MAMPATANOU 7:26 - Tanou Moonsoi Timugon

²⁶ Nakapandai aku no ra baal ragitio mapait poyo intor ra kapatayan: Guang lumaai ru ruandu' koson ra ralo kapoam landak ondo' nakatampos mamparakop ra ondo' rokopon nano. Ganggol nano koson ra bangkil ondo' nakabangkil ra naigot. Ulun ondo' nambaal ra kasagaan ri Aki Kapuuno' makalabus, kaa' ulun makatula rokopon.

MAMPATANOU 7:26 ပူးပေါင်းရင်းမြစ်များ

AMSAL 22:14

Pangambian ru ruandu' mantalan ra inan koson ra luang malandom: ulun ondo' sangitin ru Tuhan maratu' ra ralalom no.

MAMPATANOU 2:26

Nangani' i Aki Kapuuno' ra kapintaran, katutunan am kaansukan ru ulun ondo' napabansuk Riso. Kaa' ulun makatula sinusub No mangandoi maguyum ra rapu' am mangumung ra ampos, am pupus no ngaangai' no pataakin ra ulun ondo' mapabansuk ra guang ri Aki Kapuuno'. Ngaangai' no kolondo' onong, koson mangilou ra angin.

AMSAL 2:16

Marara' kau gumagaya' ra pagambian ru ruandu' mantalan ra inan ondo' gumogot koson mangalap ra guang am mantaligamis ramuyun.

AMSAL 9:18

Ulun ondo' nakatibusu minumpos ra baloi nano kalo nakapandai ra ilo matoi ra giu' no am ilo ondo' minumpos ra baloi nano, raino giu' ra pagun ru ulun minatoi.

KAINGKUALAN 10:7

Indagu pagawai no ra raja', “Kula' poyo buoi ru ulun no mantipagon ritakau? Polosoon noyo ulun ru Israil no mugar maa' raginio makasambayang ilo ra Tuhan i Aki Kapuuno' nilo. Ilai' noyo, jajajou ayuk boo pagun takau ti!”

AMSAL 6:23

Panuluan nilono koson ra sisilau ondo' mapaang, am pansawayan nilono manulu' ra ralan kaayagan ondo' moonsoi ramuyun.

AMSAL 6:24

Ginio noyo ralan ra akau painggaluron intor ra ruandu' lumapau am intor ra taligamis ru andu' ru ulun bokon.

MAMPATANOU 7:27

Ilai' noyo, ragu ri Ulun Mangkara': Nakapandai aku no ra baal raginio sanganu ka sanganu koson maguyum aku ra taam nano.

KASAUKAN 19:35

Ginio ra paat rondom raginio, gauko' nilo i Lot, am rulug boo anak karuo no, kaa' nagauk kaga' i Lot saboi kalo nakaliman io ra atan binaal nano.

KASAUKAN 39:9

Kuasa' kuno ra baloi ti mogondo' ra kuasa' nano, am kolondo' rondo' pana kalo pinasalingapuan raki' ondo' ayuk am okou ti. Ati koson kuno mambaal ra kalaatan raginio am makatula ri Aki Kapuuno'?”