MAMPATANOU 6:8 - Tanou Moonsoi Timugon

⁸ Atan nua' mauli' ra ulun mapintar amon pogondoon ra ulun kolondo' katutunan? Atan nua' onong ru ulun musikin ondo' makapaliso moonsoi ra tatanga' ru ulun?

MAMPATANOU 6:8 ပူးပေါင်းရင်းမြစ်များ

KASAUKAN 17:1

Paat umur ri Abram siam ngoopor am siam ngambilor, minintalang Tuhan riso am indagu, “Aku noyo i Aki Kapuuno' Ondo' Maayo Kaga' Kuasa'. Gagaya' no Raki' am kasalok no mambaal ra kasagaan Kuno.

MAZMUR 101:2

Kalo sabain ku paliso kuno makaruruko. Sanggilan poyo ratangan Muno raki'? Giu' ra baloi kuno kaayagan kuno matulai;

MAZMUR 116:9

Aku pana maayag ra tana' ti, ralalom panindungan ru Tuhan.

AMSAL 19:1

Moonsoi poyo ulun musikin ra mabanis guang, kaa' ulun sasambungon ondo' malilimbau.

MAMPATANOU 5:11

Maaru' lair ra ulun mangandoi maukop ra akanon kapoam kalo, kaa' ilo mokororot. Kaa' suai boo, ulun langkaya' makarapu' ra masuang kaga' saboi kalo mokororot ilo sabap maimamang.

MAMPATANOU 6:9

Ngaangai' no kolondo' onong koson kandoi mangilou ra angin. Moonsoi poyo maringkuanang kou ra atan ondo' soroi rirun intor ra masalok kou gumogot ra atan ondo' kolondo' rirun.

LUKAS 1:6

Kaayagan ru mansawo ti mapabansuk ra guang ri Aki Kapuuno'. Ilo karuruo gumagaya' toojo ra ngaangai' susuban am ukum ru Tuhan.

1 TIMOTIUS 6:17

Pinsono' noyo ilo ondo' langkaya' ra kalo noyo minsawat guang am kalo lumansan ayuk ra kalangkayaan nilai ti, ondo' kalo noyo makapantilayun. Kaa' moonsoi ru lumansan ilo ayuk ri Aki Kapuuno' ondo' mangani' ritakau ra ngaangai' ru kalangkayaan Nano koson ra katasuan takau.