MAMPATANOU 4:8 - Tanou Moonsoi Timugon

⁸ Mokoondo' ulun ondo' maayag misangulun ra kolondo' anak kapoam pabukat. Kabalu' pana raginio, kalo lumonggo' io mangandoi. Kalo majala' io ra rapu' ondo' linonggom nano. Mangandoi io ri osoi saboi mingkotog mangandoi am mangimpai ra katasuan? Sala' ka kia ginio kolondo' onong, am rondo' baal ru kaayagan ondo' mangiluk?

MAMPATANOU 4:8 ပူးပေါင်းရင်းမြစ်များ

KASAUKAN 2:18

Indagu boo Tuhan i Aki Kapuuno', “Kalo niayuk moonsoi ulun maayag misangulun. Mambaal Aku sangulun rangan ondo' maaya' toojo koson mangindangan riso.”

MAZMUR 39:6

Mapara' piboo kinariwa' ru umur kuno inaru' Mu! Ra Okou, buoi ru bayag kuno kolondo' onong-onong. Sotopot no kaayagan ru moonong ulun koson ra kaabusan maminawo,

MAZMUR 39:7

kaayagan nilo mansail koson ra babara'. Ngaangai' ru baalon nilono kolondo' onong; mangumung ilo ra rapu', kaa' kalo napandayan nilo osoi manungkus no.

AMSAL 27:20

Pagun ru ulun minatoi, masalok makaintok; ginio niayuk ra gogot ru guang galama' ru ulun kolondo' palasan nano.

MAMPATANOU 1:13

Gumogot aku koson migigila' toojo am mintutun ra atan ayuk binaal ralalom ru tana' ti. Kaayagan ondo' inaru' ri Aki Kapuuno' ra tayar ru ulun ra tana' ti makangiluk kaga'.

MAMPATANOU 1:8

Ngaangai' makajala', kalo maragu. Mato kalo majala' magilong, talingo kalo majala' mangkirongog.

MAMPATANOU 2:21

Sasangulun gumogot toojo ralalom ru binaal no maya' ra kapintaran, katutunan, am katasikan nano, kopongo raginio pinataak kalalaat ngaangai' ampos ru kandoi nano ra sangulun ondo' kalo nakaili' toojo mambaal ra kandoi raginio. Sala' ka kia kolondo' toojo arati' ru ginio am kolondo' katimpakan?

MAMPATANOU 2:23

Buoi ru bayag nilo, ngaangai' binaal nilai namparatong ra kaimamangan am karualan ru guang. Paat ra rondom ti magalabo toojo guang nilo. Ngaangai' no kolondo' onong!

MAMPATANOU 4:7

Mokoondo' poyo ondo' kolondo' onong ralalom ru kaayagan ti.

MAMPATANOU 5:10

Jumanjai poyo suang ru langkaya' mino, jumanjai niayuk suang ru saanin min. Kalo makaalap kau ra atan-atan kaulian, makapandai kau ayuk ra akau ti ulun langkaya'.

MAMPATANOU 5:9

Ulun ondo' ruit ayuk kakaraan, kalo majala'. Ulun ondo' moogot lumangkaya', kalo makaalap ra ngaangai' ondo' gogoton ru guang. Ngaangai' no kolondo' onong toojo.

JISAYA 5:8

Aibui boo ramuyun! Nambali kau ra baloi am umo koson mamparuang ra longgom mino. Kalo boo mabuoi makayaan noyo ulun ra bokon ra intok. Akau ayuk mayan ra pagun raginio.

JISAYA 55:2

Atan pakuan manimpulus ra ruit amon kolondo' pakuan, am atan pakuan mangandoi amon kalo makaasug Gagayaa' noyo panusuban Kutu, am mangakan kau ra moonsoi, am makaakan ra pasulungon ra mangaamis.

MATIUS 11:28

“Ratong kano Raki' akau ngaangai' ondo' naagui sabap ra naagatan; patanguson takamin.

LUKAS 12:20

Kaa' indagu i Aki Kapuuno' riso, ‘Ulun sasambungon! Rondom ra raiti' niayuk patayan muno! Osoi mangalap ra ngaangai' ondo' tinimung muno galama'?’ ”

1 JUANIS 2:16

Ngaangai' suang ru tana' ti: ondo' papaliso ru ulun makatula, ondo' makito no am kasagaan ayuk ru guang, ondo' makiompor sabap ra masuang kuliamos; ginio ngai' sala' ka intor ri Aki Kapuuno', kaa' intor ra tana' ti.