MAMPATANOU 5:5 - Tanou Moonsoi Timugon

⁵ Pai' polosoo' ragu muno mangkinibit rirun makatula saboi iowon mu kalalaat ra imam ra okou nasala makimabantu'. Kua nua' napasingkual kou ra sangit ri Aki Kapuuno' rirun suku' namuso Io ra ngaangai' kandoi muli?

MAMPATANOU 5:5 ပူးပေါင်းရင်းမြစ်များ

AMSAL 20:25

Karaa' noyo toojo ra kalo poyo mangiou kau ra bantu' ri Aki Kapuuno' ra taak simbalui maa' raginio kalo pansagulian guang min.

IMAMAT 5:4

Amon ru magibot sasangulun ra bonyowon koson mambaal ra atan ayuk, makasala io ra natutunan no ayuk binaal nano.

JUNUS 2:9

Kaa' marimbai aku ra rimbai pangamparan Rirun am pataakon ku taak simbalui kuno Rirun. Suguton ku ngaangai' bantu' kuno. Okou no Tuhan ondo' mamayag.”

MALIAKI 2:7

Imam-imam musiti' toojo mangila' ra atan ondo' motopot intor ri Aki Kapuuno'. Mamagun musiti' matong ra imam-imam koson makapandai ra kasagaan Kuno sabap ilo ulun sinusub ru Tuhan Ondo' Maayo Kaga' Kuasa'.

RINALATAN 5:4

Tana' i okou tatangan ra kalo poyo natalan. Katalan mu raiti, ruit i pana lakat ayuk poyo okou tatangan. Kua kasaga' kou mambaal raginio? Sala' ka ulun inabawan muni, kaa' i Aki Kapuuno'!”

SAGULION 23:21

“Amon ru mokoondo' kau nazar ra Tuhan i Aki Kapuuno' min, pai' lungkang manugut ra nazar no. Sikaan ru Tuhan nazar mino, am makatula kau amon ru kalo suguton ginio.

SAGULION 23:22

Akau kalo makatula amon ru kolondo' nazar min ra Tuhan;

TINGGANAI RU BANSA' 11:35

Paat nakito ri Jipta anak nano, rinilak-rilak no bayang nano sabap mangiluk guang. Kono, “Alii ra anak kuno, natutuk guang kutu! Kua kia ra anak kutu ondo' maparuol ra guang kutu? Nagibot aku noyo ra Tuhan am kalo malugut ku bantu' kuno!”