MAMPATANOU 6:2 - Tanou Moonsoi Timugon

² Nangani' i Aki Kapuuno' ra ulun ra rapu', kalangkayaan am urumat – atan ayuk ondo' gogoton nilo, kaa' kalo mangiou i Aki Kapuuno' risilo sumia' ra ngaangai' tinaakan no. Kaa', ulun ondo' kalo nauligan makasia' ra kalangkayaan raginio. Ngaangai' no kolondo' onong am kalo matimpok.

MAMPATANOU 6:2 ပူးပေါင်းရင်းမြစ်များ

1 RAJA'-RAJA' 3:13

Mangani' Aku niayuk ra baal ondo' kalo kinitaak muno: buoi ru bayag muno masauk kou ra langkaya' poyo am urumaton poyo ru ulun intor ra ati pana raja'.

1 TUNUNG RU BANSA' ISRAIL 29:25

Tuhan nambaal ra ngaangai' bansa' no naansayan kaga' ra Raja' Salomo, am Tuhan nampasauk riso ra raja' ondo' nauligan kaga' intor ra raja'-raja' ra bokon ondo' nakaili' namarinta ra Israil.

1 TUNUNG RU BANSA' ISRAIL 29:28

Io no langkaya' am inurumat kaga', am minatoi ra matutuo noyo kaga'. I Salomo, anak nano nasauk ra raja' minalit riso.

2 TUNUNG RU BANSA' ISRAIL 1:11

Indagu i Aki Kapuuno' ri Salomo, “Matanda' pinili' muno. Kalo nakitaak kou ra kalangkayaan, kapoam rapu', kapoam mauligan kaga', kapoam patayan ru pantula' muno, kapoam painawo maawar muno galama'; kaa' nakitaak kou ra kapintaran am kapandayan maa' raginio makapamarinta kou ra ulun Kuno, am okou sinauk Ku ra raja' nilo.

MAZMUR 17:14

Palabuso' aku no intor ra ulun ondo' manimung ra rapu' ra tana' ti. Ratangi' ilo ra karaat ondo' natampos Mu noyo risilo; am ukumi' niayuk ngaangai' anak suku' ra akupu nilono.

MAZMUR 39:6

Mapara' piboo kinariwa' ru umur kuno inaru' Mu! Ra Okou, buoi ru bayag kuno kolondo' onong-onong. Sotopot no kaayagan ru moonong ulun koson ra kaabusan maminawo,

MAZMUR 73:7

guang nilo natikop ra kalaatan, am pangkaraan nilo giino ayuk mangatang ra kalaatan.

MAMPATANOU 4:4

Nakapandai aku niayuk ra ulun gumogot toojo mangandoi; sabap ra ilo mangusolon amon makakito ra sambalayan nilo. Kaa ginio ngai' kolondo' onong. Paliso raginio koson ra ulun ondo' mangilou ra angin.

MAMPATANOU 4:8

Mokoondo' ulun ondo' maayag misangulun ra kolondo' anak kapoam pabukat. Kabalu' pana raginio, kalo lumonggo' io mangandoi. Kalo majala' io ra rapu' ondo' linonggom nano. Mangandoi io ri osoi saboi mingkotog mangandoi am mangimpai ra katasuan? Sala' ka kia ginio kolondo' onong, am rondo' baal ru kaayagan ondo' mangiluk?

MAMPATANOU 5:13

Kaa' ruit raginio natatak ralalom ru pirot nilo mantalan, saboi kolondo' atan pana ondo' pinatungkus ra lalaing nilo.

MAMPATANOU 5:16

Kaayagan takau ralalom ru kalandaman am kangilukan ru guang, pagalabaan, kasangitan, am niayuk karualan.

MAMPATANOU 5:18

Amon ru nangani' i Aki Kapuuno' ra ulun ra rapu' am kalangkayaan, am mangiou risilo sumia' ra kalangkayaan no, ilo musiti' maringkuanang am sumia' ra ampos ru kandoi nilo. Ginio niayuk tinaakan ri Aki Kapuuno'.

MAMPATANOU 5:19

Sabap i Aki Kapuuno' mangiou risilo maansukan, kalo magalabo ilo kaga' ra mapara' riwa' ru kaayagan ti.

JISAYA 55:2

Atan pakuan manimpulus ra ruit amon kolondo' pakuan, am atan pakuan mangandoi amon kalo makaasug Gagayaa' noyo panusuban Kutu, am mangakan kau ra moonsoi, am makaakan ra pasulungon ra mangaamis.

SULABOI 5:2

Rapu' tungkuson mai ginaau ru ulun ra bokon; ulun bansa' ra bokon tatanga' mayan ra baloi mai.

DANIL 5:18

“I Aki Kapuuno' Ondo' Masawat Kaga' nampasauk ra ama' muno, Raja' Nibukadnijar ra raja' ondo' maayo, am niayuk nangani' riso ra urumat am katulayan.

GOSIA 7:9

Kalo nakaliman ilo ra binaal ragitio nampalawo risilo. Pupus ru bayag nilo mamaar noyo, kaa' kalo nakapandai ilo.

SAGULION 28:33

Talingaawon ru bansa' ru bokon ngaangai' ampos ru tatanom ondo' piniratan min toojo. Akau galama' kalo mangapu ra rondo' pana, kaa' pangimbalaan ondo' mararayus am baal kalaatan.

SAGULION 28:43

“Ulun bansa' ru bokon ondo' minayan ra pagun mino lumanja' makakuasa', kaa' akau lumanja' lumiot kuasa'.

TINGGANAI RU BANSA' 18:10

Paat ra akau makasaboi ra giu' no, makatuum kau ra ulun ra giu' no kalo manantam ra atan pana. Malangka' tana' no; ngaangai' no ondo' gogoton ru ulun mokoondo' ra giu' no. Mangintopot akai ra manaak i Aki Kapuuno' ramuyun ra tana' raginio.”