MAMPATANOU 7:1 - Tanou Moonsoi Timugon

¹ Inggalan moonsoi maamis poyo owou intor ra umau maamis owou ondo' mologo, am moonsoi poyo orou ru patayan intor ra orou naganakan.

MAMPATANOU 7:1 ပူးပေါင်းရင်းမြစ်များ

AYUP 3:17

Giu' ra ralalom ru lobong, ulun malaat lumonggo' mambaal ra malaat, am ulun mangngandoi ondo' naagui mapaabus ra bagui.

MAZMUR 133:2

Ginio koson ra umau maamis owou ondo' mologo ondo' pinasasar ra ulu ri Arun, am tumilis ra liog ru sukub nano.

AMSAL 15:30

Bulos ra maansukan mapabansuk ra guang, am tanou ra moonsoi makaansuk ra guang.

AMSAL 22:1

Inggalan ra moonsoi mokologo poyo ka rapu' ra masuang; tagamin ru ulun moonsoi poyo ka aniin ra pirok kapoam mas.

AMSAL 25:10

Amon ru pabalaan min inopot ru sasangulun, karaan kau ra lawasan kabang, am inggalan mino malaat buoi ru painawo.

AMSAL 27:9

Umau ra maamis owou makaansuk ra guang, kaa' kapaganan makaimamang.

MAMPATANOU 10:1

Baangkai ru bulongor nampalaat ra sambutul umau maamis owou, koson raginio niayuk ra kalo matanda' koborok ondo' makairu' ra kapintaran masawat kaga'.

MAMPATANOU 4:2

Mapara' piboo bansuk ru ulun ondo' minatoi; baal nilo moonsoi poyo intor ra ulun ondo' lakat poyo maayag.

MAMPATANOU 7:8

Pupus ru rorondo' baal moonsoi poyo intor ra talimpuun nano. Tumaan guang moonsoi poyo intor ra masawat guang.

RIMBAI PANGAMPARAN 1:3

Maamis kaga' owou muno, inggalan muno koson ra umau maamis owou ondo' pinabuur. Ginio ra ralaa-ralaa malaai rirun.

RIMBAI PANGAMPARAN 4:10

Laai muno mapabansuk raki', alii ra ambai am uoton kuno. Laai muno moonsoi poyo ka wain, umau maamis owou muno maamis poyo ka ngaangai' apa' pampagamis ra akanon.

JISAYA 56:5

inggalan muno pana karaan ra ralalom ru Baloi Kuno am ginio ngai' ru bansa' Kuno. Ginio moonsoi poyo ka makaanak ra ungkuyon am ruandu'. Inggalanin Takamin ra mantilayun ondo' kalo lilianin.”

JUNUS 4:3

Raino, iou Tuhan, polosoo' noyo aku matoi ayuk, sabap ra moonsoi poyo matoi aku ka maayag.”

LUKAS 10:20

Kaa' kabalu' pana koson raginio, pai' kau pakaansuk sabap ra riwato-riwato gumagaya' ramuyun, kaa' pakaansuk kano sabap ra inggalan mino tinulisan noyo ra suruga'.”

JUANIS 13:2

Nagagakan i Jisus am maamaya' Nano, am Tingganai ru riwato no minindagu ra guang ri Judas, anak ri Simon Iskariot, koson mampataak ri Jisus ra pantula' Nano.

2 KORINTUS 5:1

Makapandai akai ra amon ru inayanan takau ra tana' ti pusoon boo, ioginio inan takau, makaayanan takau niayuk ra suruga'. Am ayanan raginio mantilayun ondo' binaal ri Aki Kapuuno' galama' am sala' ka ulun.

2 KORINTUS 5:8

Ginio nai ra kalo malaa' akai am masaga' akai niayuk manatang ra inan ti, maa' raginio makapasimpung akai ra Tuhan.

IBRANI 11:2

Sabap ra intor ra pangintapatan noyo kinamatuaan takali iniou ri Aki Kapuuno'.

IBRANI 11:39

Mumpara' boo gayo ru pangintapatan nilai ngaangai', kaa' kabalu' raginio, i Aki Kapuuno' kalo nangani' risilo ra atan ondo' binantu' Nali,

PINAINTALANG 14:13

Korongog ku boo bolos intor ra limbowon mindagu, “Tulisi' noyo gitio: Pakaansuk noyo ilo ondo' intor raino matoi sabap ra mampaugar ra kandoi ru Tuhan.” Taam Ambiluo ri Aki Kapuuno', “Motopot. Ilo ti patanguson intor ra kaimbalaan, am aniin ilo ra ampos sabap ra kandoi nilono ra Tuhan.”

RUT 3:14

Nombolong i Rut ra tupakon ri Boas, kaa' suabon no, nakarat i Rut ra lakat poyo molondom. Marara' io makito ru ulun, sabap marara' i Boas mapandayan ru ulun ra soroi i Rut ra giu'.