MAMPATANOU 6:9 - Tanou Moonsoi Timugon

⁹ Ngaangai' no kolondo' onong koson kandoi mangilou ra angin. Moonsoi poyo maringkuanang kou ra atan ondo' soroi rirun intor ra masalok kou gumogot ra atan ondo' kolondo' rirun.

MAMPATANOU 6:9 ပူးပေါင်းရင်းမြစ်များ

AYUP 31:7

Amon liminisang aku intor ra ralan ondo' motopot, kapoam guang kuno nabunduk ra baal ondo' malaat, amon ru kalindu' kuno majamol sabap ra tula,

MAMPATANOU 1:14

Nakakito aku no ra ngaangai' binaal ru ulun ra tana' ti, am sotopot no ngaangai' no kolondo' onong koson mangilou ra angin.

MAMPATANOU 1:17

Gumogot aku toojo koson makapandai ra nansasalaan ru katutunan am kabuduan, kapintaran am sasambungon. Kaa' nakito ra aku ti koson mangilou ra angin ayuk.

MAMPATANOU 1:2

Ngaangai' kolondo' onong am kolondo' ampos, kon ru Ulun Mangkara'. Kaayagan no kolondo' onong, ngaangai' kolondo' ampos.

MAMPATANOU 11:9

Ulun mamulok kau ngai', sia' no ra paat mamulok mino. Pakaansuk no paat ra akau lakat poyo mamulok. Baalo' noyo kasagaan min, am baya' no ra kasagaan ru guang min. Kaa' karaa' noyo ra ngaangai' binaal min akimin ri Aki Kapuuno'.

MAMPATANOU 2:11

Kopongo raginio karaan kuno ra ngaangai' ondo' binaal kuli, am mapara' boo kinaikang kuno nambaal raginio. Nalimanan ku boo ra ngaangai' kolondo' arati' nano. Binaal kuno kolondo' onong koson mangilou ra angin.

MAMPATANOU 4:4

Nakapandai aku niayuk ra ulun gumogot toojo mangandoi; sabap ra ilo mangusolon amon makakito ra sambalayan nilo. Kaa ginio ngai' kolondo' onong. Paliso raginio koson ra ulun ondo' mangilou ra angin.

MAMPATANOU 5:18

Amon ru nangani' i Aki Kapuuno' ra ulun ra rapu' am kalangkayaan, am mangiou risilo sumia' ra kalangkayaan no, ilo musiti' maringkuanang am sumia' ra ampos ru kandoi nilo. Ginio niayuk tinaakan ri Aki Kapuuno'.

MAMPATANOU 6:2

Nangani' i Aki Kapuuno' ra ulun ra rapu', kalangkayaan am urumat – atan ayuk ondo' gogoton nilo, kaa' kalo mangiou i Aki Kapuuno' risilo sumia' ra ngaangai' tinaakan no. Kaa', ulun ondo' kalo nauligan makasia' ra kalangkayaan raginio. Ngaangai' no kolondo' onong am kalo matimpok.

JIRIMIA 2:20

Indagu Tuhan Raja', “Alii ra Israil, intor ragili marara' kou mangandoi ayuk Raki'; marara' kou gumagaya' Raki' kapoam sumamba Raki'. Giu' ra rasawat ru moonong bulur ondo' masawat am giu' ra saau ru moonong puun tataun masansam, sumamba kou ra dewa-dewa ru kalabungan.