MAMPATANOU 5:1 - Tanou Moonsoi Timugon

¹ Guango' galing ra kalo poyo mindagu, am pai' lingasi' makimabantu' ri Aki Kapuuno'. Soroi Io giu' ra suruga' am okou soroi ra tana' ti, pai' indagu amon kalo maatang.

MAMPATANOU 5:1 ပူးပေါင်းရင်းမြစ်များ

2 TUNUNG RU BANSA' ISRAIL 26:16

Kopongo Raja' Ujia nasauk ra maikang, nasauk io ra malilimbau; limbau nano nangkinibit ra naratuan nano. Inanggal ru Raja' Ujia susuban ru Tuhan, i Aki Kapuuno' nano sabap ra sinolob no kaminyan giu' ra rasawat ru altar kaminyan giu' ra Baloi ru Tuhan.

AYUP 11:2

“Kolondo' kia osoi pana masaga' tumaam ra ngaangai' ragu kolondo' onong no? Maalap kia ulun no iowon ra ragu ondo' masuang no?

AYUP 22:12

Kalo kia minayan i Aki Kapuuno' giu' ra suruga' ondo' masawat kaga', am maginduku' ra ragana', ra butitin-butitin ondo' masawat kaga'?

MAZMUR 89:7

Kolondo' mokogondo' Rirun, giu' ra limbowon no, iou Tuhan; kolondo' suang ru suruga' pana mokogondo' Rirun.

KAINGKUALAN 3:5

Indagu Tuhan, “Pai' inggaar. Paguso' kasut muno, sabap ra intok binigaran muno matulai,

KAINGKUALAN 30:18

“Pambaal noyo ra rondo' bisin intor ra gangsa' am antulan no pana intor ra gangsa' niayuk. Pabantaan bisin no ra lolot ru Kim am altar, am suangin bisin no ra timug.

AMSAL 10:19

Masuang poyo raguon, maaru' mangkinibit ra masuang tula. Ulun mapintar totomolon ayuk ra mindagu.

AMSAL 15:8

Iowon ru Tuhan bulintok ulun moonsoi makiasi', kaa' masisang Io ra taak simbalui ondo' pinataak ru ulun malaat.

AMSAL 21:27

Masisang Tuhan no ra taak simbalui ru ulun malaat, mulu' poyo amon ru taak simbalui ra pataakon no mokoondo' kuayan ra malaat.

JISAYA 66:3

Ulun raginio mambaal maya' ra kasagaan ru guang nilo. Pangkaraan nilo manimbalui ra sapi' gawayan nogondo' ayuk ra mampatoi ra ulun koson pataakon koson ra taak simbalui, mapataak ra anak domba kapoam mamandak ra liog ru uku', mapataak ra gandum kapoam raraa' ru bauwi; monolob ra kaminyan kapoam makiasi' ra sinungkalalaing. Masaga' ilo sumamba maya' ra ralan majamol kaga'.

IMAMAT 10:3

Indagu boo i Musa ri Arun, “Gitio noyo ondo' koon ru Tuhan paat Io mindagu, ‘Ngaangai' ulun ondo' mangandoi ayuk Raki' musiti' mangurumat ra katulayan Kuno. Pakitonon Ku katulayan Kuno ra moonong ulun Kuno.’ ” Kaa' mongkoror ayuk i Arun.

RINALATAN 10:33

Ginio sabap ra nampiau aku rirun ra mataki' am naringkuanang akai ra minatong kou ragiti. Raino tumimung akai ra saang ri Aki Kapuuno' koson mangkirongog ra atan ayuk panusuban nano koson pabalaan muno ramon.”

RINALATAN 17:11

Giu' ra Biria, ulun ru Jaudi moonsoi guang intor ra ulun ru Jaudi giu' ra Tisalonika. Naansayan ilo mangkirongog ra tanou intor ri Jisus. Moonong orou mambasa' ilo ra Buuk Kitab koson magilong ra motopot kia pangilaan ri Paulus ti.

1 KORINTUS 11:22

Kua guat? Kolondo' kia pagakanan am paginuman ra baloi min galama'? Kua pai' min urumato' ra pasimpungan ulun Kristian, am kua pampakauyu' poyo ra ulun musikin? Atan kia paraguon ku ramuyun? Omporon takamin kia? Kalo! Topot-topot kalo mokopongompor aku ramuyun.

IBRANI 10:26

Sabap ra amon ru nakatutun takau noyo toojo ra katapatan ri Kristus, kaa' sumingon takau poyo ruli'-ruli' ayuk mambaal ra tula, kolondo' noyo taak simbalui koson mangampun ra tula raginio.

JAKUBUS 1:19

Pabukat kau ngai' ondo' tagamin ku, karaa' min toojo gitio! Moonsoi ru makapaliso kau ra maluoi mangkirongog, kaa' kalo mataki' manulu' ra bokon am poyo kalo mataki' malasu' guang.

JOSUA 5:15

Indagu panglima saujor ru Tuhan, “Paguso' kasut muno, sabap intok binigaran muno matulai.” Paguso' boo ri Josua kasut nano.