MAMPATANOU 6:3 - Tanou Moonsoi Timugon

³ Sangulun maaru' lair makalalaing suku' maatus ngaulun, am umur nano maaru' lair maawar. Kabalu' pana maawar umur nano, kaa' kalo maansukan io, am kalo linobong io ra matanda', baal nano makaasi'-asi' poyo intor ra lalagang minatoi paat ra inanak.

MAMPATANOU 6:3 ပူးပေါင်းရင်းမြစ်များ

KASAUKAN 33:5

Pampulolou Isau am kakito no ngaangai' ruandu' nababaya' ra anak nilai, pangkuot io, “Osoi ilo ti minaya' rirun ti?” Taam i Jakub, “Ilo ti anak ondo' pinataak noyo ri Aki Kapuuno' ra ulipon muti.”

KASAUKAN 47:9

Taam i Jakub, “Umur kutu ra sangulun majajawot ti maatus am talu ngoopor ngambilor noyo. Buoi ru ginio malimanan ra sangkinolor ayuk am masuang kapaganan, sala' ka koson ra kaayagan ru kinamatuaan kuli ra majajawot.”

2 RAJA'-RAJA' 10:1

Tulu' ngoopor ngaulun papag ru Raja' Agab minayan giu' ra bandar Samaria. Raja' Jigu pana nanulis ra rondo' surat am nangator ra surat no ra panguasa'-panguasa' ru bandar no, tingganai-tingganai ru mamagun, am uakil-uakil ru papag ru Raja' Agab. Koon raginio suang ru surat no:

2 RAJA'-RAJA' 9:35

Kaa' ulun ondo' mongoi pompolobong ra baangkai ri Ijibil no kalo nakatuum ra atan-atan pana ondo' ayuk am kuapak am bungul-bungul ru kalayam am niayuk kalindu' nano.

1 TUNUNG RU BANSA' ISRAIL 28:5

Nangani' Io raki' ra masuang anak ungkuyon, am ra gino ngai' ru ilo nampili' Io ri Salomo koson mamarinta ra Israil, pamarintaan ru Tuhan.

2 TUNUNG RU BANSA' ISRAIL 11:21

Raja' Rigabiam mokoondo' 18 ngaulun andu' am 60 ngoopor ngaulun ruandu' parulug. Mokoondo' io 28 ngaulun anak ungkuyon am 60 ngaulun anak ruandu'. Intor ra ngaangai' andu' am ruandu' parulug nano, i Maakga ondo' tagamin no kaga'.

ESTER 5:11

Liminimbau i Gaman ra saang nilo – mapara' boo langkaya' nano, mapara' boo suang ru anak ungkuyon nano, mapara' boo kinaatang ru intok ondo' inapu no intor ra raja', am sawat ru pangkat nano intor ra pagawai ra bokon.

ESTER 7:10

Koon raginio noyo i Gaman tinair ra lugu' pampatairan ondo' binaal nano ra tayar ri Mordikai. Kopongo raginio bagu no sangit ru raja' no siminalui.

AYUP 3:11

Kua kia kalo minatoi aku ralalom binunakan ri ina'? Kua kia kalo minatoi aku paat ra inanak?

AYUP 3:16

Kua kia kalo narayus aku minatoi ra inanak, nongorom ra mato koson ra lalagang ondo' minatoi?

MAZMUR 58:8

Polosoon ilo matatak koson ra bolobou, am lumonot koson ra sakot ra kikirawin.

AMSAL 17:6

Ulun matutuo maansukan ra akupu koson ra anak maansukan ra matuo.

MAMPATANOU 4:3

Kaa' ondo' maansukan toojo ioginio ulun-ulun ondo' kalo poyo inanak, sabap ra ilo kalo poyo nakakito ra kalaatan ondo' binaal ralalom ru tana' ti.

MAMPATANOU 6:4

Kolondo' onong toojo lalagang no inanak; minugar io ralalom kalandaman am lilianin ru ulun.

JIRIMIA 22:19

Ralaaton i Joyakim am patirin paingkualo' ra kulobon garabang ru Jirusalim, koson ra pinamakuan ru ulun ra baangkai ru kaladai.”

JIRIMIA 36:30

Ginio ra, Aku, Tuhan, minindagu rirun, Raja' Joyakim ra kolondo' sangulun pana intor ra papag muno makapamarinta ra pamarintaan ri Daut. Baangkai muno patirin ra liwar saboi makatuug paat ra matawang am matiu' ru bolobou paat ra rondom.

JIRIMIA 8:2

Kuayan no sala' ka timungon am lobongon poyo, kaa' koson polosoon ra tana' koson ra pampalabung. Bungul-bungul nilo makulipatak ra matuug ru sinda mato ru orou, sila' am butitin ondo' tagamin, intok mangandoi ayuk, sambaan am pakituluan nilo.

MATIUS 26:24

Anak ru Ulun matoi koson ra tinulisan ra Buuk Kitab. Kaa' mumpara' boo lalaat ra ulun ondo' mampataak ra Anak ru Ulun! Mulu' bonsoi ru ulun no ra kalo inanak!”