MAMPATANOU 8:16 - Tanou Moonsoi Timugon

¹⁶ Paat ra aku nangkinam makaalap ra kapintaran am makarati' ra ngaangai' ondo' masauk ra tana' ti, nalimanan ku kabalu' pana ra itakau kalo mombolong orou am rondom,

MAMPATANOU 8:16 ပူးပေါင်းရင်းမြစ်များ

KASAUKAN 31:40

Masalok aku malasuan ra matawang am masimuan ra rondom, am masalok aku poyo malukou.

MAZMUR 127:2

Banangan ayuk pirot ru kandoi maginakan, mataki' kumarat bulintok tumawang am mombolong ra mampayung rondom, sabap ra ngaangai' no pataakon ru Tuhan no ra ulun ondo' tagamin Nano, ra ilo liliwa' mombolong.

MAMPATANOU 1:13

Gumogot aku koson migigila' toojo am mintutun ra atan ayuk binaal ralalom ru tana' ti. Kaayagan ondo' inaru' ri Aki Kapuuno' ra tayar ru ulun ra tana' ti makangiluk kaga'.

MAMPATANOU 1:14

Nakakito aku no ra ngaangai' binaal ru ulun ra tana' ti, am sotopot no ngaangai' no kolondo' onong koson mangilou ra angin.

MAMPATANOU 1:17

Gumogot aku toojo koson makapandai ra nansasalaan ru katutunan am kabuduan, kapintaran am sasambungon. Kaa' nakito ra aku ti koson mangilou ra angin ayuk.

MAMPATANOU 2:23

Buoi ru bayag nilo, ngaangai' binaal nilai namparatong ra kaimamangan am karualan ru guang. Paat ra rondom ti magalabo toojo guang nilo. Ngaangai' no kolondo' onong!

MAMPATANOU 4:8

Mokoondo' ulun ondo' maayag misangulun ra kolondo' anak kapoam pabukat. Kabalu' pana raginio, kalo lumonggo' io mangandoi. Kalo majala' io ra rapu' ondo' linonggom nano. Mangandoi io ri osoi saboi mingkotog mangandoi am mangimpai ra katasuan? Sala' ka kia ginio kolondo' onong, am rondo' baal ru kaayagan ondo' mangiluk?

MAMPATANOU 5:12

Nakakito aku ra ondo' mampangiluk ra guang ra tana' ti: mokoondo' ulun ondo' nanimung ra ruit koson lutu' paat ra ilo makapakuan.

MAMPATANOU 7:25

Gumogot aku migigila' am maguyum ra kapandayan koson makaalap ra kapintaran am taam ru kinuatan kuli. Kinamin ku aratio' ra kolondo' katandaan no kalaatan am kolondo' guang no tutuyangon.

MAMPATANOU 8:7

Itakau ngaangai' kalo makapandai ra baal ondo' masauk ra orou rumatong no, am kolondo' sangulun pana mambala' ritakau.

MAMPATANOU 8:9

Nakakito aku no ra ngaangai' baal ragitio paat ra aku mangkara' ra ngaangai' baal ondo' nasauk ralalom ru tana' ti. Sampiruo ulun makakuasa', kaa' ulun ru bokon naimbolo' kalalaat ra ragana' ru kuasa' nilo.