MAMPATANOU 5:11 - Tanou Moonsoi Timugon

¹¹ Maaru' lair ra ulun mangandoi maukop ra akanon kapoam kalo, kaa' ilo mokororot. Kaa' suai boo, ulun langkaya' makarapu' ra masuang kaga' saboi kalo mokororot ilo sabap maimamang.

MAMPATANOU 5:11 ပူးပေါင်းရင်းမြစ်များ

KASAUKAN 12:16

Sabap ri Sarai, moonsoi kaga' pamakuan ru raja' no ri Abram saboi inanian io ra ulipon, domba, kambing, sapi', kaladai am unta.

KASAUKAN 13:2

I Abram ti sangulun langkaya' kaga'. Mokoondo' io ra domba, kambing, sapi', pirok am niayuk mas.

AMSAL 23:5

Ruit mataki' makai' koson kinataki' ru ganit, koson ayuk ra ruit no makakawo am mansiab ra limbowon koson ra kanui.

MAMPATANOU 11:9

Ulun mamulok kau ngai', sia' no ra paat mamulok mino. Pakaansuk no paat ra akau lakat poyo mamulok. Baalo' noyo kasagaan min, am baya' no ra kasagaan ru guang min. Kaa' karaa' noyo ra ngaangai' binaal min akimin ri Aki Kapuuno'.

MAMPATANOU 2:9

Topot, ra aku ti maayo kaga' kuasa' intor ra ulun ondo' nakaili' minayan ra Jirusalim, am kuasa' kuno masalok mangindangan raki'.

MAMPATANOU 5:12

Nakakito aku ra ondo' mampangiluk ra guang ra tana' ti: mokoondo' ulun ondo' nanimung ra ruit koson lutu' paat ra ilo makapakuan.

MAMPATANOU 6:9

Ngaangai' no kolondo' onong koson kandoi mangilou ra angin. Moonsoi poyo maringkuanang kou ra atan ondo' soroi rirun intor ra masalok kou gumogot ra atan ondo' kolondo' rirun.

JIRIMIA 17:11

Koson ra susuit nangamut ra talu' ondo' sala' ka io tangan, koson raginio noyo ulun ondo' kalo mabanis guang mokoowot ra rapu'. Paat ra umur lakat poyo mamulok matatakan io ra ngaangai' rapu' nano. Paat ra pupus ru bayag nano mainono' ra io ulun ondo' sasambungon kaga'.

ABAKUK 2:13

Bansa'-bansa' ondo' kinuasa' min makai' ikang ra kolondo' onong; ngaangai' ondo' baalon nilo makai' kosolob ru apui. Tuhan Ondo' Maayo Kaga' Kuasa' nambaal ra baal ragitio.

1 JUANIS 2:16

Ngaangai' suang ru tana' ti: ondo' papaliso ru ulun makatula, ondo' makito no am kasagaan ayuk ru guang, ondo' makiompor sabap ra masuang kuliamos; ginio ngai' sala' ka intor ri Aki Kapuuno', kaa' intor ra tana' ti.