MAMPATANOU 9:11 - Tanou Moonsoi Timugon

¹¹ Mokoondo' poyo ondo' nakito ku ra tana' ti: ulun masimbul ondo' maribok kalo masalok manang, am ulun ondo' baani kalo masalok manang ralalom pangayawan. Ulun mapintar kalo masalok makaalap ra ruit, ulun mapandai kalo masalok masauk ra langkaya', am ulun ondo' maikang kalo masalok makaalap ra intok masawat kaga'. Nasip malaat lumumpa' ra moonong ulun.

MAMPATANOU 9:11 ပူးပေါင်းရင်းမြစ်များ

2 SAMUIL 17:14

Kopongo i Absalom am ngaangai' ulun ru Israil nokorongog ra inatangan raginio, konilo, “Moonsoi poyo bilin ri Gusai intor ra bilin ri Agitopil.” Inaru' noyo ru Tuhan koson mongompong ra bilin ri Agitopil ondo' moonsoi no, maa' raginio matiu' i Absalom ra karaat.

2 SAMUIL 17:23

Paat ri Agitopil nakapandai ra bilin nano kalo binaya', patampako' no palana ra kaladai nano am uli' ra bandar nano galama'. Kopongo nanalasai ra ngaangai' baalon nano, tair io galama'. Kopongo raginio linobong io ra kalabangan ru sasambaloi nano.

2 TUNUNG RU BANSA' ISRAIL 20:15

Kon ri Jagajiil, “Okou raja' am ngaangai' mamagun ru Jiuda am Jirusalim, minindagu Tuhan ra akau pai' kalawo guang am malaa' makauma' ra pulalai ondo' maayo ti, sabap ra ondo' mangayou sala' ka akau, kaa' i Aki Kapuuno'.

AYUP 34:29

Amon ru mamatas i Aki Kapuuno' koson ra mongkoror ayuk, kolondo' osoi pana mokololob Riso. Amon ru pasibunion No bulos Nano, kolondo' osoi pana makatuum Riso.

MAZMUR 76:5

Iou Aki Kapuuno', matulai Kou kaga', bulintok ra Okou siminaguli' intor ra gunung-gunung intok nangalaan Mu ra pantula'-pantula' Muli.

AMSAL 1:5

Intor ra amsal ragitio ulun mapintar pana rumuang katutunan nano, am ulun makainigilaan mokoowot ra pangilaan.

MAMPATANOU 2:12

Sangulun raja' makapambaal ra atan ayuk binaal ru raja'-raja' ondo' nakapagulu riso. Aku pana tumalimpuun mangkara' ra kapintaran, sasambungon am kolondo' katandaan.

MAMPATANOU 3:14

Makapandai aku ra ngaangai' ondo' binaal ri Aki Kapuuno' ti mantilayun. Ulun kalo makapamparuang kapoam mangiruru' raginio. Nambaal i Aki Kapuuno' koon raginio maa' raginio urumaton takau Io.

MAMPATANOU 3:17

Karaan kuno, mangakim i Aki Kapuuno' ra ulun moonsoi am malaat, sabap ra moonong baal am moonong binaal masauk ra paat ondo' naaru'.

MAMPATANOU 4:1

Kopongo raginio nakakito aku poyo ra ngaangai' kolondo' katimpakan ondo' masauk ra tana' ti. Ulun ondo' naimbolo' mantangi' am kolondo' sangulun pana mangindangan risilo. Kolondo' sangulun pana makakau' mangindangan risilo sabap ra ulun-ulun mangimbolo' no makakuasa'.

MAMPATANOU 4:4

Nakapandai aku niayuk ra ulun gumogot toojo mangandoi; sabap ra ilo mangusolon amon makakito ra sambalayan nilo. Kaa ginio ngai' kolondo' onong. Paliso raginio koson ra ulun ondo' mangilou ra angin.

MAMPATANOU 7:13

Guango' noyo baal ondo' binaal ri Aki Kapuuno'. Osoi nua' makabanis ra atan ondo' pinandikong ri Aki Kapuuno'?

MAMPATANOU 9:2

Topot nogondo' ayuk nasip ru ngaangai' ulun! Nasip ru ulun mabanis guang am malaat nogondo' ayuk, kabalu' pana ulun moonsoi am malaat, ulun ondo' mapasau am poyo majamol, ulun ondo' nampataak ra taak simbalui am poyo ulun ondo' kalo nampataak ra taak simbalui. Ulun moonsoi kalo niayuk moonsoi poyo kaayagan nilo intor ra ulun makatula', am ulun ondo' nagibot kalo moonsoi poyo kaayagan intor ra ulun ondo' kalo magibot.

MAMPATANOU 9:3

Nasip ru ngaangai' ulun nogondo' am baal raginio kalo motopot, koson ra ngaangai' baal ru bokon ralalom ru tana' ti. Buoi ra kaayagan ru ulun, guang nilo napanu' ra kalaatan am kolondo' katandaan, am pulali' ayuk boo matoi.

JIRIMIA 46:6

Ilo ondo' maribok ra nasimbul kalo makapagiru'; saujor-saujor kalo makapagiru'. Makasaru am maratu' ilo, giu' ra ralayo, mamaar ra Sungoi Iprat.

JIRIMIA 48:14

Mamagun kau ru pagun Moab, kua pangkara' kau ra inan koson ra ulun tutumula', am koson ra saujor maikang ondo' kininaman ralalom ru pangayawan?

JIRIMIA 9:23

Indagu Tuhan, “Ulun mapintar kalo mamanggo sabap ra kapintaran nilo, ulun maikang kalo mamanggo sabap ra kaikangan nilo, am ulun langkaya' kalo mamanggo sabap ra kalangkayaan nilo.

DANIL 4:35

Ulun ra tana' ti kolondo' arati' Riso; malaikat giu' ra suruga' am ulun ra tana' ti, ngaangai' ragana' ru kuasa' Nano. Kolondo' osoi pana makaanggal ra kasagaan Nano, kapoam mangkuot ra binaal Nano.

JAKARIA 4:6

Nanusub malaikat no raki' nampasaboi ra tanou ru Tuhan ti ri Jirubabil, “Makasugut kou sala' ka kaikangan ru saujor kapoam kaikangan muno galama', kaa' ra Ambiluo Kuno.

MALIAKI 3:18

Ulun Kuno makakito poyo ra pansuayan ru pupus ru ulun moonsoi am pupus ru ulun malaat, ulun ondo' mangandoi ayuk Raki' am ondo' kalo.”

IPISUS 1:11

Intor poyo ra talimpuun i pinili' takano ri Aki Kapuuno' masauk ra ulun mangintopot riso ralalom pasimpungan takau ri Kristus. Ngaangai' no baalon sumugut ra inatang am inaru' ri Aki Kapuuno'.

SAGULION 8:17

Ginio ra pai' lingon mangkara' ra lumangkaya' kau sabap kuasa' am kaikangan min galama'.

SAGULION 8:18

Karaa' noyo ra Tuhan i Aki Kapuuno' min raginio noyo ondo' napalangkaya' ramuyun. Nambaal Io ra baal raginio sabap saboi orou raiti', lakat poyo Io nanutun ra nabantuan ondo' binaal Nano ra kinamatuaan mini.

1 SAMUIL 17:50

Kon raginio noyo ra kalo nanangilang, kinala ri Daut no i Goliat am namatoi riso ra pamalastik am batu.

1 SAMUIL 6:9

Ilain min ati angayan ru sapi' no; amon ru Kaban Nabantuan no ibiton mongoi ra pagun toojo nano, giu' ra bandar Bit-Simis, baal ragitio makaarati' ra i Aki Kapuuno' ru ulun ru Israil naparatong noyo ra karaat makalalaa' kaga' ritakau. Kaa' amon ru padati no kalo mongoi ra giu' no, makapandai takau ra baal makalalaa' raginio sala' ka intor ri Aki Kapuuno' ru Israil, kaa' nakainamot ayuk.”