra marara' kau mangapu ra pangilaan Kuno. Koson ra singa' ondo' tatanga' masangit, koon raginio niayuk ra akau namatoi ra nabi-nabi min.

2 TUNUNG RU BANSA' ISRAIL 16:10

Siminangit kaga' Raja' Asa ra nabi no saboi nabi no inaput. Paat raginio noyo Raja' Asa tumalimpuun mangimbolo' ra kukula' ngaulun.

1 RAJA'-RAJA' 22:27

Susubo' ilo mangaput riso ra pangaputan, am paaniin io ra ruti' am timug ayuk saboi ra aku makasaguli' ra maayag.”

1 RAJA'-RAJA' 19:14

Taam i Ilia, “Iou Tuhan, i Aki Kapuuno' Ondo' Maayo Kaga' Kuasa', magail aku mangandoi ayuk Rirun am ra Okou ayuk. Kaa' ulun ru Israil minanggal noyo ra nabantuan nilono Rirun. Pinuut nilo altar Muno am namatoi ra ngaangai' nabi Muno. Aku sangulun ayuk ondo' lakat poyo naayag, am raino masaga' ilo mamatoi pinai raki'!”

1 RAJA'-RAJA' 19:10

Taam i Ilia, “Iou Tuhan, i Aki Kapuuno' Ondo' Maayo Kaga' Kuasa', magail aku mangandoi ayuk rirun am ra Okou ayuk. Kaa' ulun ru Israil minanggal ra nabantuan nilo Rirun. Pinuut nilo altar Muno am namatoi ra ngaangai' nabi Muli. Aku ayuk sangulun ondo' lakat poyo naayag, am raino masaga' ilo mamatoi pinai raki'!”

1 RAJA'-RAJA' 18:13

Kalo kia nakapandai kou ra paat ri Ijibil namatoi ra nabi-nabi ru Tuhan, nambuni aku ra maatus ngaulun nabi giu' ra ralalom ru luang batu? Tinayar ku ilo ra ruo ngampulalai, limo ngoopor ngaulun sampulalai. Aku pana nangani' risilo ra akanon am inumon.

1 RAJA'-RAJA' 18:4

Paat ri Ijibil namatoi ra nabi-nabi ru Tuhan, binuni ri Obaja maatus ngaulun nabi giu' ra ralalom ru luang batu. Tinayar no ilo ra ruo ngampulalai, limo ngoopor ngaulun sampulalai. Nangani' io risilo ra akanon am inumon.)

MATIUS 15:22

Mokoondo' sangulun ruandu' intor ra bansa' ru Kanaan minayan ra intok raginio. Minatong ruandu' no ri Jisus am indagu, “Tuan, Anak ru raja' Daut, pakaasi' no raki'! Anak ruandu' kuno sinubol ru riwato am makalalaa' baal nano.”

MARKUS 12:2

Kasuku' pangupuan ra kawa' ru anggur, ulun ti nanusub ra sangulun ulipon mongoi pangalap ra tayar nali intor ra ulun nampasiwaan no ra umo i.

MARKUS 12:4

Ulun tatangan ra umo no nanusub poyo ra sangulun ulipon ra bokon. Kaa' lambaa' ru ulun-ulun naniwa' no ulu ru ulipon no am tauyuo' nilo.