MAMPATANOU 7:2 - Tanou Moonsoi Timugon

² Moonsoi poyo mongoi pagilong ra sambaloi ondo' mangulir intor ra sambaloi ondo' makabunsag, sabap ulun maayag musiti' mangkara' ra patayan ondo' masalok maginaa ritakau ngai'.

MAMPATANOU 7:2 ပူးပေါင်းရင်းမြစ်များ

MAZMUR 90:12

Palimano' akai no mapara' piboo kinariwa' ru umur mai, maa' raginio masauk akai ra ulun mapintar.

MAMPATANOU 2:14

Ulun mapintar makapandai ra intok ondo' angayan nilo, am ulun kalo matanda' kalo makapandai ra ati rondo' ralan ugaran nilo.” Kaa' nakapandai aku niayuk ra pupus nilono ngaangai' no nogondo'!

MAMPATANOU 2:16

Kolondo' sangulun pana mangkara' ra ulun mapintar, kapoam ulun kolondo' katandaan. Ilo ngaangai' lilianin paat ra orou rumatong. Ngaangai' ulun musiti' matoi, ulun ondo' mapintar am niayuk ondo' kolondo' katandaan.

MAMPATANOU 3:19

Sala' ka kia ulun am bibiag no nogondo' ayuk nasip nilo? Karuruo no ondo' naayag am mapandai matoi. Ulun kalo niayuk moonsoi poyo intor ra bibiag, sabap karuruo no maayag am kolondo' onong.

MAMPATANOU 3:20

Karuruo no sumaguli' ra intok nogondo' – ralalom ru tana'. Karuruo no intor ra tana' am sumaguli' niayuk ra tana'.

MAMPATANOU 6:6

Baal raginio moonsoi poyo intor ra ulun ondo' maayag ruo ngaribu ngambilor kaa' kalo igondo' nakasia' ra kaayagan, sabap karuruo no mongoi ra intok nogondo'.

MAMPATANOU 9:2

Topot nogondo' ayuk nasip ru ngaangai' ulun! Nasip ru ulun mabanis guang am malaat nogondo' ayuk, kabalu' pana ulun moonsoi am malaat, ulun ondo' mapasau am poyo majamol, ulun ondo' nampataak ra taak simbalui am poyo ulun ondo' kalo nampataak ra taak simbalui. Ulun moonsoi kalo niayuk moonsoi poyo kaayagan nilo intor ra ulun makatula', am ulun ondo' nagibot kalo moonsoi poyo kaayagan intor ra ulun ondo' kalo magibot.

MAMPATANOU 9:3

Nasip ru ngaangai' ulun nogondo' am baal raginio kalo motopot, koson ra ngaangai' baal ru bokon ralalom ru tana' ti. Buoi ra kaayagan ru ulun, guang nilo napanu' ra kalaatan am kolondo' katandaan, am pulali' ayuk boo matoi.

MAMPATANOU 9:5

Ulun ondo' lakat poyo maayag makapandai ra matoi ilo, kaa' ulun ondo' minatoi noyo kalo makapandai ra atan-atan pana. Kalo boo makaalap ilo ra gaji', am lilianin ilo ru ulun.

JISAYA 47:7

Indoson muno mantilayun kou masauk ra ralaa mantalur, am kalo makatutun kapoam mangkara' ra pupus no.

JIRIMIA 16:8

Pai' umpos ra baloi ru ulun ondo' munsag ra maayo. Pai' panturung am mangakan manginum mabaya' risilo.

AGAI 1:5

Ilai' noyo atan ondo' nasauk ramuyun!

MALIAKI 2:2

Musiti' kau mangurumat Raki' ra binaal min. Amon ru marara' kau rumongog ra ragu Kuno, ulason Takamin. Ulason Ku ngaangai' ondo' apuon min koson ra barakat. Sotopot no, inulas Ku noyo ngaangai' no sabap ra kalo lioon min susuban Kuno.

UNTABAN 23:10

Papag ru Israil koson ra kaau kalo mauntob; masuang ilo kaga'. Gama' ru pupus ru bayag kuno koson ra pupus ru bayag ru sangulun ra ulun ri Aki Kapuuno'; Gama' ru matoi aku ra mamimio koson ra ulun mabanis guang.”

MATIUS 5:4

Pakaansuk noyo ulun ondo' manulaboi, sabap ra bansukon ilo ri Aki Kapuuno'.

SAGULION 32:29

Kalo nakapandai ilo kua kinala ilo, kalo makarati' ilo ra atan ondo' nasauk noyo.

SAGULION 32:46

indagu io, “Musiti' kau gumagaya' ra ngaangai' susuban ondo' taakin kuno ramuyun ra orou raiti'. Balai' anak-anak min ra ngaangai' no, maa' raginio gumagaya' ilo toojo ra ngaangai' pangilaan ri Aki Kapuuno'.

PILIPI 3:19

Kaa' pupus no ilo ti poongoyon ak ra naraka, sabap ra kasagaan ru guang nilo galama' ti noyo ondo' alapon nilo koson ra tuhan nilai. Mongompor ilo toojo ra baal nilai ondo' sotopot no makauyuyu' am mangkara' ilo ayuk ra atan ondo' guangon ru ulun ru tana' ti.

IBRANI 9:27

Inaru' noyo ri Aki Kapuuno' ra igondo' ayuk ulun matoi am mopongo raginio akimin No.