MARKUS 10:2 - Tanou Moonsoi Timugon

² Kukula' ngaulun ru Parisi minatong koson mangkinam ri Jisus. Pangkuot ilo, “Sumugut ra Ukum ri Musa, ioginio ukum ru ugama takau, iowon kia sangulun mangali ra andu' nano?”

MARKUS 10:2 ပူးပေါင်းရင်းမြစ်များ

MALIAKI 2:16

Mindagu Tuhan i Aki Kapuuno' ru Israil, “Masisang Aku ra mangali. Marara' Aku paat sangulun intor ramuyun mambaal ra malaat koson raginio ra andu' nano. Tutuno' noyo maa' raginio kalo lumungkang kau ra bantu' koson magulayun gumagaya' ra andu' min.”

MATIUS 15:12

Maamaya'-maamaya' ri Jisus pana minatong boo am indagu Riso, “Mangingila', makapandai Kou kia ra guang ru ulun-ulun ru Parisi no nasindualan ra ragu Muni?”

MATIUS 16:1

Kukula' ngaulun ru Parisi am ulun ru Saduki minatong ri Jisus. Masaga' ilo mangkinam Riso. Nakitaak ilo ri Jisus mambaal ra kaimuagan koson mampainono' ra Io minatong intor ri Aki Kapuuno'.

MATIUS 19:3

Kukula' ngaulun ru Parisi minatong koson mangkinam ri Jisus ralalom pangkuatan. Konilo, “Sumugut ra Ukum ri Musa, iowon kia sangulun mangali ra andu' nano maya' ra kasagaan nano galama'?”

MATIUS 22:35

Sangulun intor ilo ngaangai' ti, ioginio sangulun mangingila' ra Ukum ri Musa, mangkinam mampalandak ri Jisus ra rondo' pangkuatan.

MATIUS 23:13

“Aibui boo ramuyun, mangingila' ra Ukum ri Musa am ulun-ulun ru Parisi! Maabau-abau kau kaga', akau galama' kalo masaga' masauk ra ulun ri Aki Kapuuno', am niayuk mongompong kau ra ulun bokon ondo' masaga' masauk ra ulun ri Aki Kapuuno'. [

MATIUS 9:34

Kaa' ulun-ulun ru Parisi minindagu, “Tingganai ru riwato no nanaak Riso ra kuasa' koson mampagiru' ra riwato.”

MARKUS 10:1

Iruani' boo ri Jisus intok raginio am ongoi ra Judia ondo' sandaup ru Sungoi Jordan. Masuang ulun minatong am liminimpu poyo ri Jisus am koson ra kaindalaman tumalimpuun Io mangila' risilo.

MARKUS 10:3

Taam i Jisus ra mangkuot risilo, “Atan guat parinta tinaak ru nabi Musa ramuyun?”

MARKUS 8:11

Ratong ulun-ulun ru Parisi am makimantaam ilo ri Jisus. Koson mangkinam Riso, kitaakon nilo i Jisus mambaal rondo' kaimuagan koson mapainono' ra Io sinusub ri Aki Kapuuno'.

MARKUS 8:15

Nampakara' i Jisus risilo, ragu Nano, “Ilalai' min ragi ru ulun-ulun ru Parisi am ragi ru Irodis.”

LUKAS 11:39

Kaa' indagu Tuhan riso, “Akau ulun-ulun ru Parisi! Mampaliung kau ra ralimbou ru galas am piring mino, kaa' ralalom ru guang mino masuang puka' am kalaatan.

LUKAS 16:14

Paat ra ulun-ulun ru Parisi nokorongog ra ngaangai' ragu ragitio, nangiis ilo ri Jisus sabap ra ruit ayuk karaan nilo.

LUKAS 5:30

Kukula' ngaulun ru Parisi am mangingila' ra Ukum ri Musa kalo naansayan ilo raginio. Konilo ra maamaya' ri Jisus, “Kua gulung kau pangakan am panginum ra ulun mampalulur ra cukai am poyo ulun ondo' karaan ra malaat?”

LUKAS 6:7

Kukula' ngaulun mangingila' ra Ukum ri Musa am ulun-ulun ru Parisi mangurio toojo ri Jisus insan ru mamabas Io ra ulun paat ra orou Sabat, maa' raginio mokoowot ilo ra panguwan.

LUKAS 7:30

Kaa' ulun-ulun ru Parisi am mangingila' ra Ukum ri Musa, kalo inapu nilo pamaguangan ri Aki Kapuuno' am kalo nakiriu' ilo ri Juanis.

JUANIS 11:47

Ginio ra ulun ru Parisi am tingganai imam Jaudi miting ra Majlis Ugama. Konilo, “Atan nua' baalon takau? Ilai', masuang kaimuagan binaal ru ulun ti!

JUANIS 11:57

Sabap ra mokoondo' noyo susuban intor ra tingganai imam am ulun-ulun ru Parisi, ra osoi ayuk makapandai ra ati i Jisus, musiti' mambala' maa' raginio marakop nilo Io.

JUANIS 7:32

Ulun ru Parisi nokorongog ra ati kulaan ulun-ulun no posokonos mansunur ri Jisus. Gili boo ra ilo am tingganai imam Jaudi nanusub ra kukula' ngaulun pulis ru Baloi Tuhan mongoi pamparakop Riso.

JUANIS 7:48

Ilai', kolondo' sangulun pana tingganai takau kapoam ulun-ulun ru Parisi mangintopot Riso.

JUANIS 8:6

Nangkuot ilo koson raginio sabap ra masaga' ilo mangkinam Riso, koson makapanguu' ilo boo Riso. Kaa' kuung i Jisus am tulisi' no tana' i ra kalindu' Nali.

1 KORINTUS 10:9

Pai' takau kinami' Tuhan koson ra binaal ru santayaran nilai ragili, saboi minatoi ilo tininduk ru kukuo.