MAMPATANOU 8:7 - Tanou Moonsoi Timugon

⁷ Itakau ngaangai' kalo makapandai ra baal ondo' masauk ra orou rumatong no, am kolondo' sangulun pana mambala' ritakau.

MAMPATANOU 8:7 ပူးပေါင်းရင်းမြစ်များ

ESTER 5:12

“Naruangan poyo,” rinayus poyo ri Gaman, “Andu' Raja' Ester nangkimait ayuk ra raja' am aku galama' minongoi ra bunsag ondo' binaal nano, am susuab piniau akai poyo koson sumaang ra bunsag.

AMSAL 24:22

ulun koson raginio matutuk ra sangkuliop ayuk. Karaa' noyo karaat ondo' palumpaan ramuyun ri Aki Kapuuno' kapoam raja'!

AMSAL 27:1

Pai' pamanggo atan kasaukan ra susuab, sabap ra kalo poyo natutunan min atan kasaukan no.

AMSAL 29:1

Amon ru sangulun gumaai mokotog guang ra moonong sawayon, sangarawan matutuk io ondo' kalo boo makatapuli'.

MAMPATANOU 10:14

Ulun kalo matanda' mindagu kalo makakai'. Kolondo' sangulun pana makapandai ra baal ondo' masauk ra orou rumatong, am kolondo' sangulun pana mambala' ritakau ra baal ondo' masauk malupus ra itakau matoi.

MAMPATANOU 3:22

Ginio ra, aku nakaliman ra kolondo' ondo' moonsoi kaga' ra tayar ru ulun intor ra sumia' ra ampos ru kandoi nano. Suai raginio kolondo' atan ondo' maalap kabaal. Kalo lair makapandai takau ra ondo' baal masauk malupus ra itakau matoi.

MAMPATANOU 6:12

Atan koson ulun makapandai ra atan ondo' moonsoi kaga' tayar ru kaayagan nilo ondo' mariwa' am kolondo' onong ti – kaayagan ondo' mataki' lumiot koson ra babara'? Atan koson ulun makapandai ra atan ondo' masauk ra tana' ti malupus ra ilo matoi?

MAMPATANOU 7:14

Paat ra okou matasu', pakaansuk no; am paat ra okou makakapaganan, karaa' noyo ra katasuan am kapaganan, karuruo no minatong intor ri Aki Kapuuno'. Ulun kalo makapandai ra atan ondo' masauk ra matong no.

MAMPATANOU 9:1

Lair noyo aku mangkara' ra baal raginio saboi malandom toojo, am napandayan ku ra i Aki Kapuuno' nanguasa' ra ngaangai' binaal ru ulun mapintar am ulun moonsoi, am poyo amon ru ilo motogom am masisang ra ulun. Kolondo' sasangulun pana makapandai ra baal ondo' masauk paat ra orou rumatong.

MAMPATANOU 9:12

Ulun kalo makapandai ra bulintok ratangan ru karaat. Koson ra susuit ondo' nakasulung ra landak, am papait ondo' nakasulung ra ralo, nogondo' ayuk ra ulun ondo' linumpa' ru karaat ondo' kalo napandayan.

MATIUS 24:44

Ginio ra akau pana musiti' tumampos, sabap ra Anak ru Ulun matong paat ra orou kalo guangon min.”

MATIUS 24:50

Tuan ru ulipon ragitio pana muli' boo ra paat kalo kinara' am kalo natutunan nano.