MARKUS 1:8 - Tanou Moonsoi Timugon

⁸ Riwon takamin ra timug, kaa' Io mampariu' ramuyun ra Ambiluo ri Aki Kapuuno'.”

MARKUS 1:8 ပူးပေါင်းရင်းမြစ်များ

RINALATAN 1:5

Nampariu' i Juanis ramuyun ra timug, kaa' kukula' ngoorou poyo am riwon kau ra Ambiluo ri Aki Kapuuno'.”

1 KORINTUS 12:13

Koson niayuk ritakau ngaangai': ulun ru Jaudi kapoam sala' ka Jaudi, ulipon kapoam sala' ka ulipon; riniu' takau ngaangai' masauk ra rondo' inan ri Kristus ralalom ru Ambiluo ri Aki Kapuuno'. Itakau ngaangai' inanian ra Ambiluo raginio ondo' rondo' ayuk.

JOIL 2:28

“Kopongo raginio pasasaron Ku Ambiluo Kuno ra ngaangai' ulun: anak ungkuyon am anak ruandu' min mampatanou ra tanou Kuno; ulun matutuo min maginupi, am ulun mamulok min makakito ra napakitanan.

RINALATAN 10:45

Ulun ru Jaudi ondo' nangintopot ri Jisus, am ondo' minaya' ri Pitrus intor ra Jopi, nangimuag nagilong ri Aki Kapuuno' mangani' ra Ambiluo Nano ra ulun sala' ka Jaudi niayuk.

RINALATAN 2:4

Ilo ngaangai' kinuasa' ru Ambiluo ri Aki Kapuuno'. Tumalimpuun ilo mindagu ralalom nansalinut ragu ra bokon maya' ra atan ondo' tinaakan ru Ambiluo ri Aki Kapuuno' no risilo.

RINALATAN 2:17

Kon ri Aki Kapuuno', ‘Paat ra orou pupus pataakon Ku Ambiluo Kuno ra ngaangai' ulun. Ginio ra anak ungkuyon am ruandu' mino mampasaboi ra bala' intor Raki'; Tuu'-bagu mino makakito ra baal ondo' pakitonon Kuno risilo, am matutuo mino maginupi ra baal ondo' paintalangon Kuno risilo.

MATIUS 3:11

Ginio ra riwon takamin ra timug koson ra tatandu' ra akau ti timinalikur noyo intor ra tula. Kaa' Io ondo' matong ra maagu no mampariu' ramuyun ra Ambiluo ri Aki Kapuuno' am apui. Maayo kuasa' Nano ka aku, magibit ra kasut Nano pana kalo maaya' aku.

JISAYA 44:3

“Pasasaron Ku timug ra tana' ondo' mapua', am patilison Ku sungoi-sungoi boborok ra intok mapua'. Pasasaron Ku Ambiluo Kuno ra anak-anak mino barakatin Ku papag mino.

JISAYA 32:15

Kaa' igondo' poyo i Aki Kapuuno' matong ralalom kuasa' Nano. Tana' ra mapua' pana masauk malabung, am umo no mapaingkual ra ampos ondo' masuang.

AMSAL 1:23

Iningo' min aku mangila' ramuyun. Pinsanin takamin, am mantayar ramuyun ra katutunan kuno.

MARKUS 1:7

Gitio noyo ondo' pinabala' nali, “Mopongo aku, matong poyo sangulun ondo' maayo kaga' kuasa' ka aku. Mamugal ra kaputan ru kasut Nano pana kalo maaya' aku.

MARKUS 1:9

Paat ragili ratong i Jisus intor ra pekan Nasarit, libung ru Galilia, am riwo' Io ri Juanis ra Sungoi Jordan.

LUKAS 3:16

Kaa' indagu i Juanis risilo, “Aku ti mampariu' ramuyun ra timug ayuk, kaa' ra maagu no matong sangulun ondo' maayo kuasa' Nano intor raki'. Mamagus ra kasut Nano pana kalo maaya' aku. Mampariu' Io ramuyun ra Ambiluo ri Aki Kapuuno' am apui.

JUANIS 1:26

Taam i Juanis, “Aku mampariu' ra timug ayuk, kaa' giti ra tatanga' min mokoondo' poyo sangulun ondo' kalo mauligan min.

JUANIS 1:33

Ragili, kalo nakatutun aku osoi Io ti. Kaa' i Aki Kapuuno' ondo' nanusub raki' mampariu' ra timug no minindagu raki', kono, ‘Makito mu Ambiluo ri Aki Kapuuno' tumuun ra sangulun am sumoroi riso. Ulun raginio noyo ondo' mampariu' ramuyun ra Ambiluo ri Aki Kapuuno'.’