MAMPATANOU 9:10 - Tanou Moonsoi Timugon

¹⁰ Tandaa' toojo kandoi min, sabap giu' ra tana' ru ulun minatoi kolondo' kandoi, pangkaraan, katutunan, kapoam kapintaran poyo; giu' noyo angayan min.

MAMPATANOU 9:10 ပူးပေါင်းရင်းမြစ်များ

KASAUKAN 37:35

Ngaangai' anak ungkuyon am anak ruandu' nano minongoi panimayo riso, kaa' marara' io simoyoon. Indagu io, “Mangulir aku ra anak kuli saboi ra aku matoi.” Pangungulir io ra anak nali i Jusup.

1 TUNUNG RU BANSA' ISRAIL 22:19

Ginio ra, akau mangandoi ayuk ra Tuhan i Aki Kapuuno' min ra sotopot ru guang am sotopot ru salibuor. Talimpuuni' noyo mambaal ra baloi koson ra Tuhan maa' raginio Kaban Nabantuan Nano am ngaangai' kuliamos ra bokon ondo' pakayon timpokon koson ra sambayang mabulian ra giu' no.”

1 TUNUNG RU BANSA' ISRAIL 28:20

Kon poyo ru Raja' Daut ra anak nano, i Salomo, “Okou musiti' mangintopot am baani. Talimpuuni' noyo kandoi no am pai' kalaa' ra atan pana. Tuhan i Aki Kapuuno' ondo' sambaan kuno mangindangan rirun. Kalo mangiruan Io rirun, kaa' mabaya' Io rirun saboi ra ngaangai' no mopongo.

NIGIMIA 2:12

kalo nambala' aku ra osoi ayuk pana ra inatang ri Aki Kapuuno' ralalom ru guang kuno intor ra atan ondo' baalon kuno ra tayar ru bandar Jirusalim. Kopongo raginio, paat ra tanga' rondom siminukal aku am miningkual nababaya' ra kukula' ngaulun rangan. Rorondo' ra bibiag ondo' inibit ku iono kaladai ondo' kurain ku.

NIGIMIA 4:2

Giu' ra saang ru rangan-rangan nano am pulalai ru saujor Samaria, indagu io, “Atan kia ondo' tatanga' baalon ru ulun ru Jaudi ra nausung ti? Makaguang ilo kia koson mambaal saguli' ra bandar ti? Nangkara' ilo kia ra ilo mampataak ra taak simbalui, maalap nilo kopongo kandoi no ralalom songorou? Makasauk ilo kia ra batu panambaloi intor ra tuntur ru ginsamol ondo' naumpo noyo?”

NIGIMIA 4:6

Ginio ra narayus akai namuna' ra timbok. Kalo nabuoi raiti timbok no nopongo pinuna' saboi sampiruo intor ra sawat no, sabap ra mamagun nangandoi ra guang maantak.

AYUP 10:21

Kalo boo mabuoi mugar aku am kalo sumaguli', mongoi ra intok ondo' molondom am matuong kaga';

AYUP 10:22

ondo' natikop ra molondom, babara' am majajou; giu' no ondo' matawang pana nogondo' ra molondom.

AYUP 21:13

Maayag ilo ralalom kalangkayaan, am matoi ra makakaansayan.

MAZMUR 6:5

Ratong no Tuhan am bayago' aku no, sabap ra togom Muno bayago' aku no intor ra kapatayan.

AMSAL 3:28

Amon ru mokoondo' kau ra kaluagan mangindangan ra raino ti, pai' min susubo' pasambalayan mino maginaa saboi ra susuab no.

MAMPATANOU 11:3

Ati tampilon pana kaabaan ru puun tataun no, ginio noyo intok ru puun tataun no maaba'. Paat ra gaun no lumondom, rasam ra maawas pana rumatu'.

MAMPATANOU 11:6

Patiaso' noyo sampug tampilon ra susuab ti am niayuk ra mai' no, sabap kalo makapandai takau ru ngaangai' no tumuu', kapoam ati rondo' tias tumuu' ra malabung poyo.

JISAYA 38:10

Mangkara' aku, paat pompor ru painawo kuno, mongoi aku ra pagun ru ulun minatoi, am orou ra matutuo kalo makaliman aku.

JIRIMIA 29:13

Maguyum kau Raki' am matuum min Aku, sabap ra maguyum kau Raki' ra sotopot ru guang.

UNTABAN 13:30

Napalinos i Kalib ra guang ru ulun ondo' mambutok ri Musa, am indagu, “Musiti' takau bulunsaron am gaawon tana' no raino niayuk. Sama' ikang takau koson mapakala raginio.”

MATIUS 20:7

Taam ulun-ulun i, ‘Sabap ra kolondo' ulun mangkimait ramon mangandoi.’ ‘Amon ru koson raginio,’ kon ru tatangan ra umo i, ‘Ongoi kau pangandoi ra umo kuno.’

MATIUS 6:33

Sotopot no, gogoto' min galing ra i Aki Kapuuno' mamarinta ra kaayagan mino am baalo' noyo kasagaan Nano, am aniin kau boo ri Aki Kapuuno' ra ngaangai' baal ra bokon no.

JUANIS 4:34

Indagu i Jisus, “Akanon Kuno gumagaya' ra kasagaan ru Io ondo' nanusub Raki' am momongo ra kandoi ondo' pinataak Nano Raki'.

JUANIS 5:4

Sabap ra sanganuan, tumuun malaikat ru Tuhan ra kulam no mampalinggan ra timug. Makalinggan timug no, ulun marualan ondo' makapagulu tumolop ra kulam mapali' intor ra atan ayuk pana maruol nali.]

JUANIS 9:4

Buoi matawang ayuk poyo, itakau musiti' mangandoi ra atan ondo' pakandayin ru Io ondo' nanusub Raki' i. Matong molondom no am paat raginio kolondo' sangulun pana makapangandoi.

ROMA 12:11

Pirot kano pangandoi am pai' katiar. Mabaya' ra kaikangan ru Ambiluo ri Aki Kapuuno', pangandoi kano ra Tuhan ra totopot ru guang min.

1 KORINTUS 15:10

Kaa' kataawan ri Aki Kapuuno' niayuk ondo' nampasauk raki' ra osoi aku raino ti. Am kataawan Nano kalo niayuk nalubat. Kaa' sotopot no aku ondo' nangandoi toojo ka ngaangai' rasul ra bokon. Kaa' ginio noyo sala' ka aku galama', kaa' kataawan ri Aki Kapuuno' ondo' nangandoi nabaya' raki'.

1 KORINTUS 16:10

Amon ru mongoi i Timotius ramuyun, umaa' min io ra moonsoi, maa' raginio maansayan io mayan ramuyun, sabap ra io pana koson niayuk raki', ra mangandoi io ra Tuhan.

1 KORINTUS 9:24

Pabukat kau, maaru' nakapandai kano ra ralalom pagugulaan masimbul, moonong ulun ondo' maya' raginio masimbul, kaa' sangulun ayuk mokoowot ra taak kamanangan. Pasimbul kano koson riso, saboi mokoowot kau ra taak raginio.

1 KORINTUS 9:26

Ginio nai ra mangandoi aku ayuk ri Aki Kapuuno', mogondo' ra sangulun masimbul gumogot ra kamanangan kapoam mogondo' ra sangulun peninju mompokono' ra gonggom nano ra pantula' nano.

IPISUS 5:16

Moonong kaluagan ondo' mokoondo' ramuyun, alapo' min ginio koson mambaal ra moonsoi, sabap ra raino ti masuang kapaganan takau.

KOLOSI 3:23

Atan ayuk kondoyon mino, paugaro' min noyo toojo mabaya' ra guang mabanis, koson ayuk mangandoi kau ra Tuhan am sala' ka ra ulun.

1 SAMUIL 10:7

Paat ra masauk baal raginio, baalo' atan ayuk limanin muno ra moonsoi, sabap ra i Aki Kapuuno' mabaya' rirun.