MAMPATANOU 8:17 - Tanou Moonsoi Timugon

¹⁷ itakau kalo niayuk makarati' ra binaal ri Aki Kapuuno'. Kabalu' pana gogot ru guang takau kuminam, kalo niayuk makarati' takau. Ulun ondo' mapintar no mangiou ra makarati' ilo, kaa' sotopot no kalo.

MAMPATANOU 8:17 ပူးပေါင်းရင်းမြစ်များ

AYUP 5:9

Kalo makarati' takau ra binaal maayo ri Aki Kapuuno', am kaimuagan Nano kalo mauntob.

MAZMUR 104:24

Iou Tuhan, masuang kaga' binangun Muno! matuyu' toojo kandoi nambaalan Muno! tana' napanu' ra nansalinut ondo' maayag ra binaal Muno.

MAZMUR 40:5

Pakaansuk kano ulun ondo' mangintopot ra Tuhan, ulun ondo' kalo sumamba ra sinungkalalaing kapoam maya' risilo ondo' sumamba ra dewa.

MAZMUR 73:16

Kinamin ku aratio' babaal raginio, kaa' mapagon ku aration,

MAMPATANOU 1:13

Gumogot aku koson migigila' toojo am mintutun ra atan ayuk binaal ralalom ru tana' ti. Kaayagan ondo' inaru' ri Aki Kapuuno' ra tayar ru ulun ra tana' ti makangiluk kaga'.

MAMPATANOU 11:5

I Aki Kapuuno' nambaal ra ngaangai' no, am ulun kalo makarati' ra binaal Nano koson ra ulun ondo' kalo makarati' ra tuu' ru kaayagan bagu ralalom binunakan ru ina'.

MAMPATANOU 3:11

Io noyo nangaru' ra paat ondo' motopot toojo ra ngaangai' baal. Io niayuk ondo' nangani' ritakau ra kasagaan koson makapandai ra paat orou rumatong, kaa' kalo nangani' Io ra karatian intor ra ngaangai' binaal Nano intor ra talimpuun saboi ra pupus.

MAMPATANOU 7:13

Guango' noyo baal ondo' binaal ri Aki Kapuuno'. Osoi nua' makabanis ra atan ondo' pinandikong ri Aki Kapuuno'?

JISAYA 40:28

Kalo kia nakapandai kou? Kalo poyo kia nokorongog kou? Tuhan iono i Aki Kapuuno' ondo' mantilayun; Io no namangun ra titikop ru tana' ti. Kalo igondo' Io kaagui kapoam boboon. Kolondo' osoi-osoi pana makapandai ra pangkaraan Nano.

ROMA 11:33

Mumpara' boo susuang ru asi' ri Aki Kapuuno'! Mumpara' boo kinatanda' ru kapintaran am kapandayan Nano! Kolondo' sangulun makarati' ra inaru' Nano. Am kolondo' makapandai ra kokondoyon Nano.