MAMPATANOU 6:12 - Tanou Moonsoi Timugon

¹² Atan koson ulun makapandai ra atan ondo' moonsoi kaga' tayar ru kaayagan nilo ondo' mariwa' am kolondo' onong ti – kaayagan ondo' mataki' lumiot koson ra babara'? Atan koson ulun makapandai ra atan ondo' masauk ra tana' ti malupus ra ilo matoi?

MAMPATANOU 6:12 ပူးပေါင်းရင်းမြစ်များ

1 TUNUNG RU BANSA' ISRAIL 29:15

Okou nakapandai, iou Tuhan, ra koson ra kinamatuaan maili, akai pana naayag koson ra ulun minatong am ulun bansa' ru bokon. Kaayagan mai koson ra babara' ondo' mansail, am kalo makalabus akai intor ra kapatayan.

AYUP 14:2

Ulun tumuu' am lumonot koson ra bunga'-bunga' am lumiot koson ra babara'.

AYUP 14:21

Anak-anak nilo nasauk ra ulun nauligan kaga', kaa' kalo nakapandai ilo. Ilo niayuk kalo binalaan paat ra anak-anak nilo nauyu'.

AYUP 8:9

Kaayagan takau mariwa' kaga' am kolondo' natandaan takau; itakau mansail koson ra babara' giti ra tana' ti.

MAZMUR 102:11

sabap ra sangit Muno ra bibilak. Kinayang am pinatiran Mu aku.

MAZMUR 109:23

Itik aku no matatak koson ra babara' tampilon ra mamai'; koson ra gapu' ra aku kinabul.

MAZMUR 144:4

Ulun koson ayuk ra labus ru paminawaan, am kaayagan nano mansail koson ra babara'.

MAZMUR 16:5

Iou Tuhan, Okou ayuk longgom kuno, Okou manaak raki' ra atan ayuk pana kasagaan kuno; painawo kuno ginonggom Mu.

MAZMUR 17:15

Magilong aku Rirun sabap ra kolondo' sala kuno; bulintok ra aku makarat, ratangan Muno makaantak ra guang kuno.

MAZMUR 4:6

Patutuyo' noyo taak ondo' motopot am pangintopot no ra Tuhan.

MAZMUR 47:4

Io mangindangan ritakau nangala ra ngaangai' bansa', am mapasauk ritakau ra mamarinta ra bansa'-bansa'.

MAZMUR 89:47

Iou Tuhan, saboi sanggilan ra Okou mansibuni? Saboi sanggilan kia sangit Muno ra lumuab-luab koson ra apui?

MAMPATANOU 10:14

Ulun kalo matanda' mindagu kalo makakai'. Kolondo' sangulun pana makapandai ra baal ondo' masauk ra orou rumatong, am kolondo' sangulun pana mambala' ritakau ra baal ondo' masauk malupus ra itakau matoi.

MAMPATANOU 12:13

Gitio noyo ontoson ragu intor ra ngaangai' no: Uramato' noyo i Aki Kapuuno' am gagaya' no ra ngaangai' susuban Nano, sabap ra ginio noyo kuayan itakau ulun inangun.

MAMPATANOU 2:24

Atan ayuk ondo' nabaal ru ulun io ginio maangkan, manginum, am sumia' ra ampos ru kandoi nilo. Kaa' nalimanan ku ra ngaangai' ragitio tinaakan ri Aki Kapuuno' niayuk.

MAMPATANOU 2:3

Sabap ra inunsu' ru gogot ru guang galama' koson mokoowot ra kapintaran, manginum aku ra wain am mambaal aku ra kasagaan galama' koson mapakaansuk ra guang. Indos kuli gitio noyo ralan moonsoi kaga' ra ulun koson sumia' ra kaayagan ondo' mariwa' kaga' ra tana' ti.

MAMPATANOU 3:22

Ginio ra, aku nakaliman ra kolondo' ondo' moonsoi kaga' ra tayar ru ulun intor ra sumia' ra ampos ru kandoi nano. Suai raginio kolondo' atan ondo' maalap kabaal. Kalo lair makapandai takau ra ondo' baal masauk malupus ra itakau matoi.

MAMPATANOU 6:11

Jumanjai ilo mansang, jumanjai kolondo' onong, am ilo kalo makaalap ra ampos ru atan ayuk.

MAMPATANOU 7:15

Kaayagan kutu kolondo' onong, nakakito aku no ra ngaangai'. Sanganuan ulun ondo' moonsoi no matoi kabalu' pana moonsoi ilo. Sanganuan ondo' ulun malaat no maawar painawo kabalu' pana malaat ilo.

MAMPATANOU 8:13

kaa' ulun malaat maayag makakapaganan. Kaayagan ru ulun malaat mataki' mansail koson ra babara', am matoi ilo paat ra ilo mamulok sabap ra kalo gumagaya' ri Aki Kapuuno'.”

MAMPATANOU 8:7

Itakau ngaangai' kalo makapandai ra baal ondo' masauk ra orou rumatong no, am kolondo' sangulun pana mambala' ritakau.

MAMPATANOU 9:6

Katagaman, kasisangan, am kasagaan ru guang nilo galama', ngaangai' no linimiot mabaya' risilo. Ilo kalo boo mangalap ra tayar ralalom atan-atan baal ondo' masauk ra tana' ti.

MAMPATANOU 9:9

Sia' no ra kaayagan ti mabaya' ra andu' katagaman muno, sabuoi ra kaayagan muno ondo' kolondo' onong, ondo' tinaakan ri Aki Kapuuno' rirun ra tana' ti. Sia' no ra moonong orou kabalu' pana kolondo' onong sabap ginio ayuk maalap muno intor bagui ru kandoi muno.

MIKA 6:8

Topot-topot kalo! Nambala' noyo Tuhan ritakau ra atan ondo' moonsoi. Baal ondo' kitaakon toojo ru Tuhan intor ritakau iono maa' raginio mambaal takau ra matimpok, masalok mangimaya' ra katagaman, am mabaya' ra guang minggana' maayag masimpung ri Aki Kapuuno' takau.

JAKUBUS 4:14

Inatang min ginio, kabalu' pana kalo mapandayan min atan ondo' masauk ralalom ru kaayagan min susuab pana! Koson kau ayuk ra lisun ondo' makito ayuk ra sangkinolor, am kalio boo.