MAMPATANOU 4:1 - Tanou Moonsoi Timugon

¹ Kopongo raginio nakakito aku poyo ra ngaangai' kolondo' katimpakan ondo' masauk ra tana' ti. Ulun ondo' naimbolo' mantangi' am kolondo' sangulun pana mangindangan risilo. Kolondo' sangulun pana makakau' mangindangan risilo sabap ra ulun-ulun mangimbolo' no makakuasa'.

MAMPATANOU 4:1 ပူးပေါင်းရင်းမြစ်များ

AYUP 16:4

Amon ru akau ti aku, am aku ti boo akau, aku pana makaindagu koson raginio. Mampaliur aku ramuyun ra ragu; am mamisik ra ulu.

AYUP 35:9

Paat ra ulun imboloon, mampalaa ilo; gumolok ilo makiindangan.

AYUP 6:29

Pai' pambaal ra kalo matimpok, pakaliman no! Pai' pononsol raki', sabap kolondo' sala kuno.

AYUP 9:24

Pinataak ri Aki Kapuuno' tana' ti ra ulun malaat, am nompobolou ra ngaangai' akim. I Aki Kapuuno' nambaal ra ngaangai' ti. Amon ru sala' ka Io, osoi poyo?

MAZMUR 12:5

“Akai manguasa' ra kabang maiti. Mindagu akai maya' ra kasagaan ru guang mai; kolondo' sangulun pana makakau' mansawai ramon.”

MAZMUR 142:4

Bulintok ra aku lumawo, mapandayan No atan baalon kuno. Ralan ra musiti' bayaan kuno, pantula' kuno napataan ra jajaling mamparakop raki'.

MAZMUR 142:5

Ilain ku pangkiing kuno, kolondo' sangulun pana makapangindangan raki'; kolondo' sangulun pana makapanindung raki'. Kolondo' sangulun pana mampalio raki'.

MAZMUR 42:3

Moondom aku Rirun, i Aki Kapuuno' ondo' maayag; sanggilan kia aku makasambayang ra saang Muno?

MAZMUR 42:9

Gama' ru mapakito Tuhan ra togom Nano bulintok matawang; maa' raginio mokopongompor aku Riso bulintok rondom, am makiasi' ri Aki Kapuuno', puun ru kaayagan kuno.

MAZMUR 69:20

Nakapandai Kou ati kulaan ra aku asabin am ati kulaan ra aku tauyuon am iison; nakito Mu ngai' pantula' kuno.

MAZMUR 69:21

Nagasaban nagibit ra guang kuno malawo, am liminungkang aku. Maguyum aku ra ulun ondo' maluoi pakaasi', kaa' kolondo' najampa' ku; maguyum aku ra ulun ondo' mangikang ra guang kuno, kaa' kolondo' natuum kuno.

MAZMUR 80:5

Iou Tuhan i Aki Kapuuno' Ondo' Maayo Kaga' Kuasa', saboi sanggilan Okou sumangit am kalo mangkirongog ra pakiasian ru ulun Muno?

KAINGKUALAN 1:16

Kon ru raja' ru Misir, “Paat ra akau mangindangan ra ruandu' Ibrani maganak, karaa' gitio: Amon ru lalagang ungkuyon, potoyon min io. Amon ru lalagang ruandu', polosoon min io maayag.”

KAINGKUALAN 1:22

Indagu boo raja' ru Misir ra moonong mamagun, “Moonong anak ungkuyon ru ulun ru Ibrani ondo' kakaanak no musiti' patirin ra Sungoi Nil, kaa' ngaangai' anak ruandu' polosoon maayag.”

AMSAL 19:7

Ulun musikin kalo kasagain ru pabukat nano, mulu' poyo ru rangan nano. Kabalu' pana gumogot io mangambi' risilo, kalo mabunduk no guang nilono.

AMSAL 28:3

Mangunguasa' ondo' mangimpai ra ulun musikin koson ra rasam maawas ondo' mapakapasa' ra kumoson.

AMSAL 29:2

Amon ru ulun matimpok no mamarinta, mamagun maansukan. Amon ru ulun malaat no mamarinta, mamagun maimbolo'.

MAMPATANOU 3:16

Suai raginio, nakito ku niayuk ra tana' ti, giu' ra intok ondo' musiti' mokoondo' ra katimpakan am moonsoi, giu' no mokoondo' ra kalaatan.

MAMPATANOU 5:8

Raja' pana malansan ra ampos kinumos.

MAMPATANOU 7:7

Amon ulun mapintar no magabau, ilo no kolondo' katandaan. Amon ru ulun mangapu ra rasua, ilo nampalunsai ra paliso moonsoi.

MAMPATANOU 8:9

Nakakito aku no ra ngaangai' baal ragitio paat ra aku mangkara' ra ngaangai' baal ondo' nasauk ralalom ru tana' ti. Sampiruo ulun makakuasa', kaa' ulun ru bokon naimbolo' kalalaat ra ragana' ru kuasa' nilo.

JISAYA 5:7

Israil no umo ru anggur ru Tuhan Ondo' Maayo Kaga' Kuasa'; ulun ru Jiuda no puun ru anggur ondo' tinanom Nano. Malansan Io risilo mambaal ra moonsoi, kaa' baalon nilono mampatoi. Malansan Io risilo mambaal ra motopot, kaa' ondo' maining no bolos ru ilo ondo' makitaak ra katimpakan.

JISAYA 51:23

Kaimbalaan no pataakon Ku ra ulun ondo' mangimbolo' ramuyun, ondo' nanusub ramuyun lumuya' ra tana' am nanginjang-nginjang ramuyun, koson ayuk ra ralan ondo' bayain ru ulun.”

JISAYA 59:7

Rayusin min mangatang ra malaat, am intakiin min mambaal. Kalo pansagulian guang mampatoi kau ra ulun ondo' kolondo' sala. Ati ayuk sukuan min, mapatatang kau ra napuutan am kapusaan.

JIRIMIA 16:7

Paat ra mokoondo' ulun matoi, kolondo' osoi pana mangakan kapoam manginum mabaya' ra sasambaloi ru ulun no koson mapabansuk risilo. Paat ra mokoondo' ulun napatayan ra ina' kapoam ama', kolondo' osoi pana maya' mangiluk guang mabaya' risilo.

SULABOI 1:16

“Ginio sabap ra lomou kuno rumatu'. Kolondo' osoi pana makabansuk ra guang kuno, kapoam makaikang ra guang kuno. Pantula' nangala raki'; mamagun kuno natatakan ra ngaangai' no.

SULABOI 1:17

“Pinatutui ku kalindu', kaa' kolondo' osoi pana mangindangan raki'. Nangator Tuhan ra pantula' intor ra ngaangai' intok koson tumula' raki'. Pamakuan nilo raki' koson ra ampangara'.

SULABOI 1:2

Nosorondom io nantangi', lomou nano tumilisan ra pingas. Kolondo' sangulun pana intor ra rangan nano masaga' mapabansuk riso. Ngaangai' rangan nano liminaat am nantula' riso.

SULABOI 1:9

Jamol nano nakito kaga' kaa' kalo lioon no. Nalunsayan nano makalalaa', kolondo' osoi pana makabansuk ra guang nano. Pantula' nano namanang am nantangi' io makimasi' intor ra Tuhan.

AMOS 3:10

Indagu Tuhan, “Sinuangan ru mamagun ru Samaria baloi nilo ra kuliamos-kuliamos ondo' noowot intor ra kalaatan am nantakawan. Totopot ilo kalo makapandai ra mabanis guang.

AMOS 3:9

Potonowo' tanou ti ra ulun ondo' minayan giu' ra istana Misir am Asdod, “Timung kano giu' ra bulur-bulur giu' ra liliut ru Samaria, am ilai' kajajawan am niayuk kalaatan ondo' nasauk ra giu'.”

MALIAKI 2:13

Suai raginio mokoondo' poyo binaal min. Tinimugan min altar ru Tuhan ra lomou; nantangi' kou am nanulaboi sabap ra Tuhan kalo boo mangapu ra taak min.

MALIAKI 3:18

Ulun Kuno makakito poyo ra pansuayan ru pupus ru ulun moonsoi am pupus ru ulun malaat, ulun ondo' mangandoi ayuk Raki' am ondo' kalo.”

MALIAKI 3:5

Mindagu Tuhan Ondo' Maayo Kaga' Kuasa', “Matong Aku koson mangakim ramuyun. Mataki' Aku masauk ra sasi' koson manggal ra ulun mapandai kaga' ra sihir, ulun mansawa', ulun mangani' ra inono' kalo motopot, ulun nambaal ra malaat ralalom ru baal mampagaji' ra ulun mangandoi, ulun ondo' mangimbolo' ra ruandu' napuor, nailusan ra matuo, am ulun bansa' ra bokon, am niayuk ra ngaangai' ulun ondo' kalo mangurumat Raki'.”

MATIUS 26:56

Kaa' ngaangai' baal ragitio maaru' masauk koson mampainono' ondo' tinulisan ru nabi-nabi ra Buuk Kitab.” Ngaangai' maamaya' Nano pana nagiru' boo nangiruan ri Jisus.

SAGULION 28:33

Talingaawon ru bansa' ru bokon ngaangai' ampos ru tatanom ondo' piniratan min toojo. Akau galama' kalo mangapu ra rondo' pana, kaa' pangimbalaan ondo' mararayus am baal kalaatan.

SAGULION 28:48

Ginio ra mangandoi kau ra pantula' ondo' porotongon ru Tuhan koson gumula' ramuyun. Maitilan kau, paason am magibaang; matutusan kau ra ngaangai' no. Mangimbolo' Tuhan ramuyun ra malaat saboi ra maluus kau.

JAKUBUS 5:4

Kalo nampagaji' kau ra ulun ondo' nanantab ra bilor mino. Rongogo' noyo tangi' ru nangkausan nilai ti! Bobolos ru nanantab no naining noyo ri Aki Kapuuno' Ondo' Maayo Kaga' Kuasa'.

TINGGANAI RU BANSA' 4:3

Raja' Jabin mokoondo' ra siam ngaatus kurita' kuda intor ra basi'. Namarinta io ra ulun ru Israil ra malaat am mamatoi buoi ruo ngoopor ngambilor. Ulun ru Israil pana nampiau boo nakiindangan ra Tuhan.