MAMPATANOU 7:8 - Tanou Moonsoi Timugon

⁸ Pupus ru rorondo' baal moonsoi poyo intor ra talimpuun nano. Tumaan guang moonsoi poyo intor ra masawat guang.

MAMPATANOU 7:8 ပူးပေါင်းရင်းမြစ်များ

AMSAL 13:10

Limbau magibit ra kapaganan; ulun mapintar mangapu ra pangilaan.

AMSAL 14:29

Ulun ra kalinuos ayuk iono mapintar, kaa' ulun ra mataki' sumangit iono sasambungon.

AMSAL 15:18

Ulun mataki' sumangit mapalabui ra pansangaran, kaa' ulun ra mosorot guang maparatong ra pababansayan.

AMSAL 16:32

Moonsoi poyo oroton guang ka mangunguasa'. Moonsoi poyo matutunan ru ulun mongorot ra guang ka manguasa' ra titikop ru bandar.

AMSAL 28:25

Paliso ra mangangkum maparatong ra kapaganan. Osoi sumingkayut ra Tuhan iono makakaansukan.

MAMPATANOU 7:1

Inggalan moonsoi maamis poyo owou intor ra umau maamis owou ondo' mologo, am moonsoi poyo orou ru patayan intor ra orou naganakan.

LUKAS 16:25

Kaa' taam i Abragam, ‘Aki, karaa', paat ra okou naayag inanian kou ra ngaangai' ondo' moonsoi, am i Lajarus nakaalap ra ngaangai' ondo' malaat. Kaa' raino makaansuk i Lajarus ragiti, am okou maimbolo' toojo.

LUKAS 21:19

Musiti' kau mokoorot am mokoowot kau boo ra kaayagan motopot.”

GALATIA 5:22

Kaa' gitio noyo ampos amon ru ulun tingganayon ru Ambiluo ri Aki Kapuuno': montotogom ilo, maansukan, maayag ra rondo' guang ra rondo' am bokon, mataan guang, masaga' mangindangan, moonsoi guang, mampagagaya',

IPISUS 4:2

Paingganaa' noyo guang min, kolomoi am kasalok kano mataan guang. Pakitono' noyo kinotogom min ra mangindangan kau ra rondo' am bokon.

IBRANI 10:36

Musiti' pantataan ayuk guang min, maa' raginio makapampagagaya' kau ra kasagaan ri Aki Kapuuno' am makaalap kau ra atan ondo' binantu' Nali.

JAKUBUS 5:11

Ilo no piawon takau ra ulun makaansuk sabap ra kinataan ru guang nilai i. Norongog min noyo ati kulaan guang pantataan ri Ayup, am nakapandai kano pupus ru inatang ru Tuhan koson riso. Sabap ra Tuhan no maluoi makaasi' am maayo toojo guang.

JAKUBUS 5:8

Moonsoi ru akau pana mataan am pai' kano kalawo guang, sabap ra orou ratangan saguli' ru Tuhan mamaar noyo.

1 PITRUS 1:13

Sabap ra ngaangai' ondo' binaal ri Aki Kapuuno' no ramuyun, kasalok pororoo' pangkaraan min. Pagilalai' min noyo am poyo lansan kano toojo ra kataawan ri Aki Kapuuno' ramuyun paat ra papaintalangan ri Jisus Kristus.