MAMPATANOU 9:7 - Tanou Moonsoi Timugon

⁷ Pangakan no, panginum no, am pakaansuk no! Panginum no ra wain am pakaansuk no; kalo manginggalar i Aki Kapuuno'.

MAMPATANOU 9:7 ပူးပေါင်းရင်းမြစ်များ

KASAUKAN 12:19

Kua indagu kou ra io boborok muno am pinoloso mu io inandu' ku? Noo', gitio andu' mutu! Alapo' io noyo am ugar kano!”

1 RAJA'-RAJA' 8:66

Paat ra orou kabalu', Raja' Salomo nanusub ra ngaangai' ru ulun no muli'. Minuli' ilo ra naansukan, liliwa' mongompor ra raja' ra tayar ru ngaangai' barakat ondo' tinaakan ru Tuhan ra Raja' Daut, ulipon Nano, am ngaangai' ru ulun Nano Israil.

MAMPATANOU 10:19

Bunsag mapabansuk ra guang min, wain pana mampakurit ramuyun, kaa' karuruo no kalo maalap min amon ru kolondo' ruit.

MAMPATANOU 11:8

Musiti' ulun maringkuanang amon ru maawar painawo kaa' karaa', mabuoi pana ulun maayag ra tana' ti, mulu' poyo buoi nilono giu' ra intok kapatayan. Kolondo' atan pana malansanan.

MAMPATANOU 5:18

Amon ru nangani' i Aki Kapuuno' ra ulun ra rapu' am kalangkayaan, am mangiou risilo sumia' ra kalangkayaan no, ilo musiti' maringkuanang am sumia' ra ampos ru kandoi nilo. Ginio niayuk tinaakan ri Aki Kapuuno'.

MAMPATANOU 7:14

Paat ra okou matasu', pakaansuk no; am paat ra okou makakapaganan, karaa' noyo ra katasuan am kapaganan, karuruo no minatong intor ri Aki Kapuuno'. Ulun kalo makapandai ra atan ondo' masauk ra matong no.

MAMPATANOU 8:15

Ginio ra, mangintopot aku ra ulun musiti' makaansuk. Mangakan, manginum ayuk am maansukan ondo' kasiaan nilo. Ginio ayuk mabaal ra tatanga' bagui ru kandoi nilo sabuoi ru kaayagan ondo' tinaakan risilo ri Aki Kapuuno' ra tana' ti.

UNTABAN 6:20

Imam no pana musiti' mapataak ra ngaangai' no tayar ru taak luntukon ra Tuhan. Ngaangai' taak no mapasau am masauk ra imam tatangan, mabaya' ra kubab am paa ru domba gawayan ondo' sumugut ra aturan, masauk noyo ginio ra imam tatangan. Mopongo raginio, ulun no sala' ka boo ulun Nazir, am makainum io ra wain.

MARKUS 7:29

Indagu boo i Jisus ra ruandu' no, “Sabap ra taaman muni, ugar no raino sabap ra riwato no miningkual noyo intor ra anak muno!”

LUKAS 11:41

Pataaki' noyo suang ru galas am piring mino ra ulun musikin, bagu maya' ra pagilaian ri Aki Kapuuno', ngaangai' no mapasau ramuyun.

JUANIS 4:50

Indagu i Jisus riso, “Uli' no, napali' noyo anak muno.” Nangintopot ulun i ra rinagu ri Jisus ni am uli' io boo.

RINALATAN 10:35

Intor ra ngaangai' bansa', osoi ayuk pana sumamba ri Aki Kapuuno' am mambaal ra motopot, ulun no apuon ri Aki Kapuuno'.

SAGULION 12:12

Pakaansuk noyo ra saang ru Tuhan giu' ra intok raginio, mabaya' ra anak-anak mino, ulipon-ulipon mino, am ulun ru Liwi ondo' minayan ra bandar-bandar mino. Karaa' noyo ra ulun ru Liwi kolondo' tana' nilo galama'.

SAGULION 12:7

Giu' no, giu' ra saang ru Tuhan i Aki Kapuuno' min, ondo' nambarakat noyo ramuyun, mabaya' kau ra sasambaloi min mangakan am sumia' ra ngaangai' ampos ru kandoi min.

RUT 3:7

Pakaakan am pakainum i Boas, naansukan io. Ongoi io ra tinuntur ra barli, luya' am pombolong. Sinok-sinok boo i Rut mininggaar riso. Sukiapo' no bajang ri Boas am pombolong maar ra tupakon nano.