MAMPATANOU 9:3 - Tanou Moonsoi Timugon

³ Nasip ru ngaangai' ulun nogondo' am baal raginio kalo motopot, koson ra ngaangai' baal ru bokon ralalom ru tana' ti. Buoi ra kaayagan ru ulun, guang nilo napanu' ra kalaatan am kolondo' katandaan, am pulali' ayuk boo matoi.

MAMPATANOU 9:3 ပူးပေါင်းရင်းမြစ်များ

KASAUKAN 6:5

Paat nakito ru Tuhan ra mapara' laat ru ulun ru tana' ti am pangkaraan nilo magail malaat.

KASAUKAN 8:21

Owou ru taak ri Nuu no mapabansuk ra guang ru Tuhan am igindagu Io galama', “Kalo boo ulason Ku tana' ti sabap ra binaal malaat ru ulun; nakapandai Aku noyo ra intor ayuk poyo ra mamulok, guang ru ulun malaat. Kalo boo luuson Ku ngaangai' ondo' maayag koson ra kakabaal Kunii.

AYUP 15:16

Atan poyo ulun ondo' majamol am kolondo' onong, ondo' manginum ra kalaatan koson ra timug ayuk.

AYUP 21:26

Kaa' giu' ra ralalom ru lobong ilo ngaangai' nababaya' nakalangan; linibungan ru ulor am lingguang.

MAZMUR 51:5

Iowon ku nasalaan kuno; masalok ku matutunan tula kuno.

MAZMUR 64:7

Mangatang ilo ra malaat am mindagu, “Mangatang takau ra kalaatan ondo' malamog.” Malandom kaga' guang am pangkaraan ru ulun, saboi kalo mapandayan.

AMSAL 14:32

Ulun malaat matoi sabap ra kalaatan nilo galama'; ulun moonsoi masindungan sabap ra kabanisan ru guang nilo.

MAMPATANOU 1:17

Gumogot aku toojo koson makapandai ra nansasalaan ru katutunan am kabuduan, kapintaran am sasambungon. Kaa' nakito ra aku ti koson mangilou ra angin ayuk.

MAMPATANOU 12:7

Inan takau masauk saguli' ra kaau ra tana' ti. Painawo ru kaayagan takau sumaguli' ri Aki Kapuuno' ondo' nangani' ritakau.

MAMPATANOU 2:14

Ulun mapintar makapandai ra intok ondo' angayan nilo, am ulun kalo matanda' kalo makapandai ra ati rondo' ralan ugaran nilo.” Kaa' nakapandai aku niayuk ra pupus nilono ngaangai' no nogondo'!

MAMPATANOU 7:2

Moonsoi poyo mongoi pagilong ra sambaloi ondo' mangulir intor ra sambaloi ondo' makabunsag, sabap ulun maayag musiti' mangkara' ra patayan ondo' masalok maginaa ritakau ngai'.

MAMPATANOU 7:25

Gumogot aku migigila' am maguyum ra kapandayan koson makaalap ra kapintaran am taam ru kinuatan kuli. Kinamin ku aratio' ra kolondo' katandaan no kalaatan am kolondo' guang no tutuyangon.

MAMPATANOU 8:11

Masaga' toojo ulun mambaal ra kalaatan sabap ulun ondo' nambaal no kalo inukum ra mataki'.

MAMPATANOU 9:11

Mokoondo' poyo ondo' nakito ku ra tana' ti: ulun masimbul ondo' maribok kalo masalok manang, am ulun ondo' baani kalo masalok manang ralalom pangayawan. Ulun mapintar kalo masalok makaalap ra ruit, ulun mapandai kalo masalok masauk ra langkaya', am ulun ondo' maikang kalo masalok makaalap ra intok masawat kaga'. Nasip malaat lumumpa' ra moonong ulun.

MAMPATANOU 9:2

Topot nogondo' ayuk nasip ru ngaangai' ulun! Nasip ru ulun mabanis guang am malaat nogondo' ayuk, kabalu' pana ulun moonsoi am malaat, ulun ondo' mapasau am poyo majamol, ulun ondo' nampataak ra taak simbalui am poyo ulun ondo' kalo nampataak ra taak simbalui. Ulun moonsoi kalo niayuk moonsoi poyo kaayagan nilo intor ra ulun makatula', am ulun ondo' nagibot kalo moonsoi poyo kaayagan intor ra ulun ondo' kalo magibot.

MAMPATANOU 9:4

Kaa' osoi ondo' lakat poyo maayag ra tana' ti makakalansanan. Sala' ka kia uku' ondo' maayag moonsoi poyo intor ra singa' ondo' minatoi?

JIRIMIA 16:12

Kaa' binaal mino malaat poyo intor ra binaal ru kinamatuaan mini. Ngaangai' min bambalingatan am malaat. Marara' kau gumagaya' Raki'.

JIRIMIA 17:10

Aku, Tuhan, mangimumui ra guang; pangkaraan ru ulun kinamin Ku. Pamakuan Ku ra moonong ulun sumugut ra paliso nano, am pamakuan Kuno nontopot ra binaal nano.”

JIRIMIA 17:9

Guang ru ulun kalo maratian ru osoi pana; guang ru ulun mapintar toojo intor ra ngaangai' no, am maruol nano maingor kaga'.

LUKAS 15:17

Katutuni' no binaal nali, nampaguang io, ‘Ngaangai' mangngandoi ri ama' malabaan ra akanon, am aku ragiti matoi ayuk kalo ra bitil!

LUKAS 6:11

Kaa' malikokot toojo mangingila' ra Ukum ri Musa am ulun-ulun ru Parisi, am tumalimpuun ilo mansusunur ra atan baalon nilo ri Jisus.

RINALATAN 12:23

Paat ragili niayuk malaikat ru Tuhan nampalamba' ri Irodis, sabap ra kalo nangurumat io ri Aki Kapuuno'. Ginio ra inan nati inuloron am patoi io boo.

RINALATAN 26:11

Masalok aku niayuk nangimbolo' risilo giu' ra baloi sambayangan am nampajajal risilo lumugut intor ra inintopot nilai. Nasisang aku kaga' risilo saboi sinunu' ku ilo ra ati ayuk bandar ra pagun bokon koson mangimbolo' risilo.”

RINALATAN 26:24

Liliwa' nagisaung i Paulus, golok boo i Pistus, kono, “Paulus, totopot kou no sasambungon! Inigigilaan muno ra najanjayan ondo' nangkinibit rirun mantuyang!”

TITUS 3:3

Itakau pana galama' ragili sasambungon, maanggal-anggal am makasala. Inulipon takau ru nansalinut kalaayan am kasagaan ru guang saboi kaayagan takali napanu' ra solon am ingot. Ulun nasisang ritakau am itakau pana galama' nasisang niayuk risilo.

2 PITRUS 2:16

Kaa' sinawai io toojo sabap ra kalaatan nali. Kaladai nano minindagu riso mogondo' ra bolos ru ulun. Nabi no pana jinajalan nompolonggo' ra binaal nano ra sasambungon no.