MAMPATANOU 7:13 - Tanou Moonsoi Timugon

¹³ Guango' noyo baal ondo' binaal ri Aki Kapuuno'. Osoi nua' makabanis ra atan ondo' pinandikong ri Aki Kapuuno'?

MAMPATANOU 7:13 ပူးပေါင်းရင်းမြစ်များ

AYUP 11:10

Amon ru i Aki Kapuuno' mamparakop am mangakim rirun, osoi kia makapanginga' Riso?

AYUP 12:14

Atan ondo' ginaba' ri Aki Kapuuno' kalo boo mabaal saguli'; ulun ondo' inaput ri Aki Kapuuno' kalo boo makalabus saguli'.

AYUP 34:29

Amon ru mamatas i Aki Kapuuno' koson ra mongkoror ayuk, kolondo' osoi pana mokololob Riso. Amon ru pasibunion No bulos Nano, kolondo' osoi pana makatuum Riso.

AYUP 37:14

Okou Ayup, pongkoror no, am rongog no, urioo' toojo baal-baal maayo ondo' binaal ri Aki Kapuuno'.

AYUP 9:12

Inalap No atan ondo' kasagaan Nano, am kolondo' osoi pana makapanginga' Riso; kolondo' osoi pana baani mangkuot Riso, “Atan baalon Muno?”

MAZMUR 107:43

Gama' ru ulun mapintar mangkara' ra baal raginio, gama' ru karaan nilo togom ru Tuhan.

MAZMUR 8:3

rinimbai ru ngaangai' lalaing am lalagang. Karajaan Muno mapanggol kalo mauyog koson mamuso ra ngaangai' pantula' Muno.

MAMPATANOU 1:15

Ondo' napikong i kalo maalap banison; ati kolondo' i kalo mauntob.

MAMPATANOU 3:11

Io noyo nangaru' ra paat ondo' motopot toojo ra ngaangai' baal. Io niayuk ondo' nangani' ritakau ra kasagaan koson makapandai ra paat orou rumatong, kaa' kalo nangani' Io ra karatian intor ra ngaangai' binaal Nano intor ra talimpuun saboi ra pupus.

MAMPATANOU 8:17

itakau kalo niayuk makarati' ra binaal ri Aki Kapuuno'. Kabalu' pana gogot ru guang takau kuminam, kalo niayuk makarati' takau. Ulun ondo' mapintar no mangiou ra makarati' ilo, kaa' sotopot no kalo.

JISAYA 14:27

Tuhan Ondo' Maayo Kaga' Kuasa' namatas noyo mambaal koson raginio. Mangukum Io risilo, am kolondo' sangulun pana makapanginga' Riso.

JISAYA 43:13

Aku noyo i Aki Kapuuno', am Aku ti ayuk i Aki Kapuuno' ra mantilayun. Kolondo' sangulun pana makalabus intor ra kuasa' Kuno; kolondo' osoi-osoi pana makapanginga' Raki' ra mamatas.”

JISAYA 5:12

Ralalom nasuangan pangiantakan mangkuli kau ra jitor, gambus, tamburing, am tulali, am niayuk manginum ra wain, kaa' kalo mapandayan min atan tatanga' baalon ru Tuhan raino ti.

DANIL 4:35

Ulun ra tana' ti kolondo' arati' Riso; malaikat giu' ra suruga' am ulun ra tana' ti, ngaangai' ragana' ru kuasa' Nano. Kolondo' osoi pana makaanggal ra kasagaan Nano, kapoam mangkuot ra binaal Nano.

LUKAS 12:26

Amon ru kolondo' kuasa' min mambaal raginio, kua pagalabo kau ra baal ra bokon?

ROMA 9:15

Indagu i Aki Kapuuno' ri Musa, “Mambarakat Aku ra osoi ayuk pilion Kuno, am makaasi' Aku ra osoi ayuk kasagaan Kuno.”

ROMA 9:19

Raino makamangkuot lair raki', “Amon ru koson ragino kua guat lakat ayuk poyo mampasala i Aki Kapuuno' ra ulun? Sabap ra kolondo' sangulun pana makaanggal ra kasagaan ri Aki Kapuuno'.”

IPISUS 1:11

Intor poyo ra talimpuun i pinili' takano ri Aki Kapuuno' masauk ra ulun mangintopot riso ralalom pasimpungan takau ri Kristus. Ngaangai' no baalon sumugut ra inatang am inaru' ri Aki Kapuuno'.