MAMPATANOU 7:12 - Tanou Moonsoi Timugon

¹² am nanampilon koson ra ruit. Pakaansuk noyo ulun ondo' nakapandai ra kapintaran no manindung ra ulun nompolonggom no.

MAMPATANOU 7:12 ပူးပေါင်းရင်းမြစ်များ

AYUP 1:10

Masalok Kou manindung riso am sasambaloi nano am ngaangai' longgom nano. Suguton Mu ngaangai' kandoi piroton nano, am mangani' Kou riso ra masuang bibiag tinambiag saboi namapak ra titikop ru pagun.

MAZMUR 57:1

Ra tingganai santimungan maririmbai. Sumugut ra rimbai: Pai' pusoo'. Mazmur ri Daut, bulintok ra io nansibuni ra luang ru batu koson manuliar ra Raja' Saul.

AMSAL 11:4

Kolondo' onong ru linangkaya' ru ulun no bulintok tumingkuang ra kapatayan, kaa' kabanisan ru guang mamayag ra ulun.

AMSAL 14:20

Ulun musikin kalo kasagain mulu' ra paginggaar nilo galama', kaa' ulun langkaya' masuang rangan.

AMSAL 2:11

Karatian am kapintaran muno mangampin rirun,

AMSAL 2:7

Manaak Io ra pangindanganan am panindungan ra ulun ondo' mabanis guang.

AMSAL 3:18

Ulun ondo' masauk mapintar pamalimanan nano makaansuk, am makaalap ra kaayagan motopot.

AMSAL 8:35

Osoi ondo' makatuum raki' makaalap io ra kaayagan, am Tuhan mangiou riso.

AMSAL 9:11

Mapintar mapakaawar ra umur muno.

MAMPATANOU 10:19

Bunsag mapabansuk ra guang min, wain pana mampakurit ramuyun, kaa' karuruo no kalo maalap min amon ru kolondo' ruit.

MAMPATANOU 2:13

Nakapandai aku no, “Kapintaran moonsoi poyo intor ra kolondo' katandaan, koson ru sinda moonsoi poyo intor ra kalandaman.

MAMPATANOU 7:19

Kapintaran mampasauk ra nopolonggom nano maikang poyo intor ra mopor ngaulun panguasa' ralalom ru rondo' bandar.

MAMPATANOU 9:16

Buoi ti naragu ku noyo ra kapintaran moonsoi poyo intor ra kaikangan, kaa' kapintaran ru ulun musikin asabin. Ragu ru ulun musikin kalo linio.

MAMPATANOU 9:18

Kapintaran moonsoi poyo intor ra kinandoi pangayawan, kaa' sangulun makatula nampalunsai ra masuang baal ondo' moonsoi.

JISAYA 30:2

Makiindangan ilo ra Misir kabalu' pana kalo iniou Ku. Sumindung ilo ra ragana' ru pamarintaan ru Misir. Ginio ra, lumansan ilo ra pangampinan ru raja' ru Misir.

JISAYA 32:2

Ilo koson ra intok sindungan intor ra angin am bagiu'. Koson ilo ra sungoi-sungoi ondo' tumilis ra tana' kaagisan, koson ra nasindungan ru batu maayo giu' ra tana' mapua'.

JISAYA 33:6

am manaak ra kaansayan ra ulun Nano. Magail Io manindung ra ulun Nano, am niayuk manaak risilo ra kapintaran am kapandayan. Rapu' nilo ra mokologo ioginio urumat am malaa' ra Tuhan.

JUANIS 12:50

Nakapandai Aku no ra panusuban Nano mangani' ra kaayagan mantilayun. Ginio ra posoboyon Kuno atan ondo' pinabala' ri Ama' no Raki'.”

JUANIS 17:3

Gitio noyo kaayagan motopot am mantilayun; ra makaulig ilo Rirun, i Aki Kapuuno' ondo' motopot, am poyo i Jisus Kristus ondo' sinusub Mutu.

SAGULION 32:47

Pangilaan ti sala' ka ragu ra kolondo' onong, kaa' pangilaan ti noyo painawo min. Gagayaa' noyo ngaangai' no maa' raginio maawar umur min giu' ra tana' ra sandaup ru Sungoi Jordan, tana' ondo' mataki' min ayanin.”

PILIPI 3:8

Am sala' ka ginio ayuk. Kaa' sotopot no ngaangai' karaan ku koson ra kolondo' boo onong sabap ra kalo noyo mokopogondo' ra ati kulaan kinologo ru intutun kuno koson ri Kristus, Tuhan kuno. Ngaangai' no tinatang ku noyo sabap ra Io, am karaan ku ginio koson ra ginsamol ayuk, maa' raginio mulu' piboo aku makaintutun ri Kristus am makasimpung Riso.

TINGGANAI RU BANSA' 9:15

Taam bulungkut makaruui no, ‘Amon totopot guang min masaga' ra masauk aku ra raja' min, ibok no sindung ra saau kutu. Kaa' amon ru kalo, mingkual apui intor ra pango-pango kuno ondo' makaruui am monolob ra ngaangai' puun sidar giu' ra Libanon.’ ”