MAMPATANOU 9:1 - Tanou Moonsoi Timugon

¹ Lair noyo aku mangkara' ra baal raginio saboi malandom toojo, am napandayan ku ra i Aki Kapuuno' nanguasa' ra ngaangai' binaal ru ulun mapintar am ulun moonsoi, am poyo amon ru ilo motogom am masisang ra ulun. Kolondo' sasangulun pana makapandai ra baal ondo' masauk paat ra orou rumatong.

MAMPATANOU 9:1 ပူးပေါင်းရင်းမြစ်များ

AYUP 12:10

I Aki Kapuuno' makakuasa' ra kaayagan ru ilo ondo' maayag inangun Nano; painawo ru moonong ulun ralalom kalindu' ri Aki Kapuuno'.

AYUP 27:12

Nakito min galama' ngaangai' no ra mato min galama'. Ginio ra, kua kia indagu kau ra jajajou ti?”

AYUP 5:8

Amon ru soroi aku ralalom ru baal mino, gumolok aku ri Aki Kapuuno', Io no pakisaungan kuno, am pataakon baal kuno.

MAZMUR 10:14

Kaa' Okou makakito; ilain Mu kapaganan am kaimbalaan ru ulun, am magail makatampos mangindangan risilo. Ulun ondo' lamuoi pasubakon nilo inan nilono Rirun, sabap ra masalok Kou mangindangan ra ulun ondo' makakapaganan.

MAZMUR 119:109

Masalok pajuungon ku painawo kuno, kaa' aku kalo mampalilian ra ukum Muno.

MAZMUR 31:5

Palabuso' aku no intor ra jajaling ondo' inatang nilo mamatoi raki'; Okou noyo intok kuno sumindung.

MAZMUR 73:3

sabap ra sumolon aku ra ulun malilimbau, bulintok ra aku magilong ra ulun malaat lumangkaya'.

AMSAL 16:3

Ngaangai' kandoi muno pataako' noyo ra Tuhan, am inatangan muno pana masugut.

MAMPATANOU 1:17

Gumogot aku toojo koson makapandai ra nansasalaan ru katutunan am kabuduan, kapintaran am sasambungon. Kaa' nakito ra aku ti koson mangilou ra angin ayuk.

MAMPATANOU 10:14

Ulun kalo matanda' mindagu kalo makakai'. Kolondo' sangulun pana makapandai ra baal ondo' masauk ra orou rumatong, am kolondo' sangulun pana mambala' ritakau ra baal ondo' masauk malupus ra itakau matoi.

MAMPATANOU 7:15

Kaayagan kutu kolondo' onong, nakakito aku no ra ngaangai'. Sanganuan ulun ondo' moonsoi no matoi kabalu' pana moonsoi ilo. Sanganuan ondo' ulun malaat no maawar painawo kabalu' pana malaat ilo.

MAMPATANOU 7:25

Gumogot aku migigila' am maguyum ra kapandayan koson makaalap ra kapintaran am taam ru kinuatan kuli. Kinamin ku aratio' ra kolondo' katandaan no kalaatan am kolondo' guang no tutuyangon.

MAMPATANOU 8:14

Kaa' baal raginio kalo motopot. Ilai' noyo atan ondo' nasauk ra tana' ti; sanganuan ulun moonsoi ti mangapu ra ukuman ondo' sotopot no apuon ru ulun malaat, am ulun malaat mangapu ra taak ondo' sotopot no inapu ru ulun moonsoi. Baal ragitio niayuk kolondo' onong.

MAMPATANOU 8:16

Paat ra aku nangkinam makaalap ra kapintaran am makarati' ra ngaangai' ondo' masauk ra tana' ti, nalimanan ku kabalu' pana ra itakau kalo mombolong orou am rondom,

MAMPATANOU 8:7

Itakau ngaangai' kalo makapandai ra baal ondo' masauk ra orou rumatong no, am kolondo' sangulun pana mambala' ritakau.

MAMPATANOU 9:6

Katagaman, kasisangan, am kasagaan ru guang nilo galama', ngaangai' no linimiot mabaya' risilo. Ilo kalo boo mangalap ra tayar ralalom atan-atan baal ondo' masauk ra tana' ti.

JISAYA 26:12

Iou Tuhan, pinasauk Mu akai ra langkaya'; ngaangai' naalap maino ampos intor ra nangindanganan Mu ramon.

JIRIMIA 43:6

nakaaya' ungkuyon, ruandu', anak-anak am anak ruandu' ru raja'. Nagibit ilo niayuk ra ngaangai' ulun ondo' pataakon ru panglima Nibujaradan ra alungin ri Gidalia, nakaaya' i Baruk am aku galama'.

SAGULION 33:3

Motogom Tuhan ra ulun Nano; Mangampin Io ra ngaangai' ulun ondo' masauk ra longgom Nano. Ginio sabap ra kumubu takau ra saang Nano, am gumagaya' ra susuban Nano.

2 TIMOTIUS 1:12

Ginio boo puun ru aku maimbolo' ra ngaangai' ti, kaa' kalo lumawo pangintapatan kuno sabap ra naintutunan ku toojo osoi Io ondo' inintopot kuli. Am mangintopot aku toojo ra mampalayun Io ra kandoi ondo' pinalansan Nano raki' i, saboi ra Orou Pupus no.

1 PITRUS 1:5

Sabap ra pangintapatan minti noyo akau maalungan ru kuasa' ri Aki Kapuuno'. Ginio boo ra mokoowot kau boo ra pamayagan ondo' pinatampos noyo kalalair i, kaa' ondo' paintalangon ayuk ra Orou Pupus no.

1 SAMUIL 2:9

“Manindung Io ra kaayagan ru ulun Nano ondo' gumagaya', kaa' ulun malaat mapuso ralalom ru molondom kaga'. Ra kaikangan galama', ulun kalo makasugut.