MAMPATANOU 5:17 - Tanou Moonsoi Timugon

¹⁷ Pamatasan kuno koson ragitio: moonsoi ulun mangakan, manginum, am sumia' ra ampos ru kandoi nilo ralalom ru kaayagan mariwa' ondo' tinaakan ri Aki Kapuuno'. Ginio noyo nasip ru ulun.

MAMPATANOU 5:17 ပူးပေါင်းရင်းမြစ်များ

KASAUKAN 3:17

Indagu boo Tuhan i Aki Kapuuno' ra ungkuyon no, “Inining mu ragu ru andu' muno am nangakan ra kawa' ondo' kalo paakanin Kuli rirun. Ginio boo intor ra binaal muno, inulas Ku tana' ti. Okou mingkotog toojo mangandoi saboi ra pupus ru bayag muno maa' raginio tana' ti makaampos ra akanon ondo' maukop ra akanon min.

1 RAJA'-RAJA' 17:12

Taam ruandu' napuor no, “Ralalom inggalan ru Tuhan ondo' maayag, i Aki Kapuuno' ondo' sambaan muno, magibot aku ra kolondo' ruti' kuno. Soroi ayuk raki' sogonggom tapung ralalom ru mangkuk am sanganu umau jaitun ralalom ru butul. Tatanga' aku manimung sanganu luton koson ibiton muli' maa' raginio makapangansak aku ra akanon kuno am anak kuno. Ginio noyo akanon mai ondo' pupus; malupus raginio mangkuliman akai ra matoi ayuk.”

2 RAJA'-RAJA' 1:2

Paat ra sangarawan, Raja' Agajia intor ra Israil no naratu' intor ra langgar giu' ra tingkat rasawat ru istana nano giu' ra Samaria saboi napilatan raja' no ra masaran. Ginio ra nangator io ra kukula' ngaulun sinusub koson mangkuot ra Baal-Jibub, dewa ru ulun ru Palistin giu' ra bandar Ikron, mangimumui ru mapali' io kia kapoam kalo.

2 RAJA'-RAJA' 1:6

Taam ulun-ulun sinusub no, “Tinuum akai ru sangulun ungkuyon ondo' nanusub ramon sumaguli' am mambala' rirun ra minindagu Tuhan koon raginio rirun, ‘Kua kia pangator kou ra ulun sinusub koson mangkuot ra Baal-Jibub, dewa ru bandar Ikron no? Kalo kia nakapandai kou ra soroi i Aki Kapuuno' giu' ra Israil? Kalo mapali' kou intor ra pilat-pilat muno. Matoi kou!’ ”

2 RAJA'-RAJA' 5:27

Sabap no ra nangapu kou ra pinataak no, okou am papag muno makaalap ra maruol ri Naaman ra sabuoi-buoi no!” Paat ri Gigaji nangiruan ra intok raginio, natiu' io ra maruol ru kungkung; kungkung nano nasauk ra mapulak kaga'.

AYUP 21:25

Mokoondo' poyo ulun ondo' kolondo' kaansukan; maayag ilo am matoi ra maruol kaga' guang.

MAZMUR 102:9

Monsongorou pantula' kuno magasab raki'; ilo ondo' manganganja' raki' alapon nilo inggalan kuno koson magulas.

MAZMUR 127:2

Banangan ayuk pirot ru kandoi maginakan, mataki' kumarat bulintok tumawang am mombolong ra mampayung rondom, sabap ra ngaangai' no pataakon ru Tuhan no ra ulun ondo' tagamin Nano, ra ilo liliwa' mombolong.

MAZMUR 39:6

Mapara' piboo kinariwa' ru umur kuno inaru' Mu! Ra Okou, buoi ru bayag kuno kolondo' onong-onong. Sotopot no kaayagan ru moonong ulun koson ra kaabusan maminawo,

MAZMUR 78:33

Ginio ra binutus ri Aki Kapuuno' painawo nilono, am binukat No paminawaan nilono.

MAMPATANOU 2:10

Nakaalap aku no ra atan ayuk gogoton ru guang kuno. Kalo igondo' aku pakaili' mongorot ra inan kuno intor sumia' ra atan ayuk kaansukan. Naansukan aku ra ngaangai' baal ondo' piniratan kuli. Ngaangai' no ampos ru binaal kuli.

MAMPATANOU 2:23

Buoi ru bayag nilo, ngaangai' binaal nilai namparatong ra kaimamangan am karualan ru guang. Paat ra rondom ti magalabo toojo guang nilo. Ngaangai' no kolondo' onong!

MAMPATANOU 2:24

Atan ayuk ondo' nabaal ru ulun io ginio maangkan, manginum, am sumia' ra ampos ru kandoi nilo. Kaa' nalimanan ku ra ngaangai' ragitio tinaakan ri Aki Kapuuno' niayuk.

MAMPATANOU 7:14

Paat ra okou matasu', pakaansuk no; am paat ra okou makakapaganan, karaa' noyo ra katasuan am kapaganan, karuruo no minatong intor ri Aki Kapuuno'. Ulun kalo makapandai ra atan ondo' masauk ra matong no.

RINALATAN 12:23

Paat ragili niayuk malaikat ru Tuhan nampalamba' ri Irodis, sabap ra kalo nangurumat io ri Aki Kapuuno'. Ginio ra inan nati inuloron am patoi io boo.