MAMPATANOU 5:7 - Tanou Moonsoi Timugon

⁷ Pai' pangimuag amon makakito ra ulun manguasa' mangimbolo' ra ulun musikin am mampagaau ra ngaangai' longgom nilo, am kalo nangani' risilo ra katimpakan. Moonong pagawai inampin ru pagawai maningganai risilo, am karuruo no inampin ru pagawai ondo' masawat poyo intor risilo.

MAMPATANOU 5:7 ပူးပေါင်းရင်းမြစ်များ

AMSAL 23:17

Pai' solon ra ulun ondo' makatula, urumato' noyo am kalaa' no ra Tuhan ra sotopot ru guang

MAMPATANOU 12:13

Gitio noyo ontoson ragu intor ra ngaangai' no: Uramato' noyo i Aki Kapuuno' am gagaya' no ra ngaangai' susuban Nano, sabap ra ginio noyo kuayan itakau ulun inangun.

MAMPATANOU 3:14

Makapandai aku ra ngaangai' ondo' binaal ri Aki Kapuuno' ti mantilayun. Ulun kalo makapamparuang kapoam mangiruru' raginio. Nambaal i Aki Kapuuno' koon raginio maa' raginio urumaton takau Io.

MAMPATANOU 3:16

Suai raginio, nakito ku niayuk ra tana' ti, giu' ra intok ondo' musiti' mokoondo' ra katimpakan am moonsoi, giu' no mokoondo' ra kalaatan.

MAMPATANOU 5:3

Amon makimabantu' kou ri Aki Kapuuno', suguto' noyo bantu' muli ra mataki'. I Aki Kapuuno' kalo masaga' ra ulun kolondo' katutunan. Suguto' noyo bantu' muno.

MAMPATANOU 7:18

Inggalur no intor ra karuruo baal ra malaat no. Amon ru mangurumat takau ri Aki Kapuuno', maaru' itakau makasugut.

MAMPATANOU 8:12

Kabalu' pana ulun makatula' nambaal ra maatus kalaatan, ilo lakat poyo maayag. Nakapandai aku ra ulun mindagu, “Ulun ondo' gumagaya' ri Aki Kapuuno' maayag ra sabubuoi no,

MAMPATANOU 8:13

kaa' ulun malaat maayag makakapaganan. Kaayagan ru ulun malaat mataki' mansail koson ra babara', am matoi ilo paat ra ilo mamulok sabap ra kalo gumagaya' ri Aki Kapuuno'.”

MAMPATANOU 8:9

Nakakito aku no ra ngaangai' baal ragitio paat ra aku mangkara' ra ngaangai' baal ondo' nasauk ralalom ru tana' ti. Sampiruo ulun makakuasa', kaa' ulun ru bokon naimbolo' kalalaat ra ragana' ru kuasa' nilo.

MATIUS 12:36

“Mampakara' Aku ramuyun: Paat ra Orou Pupus moonong ulun musiti' mangiou ra ngaangai' ragu jajajou ondo' sinabit no.