MAMPATANOU 5:13 - Tanou Moonsoi Timugon

¹³ Kaa' ruit raginio natatak ralalom ru pirot nilo mantalan, saboi kolondo' atan pana ondo' pinatungkus ra lalaing nilo.

MAMPATANOU 5:13 ပူးပေါင်းရင်းမြစ်များ

KASAUKAN 14:16

Naalap saguli' ri Abram ngaangai' kuliamos ondo' inalap nilo am niayuk i Lot, ruandu'-ruandu' am ulun-ulun ondo' rinakop ra bokon.

KASAUKAN 19:14

Ugar boo i Lot ongoi pambala' ra karuruo ngaulun tamung ru anak-anak ruandu' nano am indagu, “Ribaki' min ingkual intor ragiti sabap pusoon ru Tuhan intok ragitio.” Kaa', tantamon nilo mangkuli ayuk i Lot.

KASAUKAN 19:26

Kaa' pangkaili andu' ri Lot ra tinaulian am kaangun io boo ra lugu' ru usi'.

AYUP 20:20

Ingkaut nilo kalo makaulig ra polos, ilo pana kalo igondo' kajala'.

AMSAL 1:19

Ulun ondo' maguyum ra akanon ralalom kalaatan bayarin niayuk ra painawo nilo galama'.

AMSAL 1:32

Ulun ra kolondo' katutunan matoi sabap ra mampalilian raki', am ulun budu mapuso sabap ra kalo mampalio raki'.

AMSAL 11:4

Kolondo' onong ru linangkaya' ru ulun no bulintok tumingkuang ra kapatayan, kaa' kabanisan ru guang mamayag ra ulun.

AMSAL 23:4

Ilalai' min noyo! Kalo sukuin ra inan maimbolo' sabap ra sumauk ra langkaya'.

AMSAL 27:24

sabap ra kinalangkayaan ti kalo mantilayun. Kuasa' koson mamarinta pana kalo lumayun ra sabuoi-buoi no.

MAMPATANOU 4:8

Mokoondo' ulun ondo' maayag misangulun ra kolondo' anak kapoam pabukat. Kabalu' pana raginio, kalo lumonggo' io mangandoi. Kalo majala' io ra rapu' ondo' linonggom nano. Mangandoi io ri osoi saboi mingkotog mangandoi am mangimpai ra katasuan? Sala' ka kia ginio kolondo' onong, am rondo' baal ru kaayagan ondo' mangiluk?

MAMPATANOU 5:14

Mangiruan takau ra tana' ti koson ra itakau inanak, ra kolondo' atan-atan pana! Kalo makapagibit takau ra atan ayuk intor ra pirot ru kandoi takau.

MAMPATANOU 8:9

Nakakito aku no ra ngaangai' baal ragitio paat ra aku mangkara' ra ngaangai' baal ondo' nasauk ralalom ru tana' ti. Sampiruo ulun makakuasa', kaa' ulun ru bokon naimbolo' kalalaat ra ragana' ru kuasa' nilo.

JISAYA 2:20

Bulintok ra orou raginio, patirin ru ulun sinungkalalaing ondo' binaal intor ra pirok am mas, ondo' patatangon no ra tikus am pungit.

JIPANYA 1:18

Paat ra orou raginio, manulu' Tuhan ra sangit Nano, am ngaangai' mas am pirok kalo makapamayag risilo. Titikop ru tana' ti mapuso ru apui ru sangit Nano. Ra mamulali', butuson No painawo ru ngaangai' ulun ondo' minayan ra tana' ti.

LUKAS 16:19

“Mokoondo' sangulun langkaya', bayang nano mongologo am maayag io ralalom kalangkayaan ra moonong orou.

LUKAS 19:8

Kaa' bigor i Jakius am indagu ri Jisus, “Tuan, rongogo', sampiruo intor ra rapu' kuno tatayaron ku ra ulun musikin, am ondo' rinuung kuli pana, pasagulion ku poyo saboi inggapat suang no!”