MAMPATANOU 4:13 - Tanou Moonsoi Timugon

^13-14 Sangulun musikin maaru' lair masauk ra raja'; sangulun rinakop maaru' lair makaturung ra turungan ru raja'. Kaa' amon ru paat ra umur matutuo toojo, raja' no kolondo' toojo katandaan saboi kalo boo masaga' mangapu ra bilin, ginio ra nasip nano malaat poyo intor ra sangulun ondo' musikin kaa mapirot.

MAMPATANOU 4:13 ပူးပေါင်းရင်းမြစ်များ

2 TUNUNG RU BANSA' ISRAIL 25:16

Kaa' pinutat ru Raja' Amajia ragu am indagu, “Intor sanggilan kia akai nampalantik rirun nasauk ra paminson ru raja'? Pongkoror, amon ru kalo, potoyon kou!” Kalo poyo nongkoror nabi no, indagu io, “Raino bagu no mapandayan ku ra mingkotog i Aki Kapuuno' koson mamuso rirun sabap ra ngaangai' ru binaal muno, am niayuk sabap ra kalo linio mu pinson kutu.”

AMSAL 19:1

Moonsoi poyo ulun musikin ra mabanis guang, kaa' ulun sasambungon ondo' malilimbau.

AMSAL 28:6

Moonsoi poyo musikin am mabanis guang ka langkaya' am tumalansiang guang.

1 RAJA'-RAJA' 22:8

Taam Raja' Agab, “Mokoondo' sangulun poyo, i Mika anak ri Jimla. Kaa' masisang aku riso, sabap ra kalo igondo' io panala' ra baal moonsoi raki'; masalok io manala' ra baal malaat.” Taam Raja' Josapat, “Okou raja' kalo musiti' no mindagu koon raginio.”

KASAUKAN 37:2

Gitio noyo tunung ri Jakub sambaloi: I Jusup sangulun buayoi ondo' umur nano mopor am tulu' ngambilor. Magalung io ra domba am kambing nababaya' ra pagaka' ungkuyon no ra bokon, iono anak ri Bilga am i Jilpa. Ilo ti ruandu' parulug ru ama' nano. Balain ri Jusup ama' nano ra baalon mangalaat ru pagaka'-pagaka' nano.

MAMPATANOU 4:12

Ulun ondo' misangulun matasu' maala, kaa' amon ru ruo ngaulun makaanggal ra bulunsar. Talu ngakalat ondo' pinampitol masauk ra rondo' kalat, mapagon kaga' bukaton.

MAMPATANOU 7:19

Kapintaran mampasauk ra nopolonggom nano maikang poyo intor ra mopor ngaulun panguasa' ralalom ru rondo' bandar.