MAMPATANOU 8:12 - Tanou Moonsoi Timugon

¹² Kabalu' pana ulun makatula' nambaal ra maatus kalaatan, ilo lakat poyo maayag. Nakapandai aku ra ulun mindagu, “Ulun ondo' gumagaya' ri Aki Kapuuno' maayag ra sabubuoi no,

MAMPATANOU 8:12 ပူးပေါင်းရင်းမြစ်များ

1 RAJA'-RAJA' 21:25

Kolondo' osoi pana ondo' igondo' nambaal ra malaat ra pagilangan ru Tuhan nakasail intor ra Raja' Agab – ngaangai' ru kalaatan no binaal sabap ra nasusuk ru andu' nano i Ijibil.

1 TUNUNG RU BANSA' ISRAIL 16:30

ponontol no ra saang Nano, akau titikop ru tana' ti! Tana' ti piniot am kalo maalap ra uyog.

AYUP 35:15

Pangkaraan muno ra kalo mangukum i Aki Kapuuno', am kalo mampalio Io ra kaanggalan.

MAZMUR 112:1

Omporo' noyo Tuhan! Pakaansuk noyo ulun ondo' mangurumat ra Tuhan, ondo' masaga' gumagaya' ra panusuban Nano.

MAZMUR 115:13

Mambarakat Io ra ngaangai' ulun ondo' mangurumat Riso; ioginio ulun langkaya' kapoam musikin.

MAZMUR 128:2

Ampos ru bagui muno manumbali ra gogoton muno; maansukan kou am lumangkaya'.

MAZMUR 37:11

Ulun ondo' minggana' guang makatungkus ra pagun ti, am makasia' ra kalangkayaan ondo' lumuab-luab.

MAZMUR 96:9

Igulatur no ra saang ru Tuhan bulintok ra Io sumalula'; kalaa' kano ra saang Nano, akau titikop ru tana' ti!

KAINGKUALAN 1:20

Nambarakat i Aki Kapuuno' ra ulun-ulun mampaanak no am nanaak risilo ra papag, sabap ra malaa' ilo ri Aki Kapuuno'. Ulun ru Israil pana riminuang poyo am maikang.

AMSAL 13:21

Kapaganan milou ra ulun makatula, kaa' ulun moonsoi makaapu ra kaansayan.

AMSAL 28:14

Pakaansuk noyo ulun ondo' gumagaya' ra Tuhan, kaa' ulun mokotog ulu iono pusoon.

MAMPATANOU 12:13

Gitio noyo ontoson ragu intor ra ngaangai' no: Uramato' noyo i Aki Kapuuno' am gagaya' no ra ngaangai' susuban Nano, sabap ra ginio noyo kuayan itakau ulun inangun.

MAMPATANOU 3:14

Makapandai aku ra ngaangai' ondo' binaal ri Aki Kapuuno' ti mantilayun. Ulun kalo makapamparuang kapoam mangiruru' raginio. Nambaal i Aki Kapuuno' koon raginio maa' raginio urumaton takau Io.

MAMPATANOU 5:16

Kaayagan takau ralalom ru kalandaman am kangilukan ru guang, pagalabaan, kasangitan, am niayuk karualan.

MAMPATANOU 5:7

Pai' pangimuag amon makakito ra ulun manguasa' mangimbolo' ra ulun musikin am mampagaau ra ngaangai' longgom nilo, am kalo nangani' risilo ra katimpakan. Moonong pagawai inampin ru pagawai maningganai risilo, am karuruo no inampin ru pagawai ondo' masawat poyo intor risilo.

MAMPATANOU 7:15

Kaayagan kutu kolondo' onong, nakakito aku no ra ngaangai'. Sanganuan ulun ondo' moonsoi no matoi kabalu' pana moonsoi ilo. Sanganuan ondo' ulun malaat no maawar painawo kabalu' pana malaat ilo.

MAMPATANOU 7:18

Inggalur no intor ra karuruo baal ra malaat no. Amon ru mangurumat takau ri Aki Kapuuno', maaru' itakau makasugut.

JIRIMIA 44:10

Kaa' saboi orou raiti' lakat kau poyo kalo minggana' guang. Kalo mangurumat kau Raki' kapoam maayag sumugut ra ngaangai' ru ukum ondo' tinaakan Kuli ramuyun am kinamatuaan min.

MATIUS 25:34

Raja' ti boo mindagu ra ulun ra pamiris Nano: ‘Akau ondo' binarakat ru Ama' Kuno, ayan kano ra pamarintaan ondo' inaru' ramuyun intor ra tana' ti biningkal.

LUKAS 1:50

Makaasi' i Aki Kapuuno' ra ulun ondo' mangurumat Riso intor ra rondo' papag suku' ra papag ra bokon.

ROMA 2:5

Kaa' akau mailo raguin am mokotog ulu! Intor raginio mampagaai kau po ra bagat ru ukum min ra Orou Pupus no, ioginio paat i Aki Kapuuno' mampaintalang ra sangit am ukum ondo' mabanis.

ROMA 9:22

Mogondo' niayuk ra atan ondo' binaal ri Aki Kapuuno'. Masaga' Io mampakito ra sangit am kuasa' Nano, kaa' mataan Io risilo ondo' sotopot no sama' sangitin am luuson Nano.

SAGULION 12:25

Amon gumagaya' kau ra ukum raginio, maansayan Tuhan ramuyun, am akau am niayuk papag min makakaansayan.

SAGULION 12:28

Ngaangai' baal ondo' nanusuban ku noyo ramuyun musiti' gagayaan ra matanda'. Ginio ra akau am papag min makakaansayan ra sabuoi-buoi no, sabap ra mambaal kau ra atan ondo' motopot am mapabansuk ra Tuhan i Aki Kapuuno' min.”

SAGULION 4:40

Gagayaa' noyo ngaangai' ukum Nano ondo' pinataak kuno ramuyun ra orou raiti', akau am papag min pana makakaansayan. Magulayun kau mayan ra tana' ondo' tinaakan ramuyun ru Tuhan i Aki Kapuuno' min koson masauk ra longgom min ra sabubuoi no.”

2 PITRUS 2:9

Ngaangai' raginio mampakito ra Tuhan noyo makapandai atan koson mamayag ra ulun ondo' mampakatasu' Riso paat ra ilo makatuum ra pangkinaman. Mangaru' Io niayuk ra kalo labusin ulun malaat no maa' raginio ukumin ra Orou Pangakiman ra tauli no;