MAMPATANOU 9:8 - Tanou Moonsoi Timugon

⁸ Polosoon noyo akau masalok maansukan am bulos mino matakau.

MAMPATANOU 9:8 ပူးပေါင်းရင်းမြစ်များ

2 SAMUIL 14:2

ginio ra panusub io ra ulun magalap ra ruandu' mapintar ondo' minayan giu' ra Tikoa. Paat ra ruandu' no nakasaboi, indagu i Joab riso, “Baalo' ra ilain koson ayuk ra mangulir; pambayang ra bayang mangulir am pai' surayo' abuk. Baalo' koson ra ruandu' ondo' lair noyo mangulir.

2 SAMUIL 19:24

Kopongo raginio, i Mipibosit, akupu ru Raja' Saul minongoi uma' ra raja'. Kalo igondo' io nambagu' ra kalayam, kapoam nangaur ra jangut, kapoam nampupu' ra konoon intor ra raja' nangiruan ra Jirusalim saboi ra raja' siminaguli' ra matanda'.

ESTER 8:15

Kopongo raginio nangiruan i Mordikai ra istana, liliwa' nambayang ra bayang ru raja' makabatik motomou am mapulak, sukub matanggilung intor ra konoon linon ondo' malumis, am karaun mas ondo' moonsoi kaga'. Ulun giu' ra ralan-ralan maayo ru bandar Susan nagilakup sabap ra naansukan.

MAZMUR 23:5

Pinaatang Mu nansalinut akanon am inumon no raki', ra saang ru pantula' kuno; umaan Mu aku koson ra tambului maatang ondo' urumaton am lingigin Mu sangkir kuno suku' mototop.

DANIL 10:3

Buoi ru ginio, kalo nangakan aku ra akanon maamis kapoam kual; kalo nanginum aku ra wain kapoam nansurai ra abuk.

AMOS 6:6

Manginum kau ra wain intor ra mangkuk ondo' tinotop suangi', am nagumau kau ra umau maamis owou ondo' moonsoi kaga', kaa' kalo nanulaboi kau ra naratuan ru Israil.

MATIUS 6:17

Paat ra akau mampali, injagupi' noyo bulos mino am surayo' noyo abuk mino,

LUKAS 7:46

Kalo pinasakan mu ulu Kutu ra umau. Kaa' ruandu' ti nompoposok ra kalayam Kutu ra umau maamis owou.

PINAINTALANG 16:15

“Rongogo' min! Aku matong koson ra sangulun mantatakou. Pakaansuk noyo ulun ondo' kalo mombolong am ondo' magalung ra bayang nano. Pagilalain no saboi kalo magibaang io am mauyu' ra saang ru ulun.”

PINAINTALANG 19:14

Masuang saujor ru suruga' siminunu' Riso ra nanangkuda ilo ra kuda mapulak am nambayang ra linon kopoyo ondo' mapulak.

PINAINTALANG 19:8

Pinataak noyo riso ra bayang linon ondo' manguliat.” (Bayang linon no ioginio baal moonsoi ru ulun ri Aki Kapuuno'.)

PINAINTALANG 7:9

Kopongo raginio, kakito ku poyo rondo' tinimungan ru ulun masuang ondo' kalo maalap ra untob ru osoi ayuk pana! Ilo ti intor ra ngaangai' bansa', papag, pagun am ragu. Am minigor ilo ra saang ru Io ondo' nanturung ra takhta am ra Anak Domba no. Nambayang ilo ra sukub ra mapulak am nampaguut ra raun palma.

RUT 3:3

Pariu' no raino am pagumau ra umau maamis owou am pambayang ra bayang moonsoi kaga' muli. Mopongo raginio ongoi no ra pangagikan no ra barli no, pai' antal saboi makaakan am makainum io.