MAMPATANOU 9:12 - Tanou Moonsoi Timugon

¹² Ulun kalo makapandai ra bulintok ratangan ru karaat. Koson ra susuit ondo' nakasulung ra landak, am papait ondo' nakasulung ra ralo, nogondo' ayuk ra ulun ondo' linumpa' ru karaat ondo' kalo napandayan.

MAMPATANOU 9:12 ပူးပေါင်းရင်းမြစ်များ

MAZMUR 11:6

Ulun malaat ukumin No ra lumaag, mabaya' ra baa makasimbula', bilirang am angin ra makaumpo.

AMSAL 24:22

ulun koson raginio matutuk ra sangkuliop ayuk. Karaa' noyo karaat ondo' palumpaan ramuyun ri Aki Kapuuno' kapoam raja'!

AMSAL 29:6

Ulun malaat masulungan ru tula nilo galama', kaa' ulun mabanis guang maansayan am maansukan.

AMSAL 6:15

Sabap ra binaal nilono, malumpa' ilo ru karaat saboi ilo nalingon natutuk.

MAMPATANOU 3:19

Sala' ka kia ulun am bibiag no nogondo' ayuk nasip nilo? Karuruo no ondo' naayag am mapandai matoi. Ulun kalo niayuk moonsoi poyo intor ra bibiag, sabap karuruo no maayag am kolondo' onong.

MAMPATANOU 8:11

Masaga' toojo ulun mambaal ra kalaatan sabap ulun ondo' nambaal no kalo inukum ra mataki'.

MAMPATANOU 8:8

Kolondo' sangulun pana makainggalur kapoam mapainjul ra orou patayan nano. Patayan ti rondo' pangayawan ondo' kalo mailiwan kabalu' pana ra mamparuung.

MAMPATANOU 9:13

Nakakito aku niayuk ra tiluan moonsoi intor ra atan koson kapintaran ondo' karaan ru ngaangai' ulun ra tana' ti.

JISAYA 24:18

Osoi-osoi kuminam pagiru' intor ra kalaanan no io maratu' ra luang no, am osoi-osoi makalabus intor ra luang makasulung ra jajaling no. Rasam maawas rumatu' intor ra limbowon am lonor ru tana' ti mogonggon.

JISAYA 30:13

Makasala kau. Koson kau ayuk ra timbok masawat ondo' liminata' intor ra rasawat saboi ra ragana'. Pulali' min ayuk mapuut.

YEHEZKIEL 32:3

Paat ra bansa'-bansa' tumimung, rokopon Tokou ra ralo Kuno am mopoloso ra bansa'-bansa' mamparalaat ra ralo no ra lantur.

GOSIA 7:12

Kaa' paat ra ilo mansail, paatangon Ku jajaling am mamparakop risilo koson ra ulun mamparakop ra susuit. Ukumin Ku ilo sabap ra kalaatan ondo' binaal nilo.

GOSIA 9:8

Nanusub i Aki Kapuuno' raki' koson ra nabi koson mampakara' ra ulun ru Israil, kaa' ati ayuk angayan kuno, mirot kau koson mampalandak raki' koson ra mampalandak ra susuit. Giu' ra pagun longgom ri Aki Kapuuno' galama', nabi-nabi Nano tinula' ru mamagun.

LUKAS 12:20

Kaa' indagu i Aki Kapuuno' riso, ‘Ulun sasambungon! Rondom ra raiti' niayuk patayan muno! Osoi mangalap ra ngaangai' ondo' tinimung muno galama'?’ ”

LUKAS 12:39

Karaa' min gitio! Amon ru napandayan ru tatangan ra baloi no sanggilan ratangan ru mantatakou, kalo polosoon no mantatakou no sumubol ra baloi.

2 KORINTUS 6:2

Kon ri Aki Kapuuno' ralalom Buuk Kitab, “Paat ra naaru' noyo, rinongog tokou, am ra io orou pamayagan, nangindangan Aku no rirun.” Rongogo' min, raino noyo paat inaru' no, am raiti' niayuk orou pamayagan!

1 TISALONIKA 5:3

Paat ra ulun mindagu ra, “Raino nampalinos noyo ngaangai' am mokoondo' noyo pabansayan,” paat raginio niayuk pulali' kon ilo pusoon. Pulali' kon Io matong koson ra ruol ru ruandu' matipaganak, am kalo makapagiru' ilo.

2 TIMOTIUS 2:26

Koson raginio boo makatutun am makalabus ilo intor ra kuasa' ru tingganai ru riwato no, ondo' namparakop am nampajajal risilo mambaal ra kasagaan nano.

1 PITRUS 2:12

Kaayag kano ra moonsoi ra sasanggilan akau lumatok ra ulun ondo' kalo nakaulig ra Tuhan. Maa' raginio, paat ra ilo manguu' ramuyun ra akau ti ulun malaat, makamakito ilo ra sotopot no moonsoi ayuk baalon min i, suku' mokopongompor ilo ri Aki Kapuuno' paat ra orou pangukuman Nano ondo' matong.

2 PITRUS 2:12

Kaa' ulun-ulun migigiangku ra mangingila' no kolondo' guang. Ilo ti koson ayuk ra bibiag mangasigo ondo' rokopon am potoyon ayuk. Magasab ilo ayuk ra atan ondo' kalo naratian nilai no. Gitio boo kinibit ra ilo ti pusoon.