MAMPATANOU 7:14 - Tanou Moonsoi Timugon

¹⁴ Paat ra okou matasu', pakaansuk no; am paat ra okou makakapaganan, karaa' noyo ra katasuan am kapaganan, karuruo no minatong intor ri Aki Kapuuno'. Ulun kalo makapandai ra atan ondo' masauk ra matong no.

MAMPATANOU 7:14 ပူးပေါင်းရင်းမြစ်များ

1 RAJA'-RAJA' 8:47

rongogo' noyo ulun Muno. Amon ru tumalikur ilo intor ra tula am makiasi' Rirun ra pagun no, am niayuk mangiou ra makatula ilo am mambaal ra malaat, rongogo' noyo pakiasian nilo, iou Tuhan.

AYUP 2:10

Taam i Ayup, “Okou mindagu koson ra ulun sasambungon. Paat ri Aki Kapuuno' nangani' ra ondo' moonsoi, inapu takau. Itakau niayuk musiti' mangapu ra ondo' kalo moonsoi.” Kabalu' pana naimbolo' i Ayup, kalo mindagu io ra ragu-ragu ondo' manggal ri Aki Kapuuno'.

MAZMUR 119:71

Moonsoi noyo ra Okou mangukum raki', maa' raginio makarati' aku ra panusuban Muno.

MAZMUR 40:3

Binunduk No aku intor ra luang ondo' makalalaa', intor ra luogon molosok. Pinatampak No aku ra batu saboi tumpang kuno maikang.

MAMPATANOU 10:14

Ulun kalo matanda' mindagu kalo makakai'. Kolondo' sangulun pana makapandai ra baal ondo' masauk ra orou rumatong, am kolondo' sangulun pana mambala' ritakau ra baal ondo' masauk malupus ra itakau matoi.

MAMPATANOU 11:9

Ulun mamulok kau ngai', sia' no ra paat mamulok mino. Pakaansuk no paat ra akau lakat poyo mamulok. Baalo' noyo kasagaan min, am baya' no ra kasagaan ru guang min. Kaa' karaa' noyo ra ngaangai' binaal min akimin ri Aki Kapuuno'.

MAMPATANOU 12:13

Gitio noyo ontoson ragu intor ra ngaangai' no: Uramato' noyo i Aki Kapuuno' am gagaya' no ra ngaangai' susuban Nano, sabap ra ginio noyo kuayan itakau ulun inangun.

MAMPATANOU 12:8

Ngaangai' no kolondo' onong, kon ri Ulun Mangkara'.

MAMPATANOU 3:22

Ginio ra, aku nakaliman ra kolondo' ondo' moonsoi kaga' ra tayar ru ulun intor ra sumia' ra ampos ru kandoi nano. Suai raginio kolondo' atan ondo' maalap kabaal. Kalo lair makapandai takau ra ondo' baal masauk malupus ra itakau matoi.

MAMPATANOU 3:4

Io nangaru' ra paat koson mantangi' am paat ra makakurit, paat ra mangulir am paat ra lumigo',

MAMPATANOU 5:17

Pamatasan kuno koson ragitio: moonsoi ulun mangakan, manginum, am sumia' ra ampos ru kandoi nilo ralalom ru kaayagan mariwa' ondo' tinaakan ri Aki Kapuuno'. Ginio noyo nasip ru ulun.

MAMPATANOU 8:7

Itakau ngaangai' kalo makapandai ra baal ondo' masauk ra orou rumatong no, am kolondo' sangulun pana mambala' ritakau.

MAMPATANOU 9:7

Pangakan no, panginum no, am pakaansuk no! Panginum no ra wain am pakaansuk no; kalo manginggalar i Aki Kapuuno'.

JISAYA 26:11

Pantula' Muno kalo makapandai ra Okou mangukum risilo. Iou Tuhan, tauyuo' ilo, am polosoo' ilo maimbolo'. Polosoo' noyo ilo maantungan ru ukuman ondo' pinatampos Muno risilo. Polosoo' noyo ilo makakito ra mapara' piboo gayo ru katagaman Muno tayar ru ulun Muno.

JISAYA 42:25

Ginio ra pinoloso No itakau mampaliman ra sangit Nano, am maimbolo' ra kalaatan ru pangayawan. Koson ra apui, sangit Nano monolob ra titikop ru Israil, kaa' kalo maratian takau atan ondo' nasauk no; kalo migigila' takau intor ra nailian no.

JIRIMIA 23:20

Sangit Nano kalo luminos ra kalo poyo ngaangai' inatangan Nano masugut. Paat ra orou tauli no, ulun ru Tuhan makarati' ra baal raginio ra totopot.”

SULABOI 3:38

Baal moonsoi am malaat masauk ra susuban ru Tuhan ayuk.

MIKA 6:9

Mapintar noyo ulun ondo' malaa' ra Tuhan. Mampiau Tuhan ra mamagun ru bandar, “Rongogo' noyo, akau ondo' timinimung ra bandar.

MATIUS 9:13

Uyumo' min noyo atan arati' tinulisan ra Buuk Kitab ti: ‘Marara' Aku ra taak simbalui min kaa' masaga' Aku ra makaasi' kau ra ulun bokon.’ Aku minatong sala' ka mampiau ra ulun ondo' moonsoi rokokoon, kaa' mampiau ra ulun ondo' karaan ra malaat.”

RINALATAN 14:22

Nampaikang ilo ra ulun-ulun nangintopot am nangkimait risilo koson marayus mangintopot ri Jisus. “Masuang kapaganan matuum takau galing maa' raginio makaili' takau Pamarintaan ri Aki Kapuuno',” nangilaan nilo.

SAGULION 26:11

Paringkuanang noyo ra tayar ru ngaangai' akanon ondo' tinaakan ramuyun am sasambaloi min ru Tuhan i Aki Kapuuno' min. Kimaiti' noyo ulun ru bansa' ru Liwi am ulun bansa' ru bokon ondo' minayan ra gino ngai' min maya' ra pangiantakan no.

SAGULION 28:47

Tuhan i Aki Kapuuno' min nambarakat noyo ramuyun ralalom ru ngaangai' baal, kaa' kalo mangandoi kau Riso ra guang masaga' am maansukan.

SAGULION 8:3

Nopoloso Io ramuyun maitilan am nanaak ramuyun ra manna, iono rondo' salinut ru akanon ondo' kalo igondo' kau pangakan kapoam kinamatuaan mini. Nambaal Io raginio koson nangila' ramuyun ra ulun kalo maayag ra ruti' ayuk, kaa' ra moonong ragu ru Tuhan.

SAGULION 8:5

Karaa' noyo Tuhan i Aki Kapuuno' min nansawai ramuyun nogondo' koson ra sangulun ama' nansawai ra anak-anak nano.

JAKUBUS 5:13

Amon ru mokoondo' intor ramuyun makakapaganan, moonsoi ru makiasi' io. Am osoi ayuk maansukan, moonsoi marimbai io mongompor ri Aki Kapuuno'.