MARKUS 10:52 - Tanou Moonsoi Timugon

⁵² Indagu i Jisus, “Ugar no, sabap ra mangintopot kou Raki' mababas kou noyo.” Paat ragili niayuk makakito boo ulun no. Baya' io boo ri Jisus nangkiralan.

MARKUS 10:52 ပူးပေါင်းရင်းမြစ်များ

MATIUS 9:22

Pangkaili i Jisus am kakito No ruandu' i. Indagu Io riso, “Kaikango' noyo guang muno, anak Kuno! Sabap ra okou nangintopot nababas kou noyo!” Paat niayuk ragili nababas ruandu' i.

LUKAS 7:50

Kaa' indagu i Jisus ra ruandu' no, “Pangintapatan muno namayag rirun. Uli' no mabaya' ra kaansayan!”

MARKUS 8:25

Pabantaa' poyo ri Jisus kalindu' Nano ra mato ru ulun no. Ponontong ulun no am makakito boo am makaulig io toojo.

MARKUS 5:34

Indagu i Jisus ra ruandu' no, “Anak Kuno, pangintapatan muno Raki' namabas noyo rirun. Tumoojo kou, sabap ra napali' kou noyo.”

JUANIS 9:32

Intor poyo ra tana' ti biningkal, kalo igondo' korongog ra mokoondo' sangulun makapamabas ra mato ru ulun ondo' noolou intor ra io inanak.

MATIUS 15:28

Ginio ra indagu i Jisus ra ruandu' no, “Maayo toojo pangintapatan muno. Kasauk noyo rirun maya' ra kasaga' muno!” Paat ragili niayuk anak ruandu' nano nababas.

RINALATAN 26:18

koson mangukab ra guang nilo. Ginio ra makaingkual ilo boo intor ra kalandaman am mokoongoi ra matawang; koson makalabus ilo boo intor ra kuasa' ru Tingganai ru riwato no am makasaguli' ri Aki Kapuuno'. Ra koson raginio, mansail ra pangintapatan nilo Raki', tula nilono ampunon am masauk ilo ra ulun pinili' ri Aki Kapuuno'.’ ”

MARKUS 1:31

Ongoi Io ra intok ru ruandu' no, guuto' No kalindu' nano am sukalo' No. Kairu' boo salom nali am kalo nabuoi minongoi io pansulung risilo.

MATIUS 21:14

Kukula' ngaulun bolou am pakira' riminatong ri Jisus giu' ra Baloi Tuhan am binabas ilo ri Jisus.

MATIUS 12:22

Kukula' ngaulun nagibit boo ra sangulun bolou am bobou sabap ra sinubol ru riwato no ri Jisus. Binabas ri Jisus ulun no suku' io makaindagu am makakito.

JUANIS 9:39

Kon ri Jisus, “Aku minatong ra tana' ti mongoi pangakim, maa' raginio ulun noolou makakito am ulun makakito moolou boo.”

MATIUS 11:5

Ulun nobolou makakito, ulun kalo makalulu' makaugar, ulun makamaruol ra kungkung ondo' maaja' mababas; ulun barat mokorongog, ulun minatoi maayag saguli', am Tanou Moonsoi no pinatanou ra ulun musikin.

JISAYA 35:5

Ulun bolou makakito, Ulun barat mokorongog.

MAZMUR 146:8

am ulun nobolou mato pinali' No. Pinaikang No ulun malawo guang; tagamin No ulun ra gumagaya' Riso.

MAZMUR 33:9

Bulintok ra Io mindagu, tana' ti nasauk; intor ra ragu Nano, ngaangai' no sinauk.

LUKAS 9:48

Indagu Io boo ra maamaya' Nano, “Ulun ondo' mangapu ra lalaing ti sabap ra Aku, arati' no mangapu io niayuk Raki'. Ulun ondo' mangapu Raki', mangapu niayuk Riso ondo' nanusub Raki' i. Sabap ra io ondo' kalo maatang ra pamaguangan min ngai', sotopot no io no ondo' maatang kaga'.”

MATIUS 8:3

Papuyayo' ri Jisus kalindu' Nali ra ulun no am indagu Io, “Masaga' Aku, kapali' no!” Paat ragili niayuk maruol nali napali'.